Úkimet • 05 Qarasha, 2019

I Halyqaralyq sýret baıqaýynyń jeńimpazdary marapattaldy

37 retkórsetildi

Qazaqstan Respýblıkasynyń Syrtqy ister mınıstrliginde «Qazaqstan álem balalarynyń kózimen» I Halyqaralyq sýret baıqaýynyń jeńimpazdaryn marapattaý rásimi ótti. Is-sharaǵa Qazaqstanda akkredıttelgen dıplomatııalyq mıssııalar basshylary, Qazaqstannyń jáne shetel mádenıet jáne óner qaıratkerleri, alys-jaqyn shetelden kelgen jas talanttar, BAQ ókilderi qatysty. Bul týraly Syrtqy ister mınıstrliginiń baspasóz qyzmeti habarlady. 

«Qazaqstan álem balalarynyń kózimen» Halyqaralyq sýret baıqaýy elimizde alǵash ret ótkizilip otyr. Jobanyń maqsaty – álem balalaryn Qazaqstanmen, onyń tarıhymen, mádenıetimen, geografııasymen tanystyrý, balalardyń jeke jáne shyǵarmashylyq áleýetin ashýǵa jaǵdaı jasaý. 

Baıqaýǵa 7-16 jas aralyǵyndaǵy Ázerbaıjannyń, Belarýstiń, Japonııanyń, Italııanyń, Qazaqstannyń, Reseıdiń, Túrkııanyń jáne basqa da elderdiń balǵyn sýretshileri qatysty.

Baıqaýǵa qatysý úshin balalarǵa «Qazaqstan halqynyń ertegileri men ańyzdary», «Qazaqstan tarıhy», «Qazaqstan kórinisteri», «Qazaqstannyń kıeli jerleri», «Halyq meıramdary» jáne «Qazaqstan halqynyń salt-dástúrleri» sııaqty taqyryptar boıynsha sýret joldaý usynyldy.

Baıqaý qorytyndysy boıynsha jas sýretshilerdiń 70 sýretinen turatyn sýret kórmesi uıymdastyryldy.

Rásimge qatysýshylarǵa arnap №2 balalar mýzyka mektebiniń jas dombyrashylary men skrıpkashylary «Kóńil ashar» jáne «Rolf Lovland - Elan» kompozısııalaryn oryndady. Baıqaý jeńimpazdary syılyqtarmen jáne alǵys hattarmen marapattaldy.

Marapattaý rásiminde sóz sóılegen Syrtqy ister mınıstriniń orynbasary Roman Vasılenko «Qazaqstan álem balalarynyń kózimen» baıqaýynyń elimizdi tanymal etý isinde jasalǵan taǵy bir qadam ekendigin atap ótti. Baıqaýǵa balalardyń túrli elderden qatysýy jas talanttardyń Qazaqstanǵa degen zor qyzyǵýshylyǵynyń belgisi. Ol baıqaýdy jyl saıyn ótkizý dástúrge aınalatynyn jáne oǵan qatysýshylardyń aıasy keńeıe túsetinine úmittenetinin jetkizdi. R.Vasılenko Syrtqy ister mınıstrliginiń atynan rásimge qatysqan balalardy jeńisterimen quttyqtap, olarǵa jańa shyǵarmashylyq sáttilikter men jetistikter tiledi.

Rásimde sondaı-aq baıqaý qazylar alqasynyń tóraǵasy, eńbek sińirgen mádenıet qaıratkeri, Qazaqstan Respýblıkasynyń sýretshiler Odaǵynyń múshesi Tileýjan Batanov ta quttyqtaý sóz sóıledi.

Baıqaýdyń uıymdastyrýshylary – Nur-Sultan qalasynyń Balalar kórkemsýret mektebi-IýNESKO klýby, Nur-Sultan qalasy bilim basqarmasy, «Qulanshy» qazirgi zaman óneri Ortalyǵy, «Baıta» jas talanttardyń shyǵarmashylyq bastamalaryn qoldaý qaıyrymdylyq qory jáne Qazaqstan Respýblıkasyndaǵy pedagog-sýretshilerdiń Halyqaralyq Odaǵynyń О́kildigi.

Sońǵy jańalyqtar

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Sholohovqa aq bota syılaǵan

Aımaqtar • Keshe

Uqsas jańalyqtar