Ekologııa • 07 Qarasha, 2019

Brakonerlik úshin jaýapkershilik kúsheıtiledi

13 retkórsetildi

Prezıdent janyndaǵy Ortalyq kommýnıkasııalar qyzmetiniń alańynda Ishki ister mınıstrligi Ákimshilik polısııa komıtetiniń tóraǵasy Maqsat Baıbolov, Ekologııa, geologııa jáne tabıǵı resýrstar mınıstrligi Orman sharýashylyǵy jáne ja­nýarlar dúnıesi komıteti tóraǵasynyń orynbasary Marlen Aınabekovtiń qatysýymen baspasóz máslıhaty ótti.

Shara barysynda spıkerler Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda aıtylǵan tapsyrmalary boıynsha júrgizilip jatqan jumystar týraly baıandady. Sonymen qatar janýarlar dúnıesin qorǵaý salasyndaǵy qalyptasqan jaǵdaı, brakonerlikke qarsy kúreste keshendi sharalar qabyldaý qajettigi týraly sóz qozǵady.

Memleket basshysy bra­konerlik úshin jaýapkershilikti kúsheıtý jóninde shuǵyl sharalar qabyldaýdy tapsyrǵan bolatyn. Tapsyrmany iske asyrý sheńberinde Ishki ister mınıstrligi Ekologııa, geologııa jáne tabıǵı resýrstar mınıstrligimen, Bas prokýratýramen birlese otyryp, brakonerlik úshin jazany qatańdatýǵa qatysty zańnamaǵa birqatar túzetý engizgen.

«Zańsyz balyq aýlaǵany, zańsyz ań aýlaǵany, janýarlar men ósimdikter dúnıesi obek­ti­lerimen zańsyz aınalysqany, aǵash keskeni úshin sanksııa ulǵaıtyldy», dedi Ákimshilik polısııa komıtetiniń tóraǵasy Maqsat Baıbolov.

Búgingi kúni IIM ormandardy jáne janýarlar dúnıesin qorǵaý jónindegi memlekettik ınspektorlardyń qyzmettik avtokólikterin jaryq jáne dybys sıgnaldarymen jabdyqtaý jáne bir tústi grafıkalyq shemalar boıynsha quqyq qorǵaý jáne arnaıy organdardyń arnaıy avtokólikterimen teń dárejede boıaý quqyǵyn berý máselesi kelisildi.

Janýarlar men ósimdikter dúnıesin qorǵaý jónindegi memle­kettik ınspektorlarǵa qyzmettik qarýmen júrý quqyǵy berilgen. Memlekettik ınspektorlardyń qyz­­­met­tik qarýdy qoldaný tárti­bi Úki­­mettiń 2012 jylǵy 24 mamyr­­­daǵy № 670 qaýlysymen bekitilgen.

IIM ókili janýarlar men ósimdik­ter dúnıesin memlekettik qorǵaý qyzmetkerleriniń bilikti­ligin arttyrý úshin «brako­nerlikpen kúres jónindegi sharalardy zańnamalyq qamtamasyz etý» oqý baǵdarlamasy ázirlen­genin málimdedi.

Mınıstrlik ókiliniń aqpa­ra­tyna súıensek, qazan aıynda el aýmaǵynda tabıǵat qorǵaý zańna­masyn buzý faktilerin anyq­taýǵa jáne jolyn kesýge baǵyt­talǵan «Brakoner» is-sharasy ótki­zilgen. Jalpy, is-shara nátıjesi boıynsha 2 myńnan astam (2442) zań buzýshylyq anyqtal­ǵan. Atap aıtar bolsaq, zańsyz ań aýlaý, aǵashtar men butalardy zańsyz kesý, zańsyz balyq aýlaý, bıologııalyq resýrstar obektilerin jáne olardyń ónimderin zańsyz satyp alý syndy faktiler tirkelgen. 

«Anyqtalǵan faktiler bo­ıynsha 192 adamǵa qatysty 177 sotqa deıingi qylmystyq tergeý bastaldy, sonyń ishinde jedel-izdestirý sharalary kezinde 51 adamǵa qatysty 47 is sotqa jibe­rildi. Quqyq qorǵaý organdary res­pýblıka boıynsha 10 myńnan astam (10746) tabıǵat qorǵaý zań­namasyn buzýshylyqty anyq­tady», deıdi Marlen Aınabekov.

2018 jyly atalǵan zań buzý­shy­lyq faktileri boıynsha 85,1 mln teńge kóleminde aıyppul salynyp, 72,1 mln teńge óndirilgen bolatyn.

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar