Úkimet • 06 Qarasha, 2019

A. Mamın: «Aýyl – el besigi» jobasy 7 mln turǵynnyń ómir súrý sapasyn arttyrady

29 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda «Aýyl – el besigi» jobasyn iske asyrý barysy qaraldy. Bul týraly primeminister.kz habarlady. 

Atalǵan baǵytta atqarylyp jatqan jumystar týraly Premer-Mınıstrdiń orynbasary R. Sklıar, óńirlerdegi jaǵdaı týraly Almaty oblysynyń ákimi A. Batalov, Shyǵys Qazaqstan oblysynyń ákimi D. Ahmetov, Aqmola oblysynyń ákimi E. Marjyqpaev baıandady. 

«Aýyl – El besigi» jobasyn iske asyrý Elbasynyń 2019 jylǵy 27 aqpanda Nur Otan partııasynyń XVIII sezinde bergen tapsyrmalaryna sáıkes bastaldy. Joba Elbasy N. Nazarbaevtyń jáne Prezıdent Q. Toqaevtyń tapsyrmalary boıynsha ázirlenip jatqan aýdandar, qalalar men oblystar boıynsha aýmaqtardy damytýdyń óńirlik baǵdarlamalary úshin berik negiz bola alady. 

«Aýyl – El besigi» jobasynyń negizgi maqsaty – aýyldyq jerlerde ómir súrý sapasyn jaqsartý, aýyldyq aýmaqtardyń ınfraqurylymyn jańǵyrtý, olardy О́ńirlik standarttar júıesiniń parametrlerine keltirý. Jańa ádisteme boıynsha 3477 perspektıvaly aýyl irikteldi, onda 6,6 mln adam nemese aýyl halqynyń 85% turady. 2027 jylǵa deıin Jobaǵa bólinetin qarajatty 900 mlrd teńgege deıin josparlanǵan qosymsha arttyrýdy eskerýmen, aýyldyq jerlerdi damytýǵa baǵyttalǵan basqa memlekettik baǵdarlamalarmen birge qarjylandyrýdyń jalpy kólemi 2 trln teńgeden asady, al jobalar sany 30 myńnan astam. 

Premer-Mınıstr A. Mamın Jobany iske asyrý aıasynda 7 jyl ishinde aýyldardyń barlyq ınfraqurylymyn jańartý, 7 myń shaqyrymnan astam joldy jáne aýylishilik kóshelerdi salý jáne jóndeý tirshilikti qamtamasyz etetin ınjenerlik jelilerdi salý, sapaly aýyz sýmen 100% qamtamasyz etý, bilim berý, densaýlyq saqtaý, mádenıet jáne sport obektilerin rekonstrýksııalaý jáne salý, sonymen qatar 130 myń jańa jumys oryndaryn qurý arqyly 7 mln-ǵa jýyq aýyl turǵyndarynyń turmys sapasyn jaqsartý kútilip otyrǵanyn atap ótti.

Úkimet basshysy «Aýyl – El besigi» jobasyn qarjylandyrýdy ulǵaıtý týraly usynystardy engizýdi, jyldar boıynsha toptastyryp jáne qajetti qarjylandyrý kólemimen tirek jáne spýtnıktik aýyldyq eldi mekenderdiń tizimin qaıta qaraýdy, sondaı-aq aǵymdaǵy jyldyń sońyna deıin 2020-2026 jyldarǵa arnalǵan jańartylǵan «Aýyl – el besigi» jobasyn daıyndaýdy tapsyrdy.

Shyǵyndardyń 70%-y respýblıkalyq bıýdjetten qarjylandyrylatyn bolady. О́ńirlerdiń ákimdikterine shyǵyndardyń qalǵan 30%-yn birlesip qarjylandyrý kózderin anyqtaý tapsyryldy. Sonymen qatar, jobalardy júzege asyrý úshin bıýdjetten tys qarajat tartý, qajetti qujattamany daıyndaý jáne árbir tirek jáne spýtnıktik aýyldyq eldi meken úshin Ekonomıkany damytý josparlaryn ázirleý qajet.

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar