Aımaqtar • 06 Qarasha, 2019

Aqtóbede «Jasyl el» jasaqtarynyń eńbek maýsymy qorytyndylandy

18 retkórsetildi

Aqtóbede «Jasyl el» eńbek jasaqtarynyń HV eńbek maýsymynyń jabylýy saltanatty túrde  atalyp ótti. Merekeli jıynǵa arnaıy qatysqan oblys ákimi Ońdasyn Orazalın sharany resmı túrde ǵana ótkizip qoımaı, jastardy ótkenge oı salýǵa, artyq-kemimizdi saralap, osy baǵyttaǵy jumysty  damytýǵa aqyl qosýǵa shaqyrdy.

«2005 jyly Elbasy N.Á.Nazarbaev stýdenttik qurylys otrıadtaryn qaıta jandandyrý, jastardy eńbekpen qamtý jóninde bastama kótergen edi. Sol bastamany alǵashqy bolyp aqtóbelik belsendi jastar qoldaǵany esimizde. Osy  15 jyl ishinde 60 myń jas stýdenttik otrıadtarda jumys jasap, eńbek mektebinen ótipti. Iаǵnı osynsha jastarymyz ashy termen keletin tabystyń tátti dámin tatty. Aqtóbe oblysynyń shtaby óz jumysyn uıymdastyrýdy durys jolǵa qoıa aldy. Jaýyngerler sanymen de, olarǵa  jalaqy tóleý boıynsha da respýblıkada aldyńǵy qatarda.  Bıylǵy eńbek maýsymynda 5 myńǵa jýyq aqtóbelik jas jumyspen qamtylypty. Ol árıne, maqtanyshpen atap ótýge turarlyq»,- dedi aımaq basshysy.

Ońdasyn Orazalın  80 belsendi jasqa alǵys hat jáne Nur-Sultan qalasyna joldama tabys etti. Sonymen qatar, jeti azamat «Úzdik joǵarǵy oqý orny», «Úzdik orta oqý orny», «Úzdik aýdan», «Úzdik jumys berýshi», «Úzdik jaýynger», «Úzdik komandır», «Úzdik otrıad» nomınasııalary boıynsha oblys basshysynyń alǵys hatymen marapattaldy.

Sondaı-aq oblys ákimi «Jasyl el» eńbek jasaqtarynyń  eńbek  maýsymyn uıymdastyrýda  jiberilgen birqatar kemshilikterdi synǵa aldy.   Alǵa, Yrǵyz,Muǵaljar, Hromtaý aýdandarynyń ákimderine  aldaǵy ýaqytta stýdenttik qurylys otrıadtaryn qajetti jumyspen qamtýdy durys uıymdastyrýdy tapsyrdy.

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar