Qoǵam • 07 Qarasha, 2019

50 myńnan astam adamǵa kómek kórsetti

10 retkórsetildi

«Densaýlyq» medısınalyq poıyzy Qyzylorda oblysynyń 12 stansasy boıynsha óz jumysyn aıaqtady. Poıyz dárigerleri jergilikti turǵyndarǵa tegin medısınalyq kómek kórsetip, birqatar kúrdeli aýrýlardy anyqtap, odan ári emdelý men tekserilýge joldamalar berdi.

Qazir medısınalyq poıyz Túrkis­tan oblysynda jumysyn jal­ǵas­­ty­ryp jatyr.

Dárigerler Qazaqstannyń ár aıma­ǵynda ekologııaǵa jáne aımaq­tyq erekshelikterge baılanys­ty spesı­fı­kalyq problemaly jaǵ­daı­lardy anyqtaýda. Balalar men eresek­ter­diń arasynda anyqtalǵan aýrýlar san jaǵynan da aýrý dárejesiniń kúrdelilik deńgeıi jaǵynan da ós­ke­ni baıqalady. Jıi kezdesken aýrýlar qatarynda qant dıabeti, gıpertenzııa, revmatoıdty artrıt jáne onkologtyń qabyldaýynda pasıent­ter­diń barlyǵynda derlik mastopatııa belgileri anyqtaldy.

Qyzylorda oblysyndaǵy medı­sınalyq tekserý barysynda dári­ger­ler barlyǵy 10 393 naýqasty qabyl­da­sa, olardyń ishinde 554 bala bar.

Medısınalyq poıyz kishigirim hırýrgııalyq operasııalar men skrınıngter jasaý úshin qajetti qural­dar­men jabdyqtalǵan. Osylaısha, poıyzda 312 shaǵyn hırýrgııalyq ota jasaldy, 610 EKG prosedýrasy, 617 ÝDZ jáne 199 flıýrografııa jasaldy.

Qyzylorda oblysynda turǵyndar eń kóp barǵan oftalmolog 805 adam qabyldasa, stomatolog 705 tur­ǵyn­dy tekserdi. Sondaı-aq 610 adam kardıo­log­tyń, 705 turǵyn LOR dárigerdiń jáne 668 turǵyn ýrolog dárigerdiń qabyl­daýynda bolǵan.

 «Úzdiksiz qaıtalanatyn epılepsııa aýrýy bar bir bala «Aqsaı» Respýblıkalyq balalar aýrýhanasyna jatqyzyldy. Eń kóp taralǵan patologııa – temir tapshylyǵy anemııa­sy, balalardyń 80%-ynda tis jegisi bar, balalarda ǵana emes, eresekterde de kezdesedi», deıdi pedıatr, medısına ǵylymdarynyń doktory, Qazaq ulttyq medısına ýnıversıtetiniń balalar aýrýlary kafedrasynyń professory Tatıana Imambaeva.

Medısınalyq poıyz mamandardyń keń spektrimen jumys isteıtin klınıkalary joq eldiń shalǵaı aýdandarynda tegin medısınalyq kó­mek kórsetedi. Turǵyndar poıyz dárigerlerine emdelýge, tekserý­den ótip, densaýlyqty saqtaý boıynsha keńesteri úshin shynaıy rızashylyqtaryn bildirip jatyr. Kóptegen pasıentter aqysyz jáne sapaly medısınalyq kómek alý úshin medısınalyq poıyzdy asyǵa kútetinderin aıtady.

«Densaýlyq» poıyzy bizdiń Bekbaýyl beketine keldi. Men barlyq dáriger­lerdiń qabyldaýynda boldym. Dárigerlerdiń qabyldaýy men tekserýi óte joǵary deńgeıde. Qysqasha aıtqanda, dárigerlerdiń kómegine óte rızamyn. Olarǵa aldaǵy jumystaryna tabys tilegim keledi», dedi Bekbaýyl beketiniń turǵyny Toǵjan Júsipova.

Esterińizge sala ketsek, joba 29 sáýirden bastap júzege asyrylyp keledi jáne onyń basty maqsaty – elimizdiń shalǵaı aýdan turǵyndaryn tegin medısınalyq qyzmetpen qamtý. Jobany «Samuryq-Qazyna» AQ kompanııalar tobynyń atynan «Samruk-Kazyna Trust» Áleýmettik jobalardy damytý qory Densaýlyq saqtaý mınıstrliginiń atsalysýymen júzege asyryp jatyr.

2019 jyldyń 20 tamyzynda «Járdem» mamandandyrylǵan medısınalyq poıyzy iske qosylǵan bolatyn. Ol «Densaýlyq» poıyzy sııaqty medısınalyq kómekke qoly jetpeıtin shalǵaıdaǵy stansalar men jaqyn ornalasqan aýyl­dar­dyń turǵyndaryna alǵashqy me­dısınalyq-sanıtarlyq jáne kon­sýltatıvtik-dıagnostıkalyq kómek kórsetedi. Eki poıyzdyń iske qo­sylý ýaqytynan bastap barlyǵy 50 myń­nan astam adam tekseristen ótken.

Poıyz vagondary nemis jáne ja­pon óndirisiniń aldyńǵy qatar­ly fırmalarynyń zamanaýı dıag­nos­tıkalyq qural-jabdyq­tarymen jabdyqtalǵan. Apparatý­ra­lar pasıentterge qajet bolǵan jaǵdaıda tolyq jalpy jáne bıo­hı­mııalyq taldaýlar jasaýǵa, rentgenografııa jáne flıýorografııadan ótýge, ishki organdarǵa jáne qan tamyrlaryna ÝDZ-zertteýler júrgizýge, elektrokardıogramma, gastrofıbros­kopııa jasaýǵa jáne basqa da dıagnos­tı­ka­lyq zertteýler júrgizýge múmkin­dik beredi.

Poıyz kestesimen www.medpoezd.kz jáne www.sk-trust.kz/ru resmı saıttarynda tanysa alasyzdar.

 

 

 

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar