06 Qarasha, 2019

Hat qorjyn (06.11.2019)

3462 retkórsetildi

...maqtan tutady

Keń peıildi, kóp balaly Nurumovtar

О́zderiniń jastyqtaryna qaramastan, osydan biraz ýaqyt buryn Qaırat pen Gúlnár Nurumovtar balalar úıinen úsh sábıdi alyp, shańyraǵyndaǵy bes qyzdyń ortasyna qosyp, tárbıeleıdi. «Aıtpasa júrekten ketedi, tartpasa bilekten ketedi» demekshi, Qaırat Nurumov:

– Bizdiń Shaldaı aýylyndaǵy balalar úıin jabady, al sábılerdi basqa jerge jiberedi degen sybysty estip, zaıybym Gúlnár ekeýmiz aqyl­dasyp, jetimderdi almaqshy boldyq. Atalǵan mekeme bas­shylarynyń aıtýynsha, Nına, Olıa, Masha (Kondratevalar) atty apaly-sińlili úsh qyzdy jastarynyń aıyrmashylyǵyna baılanys­ty bólip, basqa mekemelerge jiberetin boldy. Biz basshylardyń ondaı sheshimine qarsy boldyq, ulty basqa bolsa da, jasóspirimderdi otbasymyzǵa alamyz dedik. Mine, búginde Nına, Olıa, Marııa – ózimizdiń týǵan qyzdarymyz Álııa, Mádına, Lılııa, Náılá, Ásııa sııaqty bizge sondaı baýyrmal, aqyldy, meıirimdi, eńbekqor. Osy kúnderi Nına ózine unaǵan oqý ornyn támamdap Pavlodar oblysyndaǵy Sharbaqty aýdanynyń qorǵanys jónindegi basqarmasynda qyzmette, sondaı-aq Olıa, Marııa kolledjdiń stýdentteri. Qudaı qalasa, qyzymyzdy ári qaraı oqytamyz, turmys quramyz dese, toıyn jasaımyz, – dedi.

«Ertis ormany» tabıǵı rezervatynda eńbek etip kele jatqan júrekteri syrly, júzderinen ımany tógilgen erli-zaıypty Nuru­mov­tardyń ónegeli isi kim-kimge de úlgi degimiz keledi.

 

Saparǵalı JAǴYPAROV,

áskerı jýrnalıst

 

Pavlodar oblysy,

Shaldaı aýyly

 

...úlgi etedi

«Jalynyń sónbesin...»

«Jalynyń barda qyzýyńdy ber» deıdi dana halqymyz. Qaı kezde de bolsyn eldiń eldigin, memlekettiń memlekettigin qalyptas­tyratyn, bolashaǵyn aıqyndaıtyn óskeleń urpaq, ıaǵnı jastar qaýymy. Osy oraıda oblystyq zaǵıp jáne nashar kóretin azamattarǵa arnalǵan arnaýly kitaphana janynan «Jalyndy jastar» klýby qurylyp, jumys istep keledi.

Jastar klýbynyń maqsaty – múmkindigi shekteýli jandardy qoǵammen baılanystyrý, kedergisiz orta qalyptastyrý. Jastardyń bos ýaqytyn tıimdi paıdalanýǵa daǵdylandyra otyryp, shyǵarmashylyq qabiletin shyńdaıtyn «Jalyndy jastar» klýby ártúrli mádenı is-sharalar uıymdastyryp, olardy belsene qatystyryp otyrady.

HHI ǵasyr – aqparat zamany desek, zaǵıp oqyrmandarymyzdy qajetti maǵlumattarmen qamtamasyz etý jastar klýbynyń basty baǵdarlarynyń biri. Múmkindigi shekteýli jastarǵa kitaphana qoryna jańadan kelgen aýdıokitaptardy usynyp, baspasóz betterinde jaryq kórgen maqalalardy oqyp, el jańalyqtarmen tanystyryp otyramyz.

Bıyl jastar jyly, el bolyp jastardy qoldaıtyn jyl. Jastardyń rýhanı jańǵyryp, jańa múmkindikterge qol jetkizýge septigi mol jyl. Osy tusta múmkindigi shekteýli jastar shekteýsiz ıgilikke qol jetkizse deımiz.

 

Juldyz JUMAǴULOVA,

 Batys Qazaqstan oblystyq zaǵıp jáne nashar kóretin azamattarǵa arnalǵan arnaýly kitaphana kitaphanashysy

 

...áserimen bólisedi

Jastar Qulbaraq ataǵa taǵzym etti

Shetpe aýylynyń jastary men «Jasyl el» eńbek jasaqshylary «Rýhanı jańǵyrý» baǵdarlamasynyń «Qazaqstannyń kıeli jerler geografııasy» baǵyty boıynsha Tıgen aýylyna jaqyn Qulbaraq ata qaýymyna arnaıy bardy. Maqsat – aýyl jastary men stýdent jastardyń tarıhı-tanymdyq jan dúnıesin kúsheıtý jáne «Rýhanı jańǵyrý» memlekettik baǵdarlamasyn jastar arasynda keńinen nasıhattaý bolyp tabylady. Jastar aldymen Qulbaraq batyrdyń basyna baryp quran baǵyshtady. Sosyn qaýymdyqty aralap, osyndaǵy ataqty tulǵalar týraly málimetterge qanyqty. Budan soń jastar qaýymdyq túneýhanasyna baryp shyraqshymen áńgime dúken qurdy.

Qulbaraq Tabyldyuly Hıýa handarynyń ozbyrlyǵyna qarsy kúresken. Qulbaraq túrikmenniń ataqty Súıinǵara batyrynyń jıeni. Qulbaraq batyrdyń erligi negizinen Hıýa handyǵynyń alaman-qaraqshylarynan el qorǵaý urystarynda tanylǵan. Mataı aqyn «Batyr bolyp týypty, Tabyldydan Qulbaraq, Alty san Alash jıy­lyp, Kem degen joq bir qazaq» dep jyrlaǵan. 1832 jyly qysynda Hıýa hany Allaqul Mańǵystaýǵa 3 myń qol attandyrady. Qulbaraq az qolmen kúshi basym jaýmen Tıgen jerinde erlikpen urysyp qaza tapqan. Batyrdyń Tıgenge jaqyn tóbe basyndaǵy zıraty da áýlıe jer bolyp esepteledi. Bertinde basyna sándi kúmbez, túneýhana salyndy. Keler 2020 jyly Qulbaraq atanyń 230 jyldyǵy respýblıka kóleminde atalyp ótilmek.

 

Baqytjan SATYBALDIEV,

aýdandyq jastar ortalyǵynyń mamany

 

Mańǵystaý oblysy,

Mańǵystaý aýdany

 

...saqtandyrady

Senim setinemesin deńiz

Dál osyndaı taqyryppen osydan on shaqty jyl buryn bir gazette úlken maqala jarııalanyp edi… Eleń etkizip, oqýshyny birden ózine tartatyn taqyryp… Jýrnalıstik tásil shyǵar. Biraq maqalanyń maǵynasy da óte jaqsy edi. Sonda aıtpaǵy – eger maǵan Keńes Odaǵy kezinde kompartııa kelip: «Qonaevty at!» dese, atar edim», deıdi. Sebebi shyr etip dúnıege kelgennen bastap meni kompartııa tárbıeledi. Álippede de óz ıdeologııasyn sińirdi, mýltfılm arqyly da, telebaǵdarlamalar arqyly da, gazet-jýrnaldary arqyly da óz ıdeologııasyn sińire berdi, sińire berdi. Ásirese ádebıet arqyly, kórkem shyǵarmalar arqyly sińirdi. Sondaǵy keıipkerlerge eliktedik. Al keıipkerlerdiń is-qımyly men oılary tunyp turǵan ıdeologııa edi, – deıdi. Al qazir she? Keńes odaǵy bolmaǵanymen, buqaralyq aqparat quraldary arqyly, kınosy men mýltfılmi bar, mýzykasy arqyly óz ıdeologııasyn júrgizip jatqandar kóp qoı. Soǵan abaı bolý kerek. Áıtpese qulaǵyńa neshe túrli «ızmderdi» quıyp tastap, sosyn baryp «at!» dese, ata salamyz ba? Búlik shyǵarǵyshtar, iritki salǵyshtardyń qoldanatyn tásili ǵoı. Neshe túrli jańalyq taratqyshtardyń habarlaryn da syn kózben oqý kerek. Aıtqany men jazǵanynyń bárine sene salatyn jaman ádetten arylýymyz kerek…

 Edige ALPYSBAI

 

NUR-SULTAN

Sońǵy jańalyqtar

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Sholohovqa aq bota syılaǵan

Aımaqtar • Keshe

Úrkimbaev úılesimi

Aımaqtar • Keshe

Uqsas jańalyqtar