Parlament • 07 Qarasha, 2019

Senatta Ortalyq saılaý komıssııasynyń múshesi taǵaıyndalyp, halyqaralyq qujattar ratıfıkasııalandy

20 retkórsetildi

Joǵarǵy Palata depýtattary Senat otyrysynda Anastasııa Shegorsovany Ortalyq saılaý komıssııasynyń múshesi etip taǵaıyndady. Bul týraly Senattyń baspasóz qyzmeti habarlady. 

Qazaqstan Respýblıkasy Konstıtýsııasynyń 58-baby 3-tarmaǵynyń 7) tarmaqshasyna sáıkes Parlament Senaty Tóraǵasynyń OSK múshesi laýazymyna taǵaıyndaý týraly usynysy Senat qaraýyna engizilgen bolatyn. Senatorlar bul usynysqa biraýyzdan qoldaý bildirdi.

Sondaı-aq Qazaqstan Respýblıkasy men Ýkraına arasyndaǵy ekstradısııalaý týraly shart ratıfıkasııalandy.

Bas prokýrordyń orynbasary Marat Ahmetjanov 2018 jylǵy 29 qazanda Nur-Sultan qalasynda jasalǵan Kelisim eki el arasynda izdeýde júrgen adamdardy qylmystyq jaýapkershilikke tartý nemese sot úkimin oryndaý úshin ekstradısııalaý máselelerin retteıtinin jetkizdi. Qujatta ekstradısııalaýǵa da, odan bas tartý úshin de negizder qarastyrylǵan.

«Shartty ratıfıkasııalaý eki eldiń qylmysqa qarsy kúrestegi yntymaqtastyqtyń tıimdiligin arttyrady. Sharttyń negizgi maqsaty - qylmystyq qýdalaýdy júzege asyrý nemese ustap berýge týra keletin qylmystar boıynsha sot úkimin oryndaý úshin olardyń aýmaǵynan izdeý salynǵan adamdardy ekstradısııalaý salasynda yntymaqtastyqty júzege asyrý» dep atap ótti senator Andreı Lýkın.

Árbir tarap óziniń ulttyq zańnamasy negizinde óz azamattaryn berýden bas tartýǵa quqyly.

Qazaqstan Respýblıkasynyń Bas prokýratýrasy - osy Shart boıynsha quzyretti organ.

1994 jylǵy 15 sáýirdegi Keden isterindegi yntymaqtastyq jáne ózara kómek týraly kelisimge ózgerister engizý týraly hattama ratıfıkasııalandy.

Zań jobasyn elimizdiń Qarjy mınıstriniń mindetin atqarýshy Berik Sholpanqulov tanystyrdy.

Kelisimge qol qoıylǵannan beri 20 jyl ótti, sondyqtan jańa mátinde bere otyryp, hattamamen tıisti ózgerister engizý arqyly Kelisimniń erejelerin jetildirý qajettigi týyndaǵan bolatyn.

Táýelsiz Memleketter Dostastyǵy Úkimet basshylary Keńesiniń Dýshanbedegi otyrysynda 2018 jylǵy 1 shildede qol qoıylǵan hattama TMD-nyń keden salasyndaǵy normatıvtik-quqyqtyq bazasyna túgendeý jumystaryn júrgizý qorytyndysy boıynsha TMD-ǵa qatysýshy memlekettermen birlese otyryp ázirlendi.

Hattamada málimetterdi berýge, suraý salýdyń nysany men mazmunyna jáne onyń oryndalýyna, alynǵan aqparatty paıdalanýǵa qatysty birqatar negizgi bapqa ózgerister engizý usynylady.

Memleketterdiń ortalyq keden organdarynyń arasynda ári memleketterdiń aýmaqtyq keden organdary arasynda tikeleı júzege asatyn taraptardyń suraý salýlarmen almasýy qujattaǵy jańalyqtardyń biri bolyp otyr. Bul keden zańnamasy talaptarynyń buzylýyn kórsetetin derekterdi nemese mán-jaılardy anyqtaý úshin tıimdi yntymaqtastyqqa yqpal etetin bolady.

Talqylaý barysynda Senat basshysy memlekettik shekaradaǵy ótkizý beketterin jańǵyrtý jónindegi birlesken jospardy ázirleý qajettigine jaýapty memlekettik organdardyń nazaryn aýdardy.

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar