Aımaqtar • 06 Qarasha, 2019

Sýbsıdııa tóleý isi sozyla bere me?

34 retkórsetildi

Búgingi kúni memleket tarapynan beriletin qarjylaı qoldaýǵa eń birinshi kezekte óńirdegi mal ósirýmen aınalysatyn agroqurylymdar zárý ekeni aıqyn baıqalady. Sonyń eń basty kórinisi osy maqsatta beriletin sýbsıdııalyq qarajattyń ýaqytynda tólenbeýi. Sondyqtan oblystaǵy birqatar sharýaqojalyqtardyń  ıeleri kóptegen kedergilerge kezigýde.

Atap aıtqanda olar tehnıka men mal azyǵyn satyp alýǵa jáne aldaǵy mal qystatý naýqanyna ázirlik jasaýǵa múmkindik taba almaı otyr. Sonymen birge buǵan deıin alǵan nesıesin jabýǵa da sýbsıdııanyń jetimsizdigi salqynyn tıgizýde. Lajsyzdyq pen májbúrlikten kóptegen sharýa qojalyqtardyń jetekshileri qoldaryndaǵy asyl tuqymdy maldaryn etke ótkizýde. Munyń zardaby ýaqyt óte kele tipten aýyr tıetini talas týǵyzbaıdy. Osynyń bári qarjynyń tapshylyǵynan oryn alǵany aıtpasa da belgili. Jyǵylǵanǵa judyryq degendeı onyń ústine bıylǵy jaz aılarynyń qurǵaqshylyq bolýy, jaýyn-shashynnyń az túsýi de jem-shóp jetkiliksizdigi jaǵdaıyn jedeldete túsken-di.

Aqtóbe oblystyq aýylsharýashylyǵy basqarmasynyń basshysy Qusaıyn Sársembaıdyń aıtýynsha sońǵy ýaqytta mal ósirýshiler tarapynan sýbsıdııaǵa suranys deńgeıi ósip keledi. Ony óteý úshin bıyl respýblıkalyq bıýdjetten qosymsha 5,9 mıllıard tenge suratylǵan. Áıtse de bul qomaqty soma áli kúnge deıin sharýalardyń qolyna tımegen.

Atalǵan ýaqyt aralyǵynda jergilikti bıýdjet esebinen 5,6 mıllıard teńge kólemindegi qarajat tolyqtaı ótelgen. Soǵan qaramastan qazirgi kezde oblysta sýbsıdııa boıynsha fermerlerge beriletin qaryz 3,2 mıllıard tenge quraǵan. Munyń syrtynda sýbsıdııa alýǵa mal ósirýshiler tarapynan áli de ótinimder túsip jatqanyn eskersek, bul mólsherdiń óse túsetinine shek keltirý qıyn.

Mal sharýashylyǵyna qatysty alǵanda osy kezge deıin «Sybaǵa» baǵdarlamasy salalyq agroqurylymdarǵa ájeptáýir kómegi men shapaǵatyn tıgizip kelgen bolatyn. Atalǵan baǵdarlama aıasynda asyl tuqymdy mal ósirýdi júıeli jolǵa qoıýdyń jańa bir joly ashylǵandaı edi. Sonyń ishinde osy arqyly mármár et eksporty úlesin kóterý múmkindigi týǵyzylǵany da kúni keshe edi deýge bolady, solaı bola tursa da keıingi kezde aımaqta oryn ala bastaǵan sýbsıdııa men syrtqy ınvestısııa sekildi ózge de qarajat kózderiniń tapshylyǵy bul baǵyt boıynsha alǵa qaraı odan ári jyljýǵa tejeý saldy desek, shyndyqtan aýytqı qoımaspyz.

Bul aradaǵy basty másele joǵaryda kórsetilgen respýblıkalyq bıýdjetten bólinetin qomaqty qarajattyń bólinbeýinde ekeni belgili. О́ńirdegi sýbsıdııa tapshylyǵy oryn alýynyń basty sebebin de osy tustan izdegenimiz jón. Sonymen sońǵy derekterge súıensek, belgilengen sýbsıdııa mólsheriniń Aqtóbe oblysyna aldaǵy 2020 jyldyń basynda ǵana berile bastaıtynyn baǵamdaı alamyz. Oblystyq aýylsharýashylyǵy basqarmasy mamandarynyń esebinshe sharýa baqqan aǵaıyndardyń sýbsıdııaǵa degen suranysy tek aldaǵy jyldyń birinshi toqsanynyń aıaǵyna keıin tolyqtaı ótelmek.

Árıne mal ósirip, onyń ónimderimen el-jurtty qamtýdy maqsat etken sharýa ıeleriniń zańdy tólemderin alǵysy keletindigi túsinikti jáıt. О́kinishke oraı bul másele de Aqtóbe oblysynda qazirgi kúni kúrdeli jaǵdaılar qalyptasqan. Osyǵan oraı QR aýylsharýashylyǵy mınıstrligi Mal sharýashylyǵy ónimderi óndirisi jáne óńdeý departamenti óz tarapynan el Parlamentine óz ótinishterin túsirgen eken. Bul jóninde oblysqa kelgen saparynda atalǵan departament dırektorynyń orynbasary Qaırat Mutaev túsinik berdi. Osy oraıda bul másele respýblıkalyq bıýdjetti naqtylaý kezindegi májilisterde eskerilip, qoldaý taýyp jatsa, buǵan deıingi sheshilmeı júrgen túıinderdiń tarqatylary anyq.

Biz osy maqalany gazet óndirisine ázirleý kezinde óńirdegi sýbsıdııa tapshylyǵyn joıý, oyń sharýa qojalyqtary jetekshileri men fermerlerge berý merzimin qysqartý jóninde arnaıy jumys toby qurylǵanynan habardar boldyq. Onyń quramyna aýylsharýashylyǵy, Qarjy jáne Ultttyq ekonomıka mınıstrlikteri ókilderi engizilipti. Sonymen birge onyń quramy «Atameken» ulttyq kásipkerlik palatasy men Parlament depýtattary esebinen tolyqtyrylǵan eken. Osylaısha atalǵan jumys tobynyń qorytyndysyna saı mal sharýashylyǵyn damytýdy sýbsıdııalaýǵa qosymsha qarjy bolý jónindegi máseleler men usynys-tilekter óz sheshimin tapsa ıgi.

 

AQTО́BE 

 

Sońǵy jańalyqtar

Altaıda 60 kóshe jóndeldi

Aımaqtar • Búgin, 06:54

Úmitińdi úzbe, úlesker...

Qoǵam • Búgin, 06:51

Ulylar murasy – urpaqqa ónege

Aımaqtar • Búgin, 06:42

«Atyńnan aınalaıyn, Áýlıe ata»

Rýhanııat • Búgin, 06:40

Paralımpıadalyq nysandy aralady

Úkimet • Búgin, 06:24

El ardaǵy – elý esim

Qoǵam • Búgin, 06:20

On aıdaǵy ornyqty damý

Ekonomıka • Búgin, 06:17

Strategııalyq yqpaldastyq artady

Parlament • Búgin, 06:09

Mıssııa basshysymen kezdesti

Úkimet • Búgin, 06:08

Kúlki kerýeni № 14

Rýhanııat • Keshe

176 keli qyzylbalyqpen ustaldy

Aımaqtar • Keshe

6 myń shaqyrym jol aqyly bolady

Ekonomıka • Keshe

Arnaıy ekonomıkalyq aımaq

Ekonomıka • Keshe

Qaharmanǵa qurmet

Rýhanııat • Keshe

Maqsaty bıik «Mámile»

Aımaqtar • Keshe

JITS-ke qarsy is-sharalar ótedi

Medısına • Keshe

Talanttar tálimgeri

Rýhanııat • Keshe

Aqyn jáne onyń mýzasy

Rýhanııat • Keshe

Aýadan qarmaǵan aıyppul

Aımaqtar • Keshe

Uqsas jańalyqtar