Qoǵam • 06 Qarasha, 2019

Úzdik áleýmettik jobalar anyqtaldy

45 retkórsetildi

Nur-Sultan qalasynda «Qazaqstannyń úzdik áleýmettik jobalary» VII respýblıkalyq baıqaýynyń qorytyndysy shyǵaryldy. Marapattaý rásimi Táýelsizdik saraıynda Premer-Mınıstrdiń orynbasary Berdibek Saparbaevtyń, Eńbek jáne halyqty áleýmettik qorǵaý mınıstri Birjan Nurymbetovtiń, Prezıdent Ákimshiliginiń jáne Úkimet ókilderiniń, Parlament depýtattarynyń jáne ÚEU ókilderiniń qatysýymen ótti.

Bıyl baıqaýǵa qatysýǵa 224 ótinim kelip tústi, onyń ishinde óńirlik kezeń barysynda 57 joba tańdap alyndy. Alpys shaqty jobany qarap shyqqan komıssııa músheleri «Qazaqstannyń úzdik áleýmettik jobalary» respýblıkalyq kórmesiniń qaty­sýshylaryn anyqtady. Olardyń ishinde Almaty qalasynan 4 joba, Jambyl oblysynan 2 joba, Shym­kent qalasy, Pavlodar, Qosta­naı, Almaty, Aqtóbe, Túrkis­tan, Batys Qazaqstan jáne Soltús­tik Qazaqstan oblystarynan 1 jobadan usynyldy.

Komıssııa quramyna Eńbek jáne halyqty áleýmettik qorǵaý mı­nıstrliginiń ókilderi, Parla­ment depýtattary, bıznesmender, ÚEU jáne BAQ basshylary, sondaı-aq áleýmettik sala arda­ger­leri kirdi. Bıylǵy jobalar «Áleý­mettik problemalardy she­shýdi aqparattyq ilgeriletý», «Áleýmettik saladaǵy volon­terlik qozǵalysty damytý», «Teń múmkindikterdi qamtamasyz etý», «Múgedektigi bar adamdardy qosa alǵanda, azamattardy jumyspen qamtýǵa kómek kórsetý» jáne «О́mirlik qıyn jaǵdaılardy jeńýge kómek kórsetý» syndy 5 baǵyt boıynsha baǵalandy.

Quttyqtaý sóz sóılegen B.Sa­parbaev áleýmettik qyz­met­­ker mamandy­ǵynyń qansha­­lyqty mańyzdy ári jaýapty ekendigin  basa aıtty.

Konkýrs jeńimpazdaryn qut­tyq­taı otyryp, Birjan Nurym­betov olardyń jumysynyń mańyzyn atap kórsetti.

Almaty oblysynyń «Adap­tıvti atqa miný» jobasynyń úıles­tirýshisi Qýanysh Nurma­ham­bet «Qazaqstannyń úzdik áleý­mettik jobalary» konkýrsynyń jeńimpazy atandy. Bul joba ıppoterapııa boıynsha qyzmet kórsetý arqyly erekshe qajettilikteri bar balanyń dene belsendiligin damytýǵa baǵyttalǵan. Qýanysh Nurmahambettiń aıtýynsha, eki jyl ishinde 80-ge jýyq adam atqa miný arqyly aqysyz ońaltý qyzmetterin alǵan. Osynyń nátı­jesinde múgedektigi bar bala­lardaǵy vestıbýlıarly jáne tirek-qımyl apparaty men barlyq bulshyq et toptarynyń fýnksııalary jaqsaryp, vegetatıvti júıke júıesine oń áserin tıgizdi.

Ekinshi orynǵa almatylyqtar Lázzat Qaltaevanyń «Múgedektigi bar qyzdarǵa ar­nalǵan jeke ómir mektebi» jáne Raı­sa Sypabe­ko­vanyń «Shyńǵa órleý» áleý­mettik klýby jobalary ıe boldy.

«Múgedektigi bar qyzdarǵa arnalǵan jeke ómir mekte­bi» jobasy múmkin­dik­teri shekteý­li jastardy qoǵamǵa yqpal­­das­­­tyrýǵa, elde ınklıýzıvti qoǵam qurýǵa ba­­ǵyttalǵan. Munda olarǵa múgedek­­tikke qatysty qorqynysh pen qaýipsiz­d­­ikti jeńýge kómek kórsetiledi, ózin-ózi ba­­ǵalaýdy joǵarylatý men óz ómirin jos­­par­laý jáne sheshim qabyldaý daǵdylaryn qalyptastyrý boıynsha jumys júrgiziledi.

«Shyńǵa órleý» jobasy kóp balaly jáne tabysy az otbasylarda tárbıe­le­netin mektep jasyndaǵy balalarǵa ómir­lik tájirıbeni, bilim men daǵdylardy berýdiń úılesimdi prosesin qa­lyptastyrý arqyly ártúrli formattaǵy nátıjeli, eki jaqty qarym-qatynas jasaýdyń nátı­jesinde ómirde qıyn jaǵdaıǵa tap bolǵan aǵa býyn ókilderin qoǵam ómirine tartýdy kózdeıdi.

Úshinshi oryndy Soltústik Qazaqstan oblysynan kelgen Sá­limhan Sábıtovtiń «Teń jol» jáne Qostanaı oblysynan Aısulý Jumabaevanyń «Múge­dektigi bar adamdardy qosa alǵan­da, azamattardy jumyspen qamtý­ǵa kómek kórsetý» atty jobalary ıelendi.

Sálimhan Sábıtovtiń jobasy qolmen basqarylatyn kólikte avtomobıl kýrs­taryn uıym­das­tyrý jáne júrgizýshi kýálikterin berý arqyly tirek-qımyl apparaty buzylǵan adamdardy oqytýdy uıymdastyrý. Múgedektigi bar áıelderdi jumysqa ornalastyratyn tigin sehy – Aısulý Jumabaevanyń tabysty jobasy.

Baıqaý qorytyndysy boıynsha
1 oryn – 1,5 mln teńge, 2 oryn – 1 mln teńge, 3 oryn – 500 myń teńgelik aqshalaı sertıfıkattarmen, dıplomdarmen jáne stellalarmen marapattaldy. Barlyq fınalısterge alǵys hattar men syılyq sertıfıkattary tabys etildi.

Sonymen qatar Eńbek jáne halyqty áleýmettik qorǵaý mınıs­trliginiń saıtynda ótkizgen onlaın daýys berý nátıjeleri boıyn­sha eń kóp daýys jınaǵan úsh jeńimpaz anyqtaldy. Olar­­dyń qatarynda 1 orynǵa Pavlo­dar oblysynan Svetlana Kachý­ra­nyń «Júrek únimen» jobasy (9911 daýys), 2 orynǵa Nur-Sul­­tan qalasynan Ev­genııa Chebota­revskaıanyń «Shýaq­ty álem» jo­basy (8422 daýys), 3 orynǵa shym­kenttik Kámıla Ish­metovanyń «Erekshe balalarǵa arnalǵan akva terapııasy» jobasy (5100 daýys) turaqtady. On­laın daýys berý jeńimpazdary baǵaly syılyqtarmen marapattaldy.

Saltanatty shara Gúlzıra Bókeıhan, Nurǵalı Turlybekov, Tamara Asar, Ǵadilbek Janaı, Erhan Tóleıbek, Qazaq sańyraý­lar qoǵamy, Qazaq fılarmonııa­synyń ujymy jáne «Nazar» toby­nyń qatysýymen uıymdas­ty­rylǵan konsertke ulasty.

Esterińizge sala keteıik, «Qazaq­stannyń úzdik áleýmettik jobalary» konkýrsy ózekti áleýmettik máselelerdi sheshýge, sonyń ishinde múgedektigi bar jáne múgedek balalary bar otbasylardy ońaltýǵa, múmkindikteri shekteýli adamdarǵa áleýmettik ınfraqurylym nysandaryna kedergisiz qoljetimdilikti qam­tamasyz etýge, jumysqa orna­lasýǵa, sondaı-aq olardyń quqyq­taryn iske asyrýǵa jáne qorǵaýǵa baǵyttalǵan jobalardy qoldaý maqsatynda ótkiziledi. 2013 jyldan bastap 2019 jylǵa deıin konkýrsqa qatysýǵa 1 192 ótinim berildi, onyń ishinde óńirlik deńgeıde 228 áleýmettik joba jáne respýblıkalyq deńgeıde 19 joba jeńimpaz dep tanyldy, dep habarlady Premer-Mınıstrdiń baspasóz qyzmeti.

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar