Ekonomıka • 08 Qarasha, 2019

«QazAgro» qalaı ózgeredi?

40 retkórsetildi

«QazAgroǵa» qatysty túbegeıli sheshim qabyldaý qajet. Bul atalǵan qurylymdy dármensiz basqarýdyń kórsetkishi. 2018 jyldyń qorytyndysyna sáıkes, «QazAgronyń» shyǵyny 120 mıllıard teńgege jetti. Qarjylandyrylǵan 672 jobanyń 270-i nemese 40 paıyzy júzege aspaı qalǵan. Bul jerde suraq qoıyp, pikir aıtýdyń ózi artyq. Kompanııany batyl jáne jedel túrde reformalaý qajet. Osy holdıngti basqarýǵa sheteldik mamandardy tartýdy oılastyrǵan jón». Prezıdent Q.Toqaevtyń bul ótkir syny otandyq qarjy ınstıtýtyndaǵy seńniń qozǵalýyna túrtki bolǵandaı.

 

Qaryzdy eýromen jáne dollarmen alǵan

Holdıngte bolatyn óz­geris­ter týraly baıandaý úshin jýrnalıstermen arnaıy júzdesken «QazAgro» AQ basqarma tóraǵasy Erbol Qarashókeev 4 enshiles kompanııany ońtaılandyryp, 1 100 qyzmetker qysqartylatynyn jetkizdi.

«QazAgro» qurylǵan 12 jyldyń tek sońǵy 3 jylynda ǵana shyǵynǵa batqanyn aıtyp aqtalýǵa tyrysty. E.Qarashókeev «Agrobıznes-2020» baǵ­dar-
­la­masy arqyly sharýalardyń ekinshi deńgeıli bankterden alǵan qaryzyn qaıta qarjylandyrýǵa týra kelgenin, osy maqsatta shetelden 700 mln eýro jáne 1 mlrd dollar alyp, otandyq fermerlerge qarjylaı qoldaý kórsetilgenin aıtty.

– Bul 2017 jyly bolǵan jaǵdaı. Keıinnen eýro jáne dollardyń quny qymbattap, baǵam aıyrmashylyǵy bizge aýyr tıdi. Úsh jyldyń ishindegi shyǵyn 400 mlrd teńgege jetti. «QazAgronyń» óz shyǵyny – 118 mlrd teńge. Qaıta qurylymdaý arqyly 2021 jyldyń qańtaryna deıin shyǵyn tolyq óteledi dep josparlanýda. Qazir holdıngtiń syrtqy qaryzy joq. Onyń bar­lyǵy ótelip, jabyldy. Ishki qa­ryzǵa kelsek, bul 700 mlrd teńge kóleminde. Bul soma toqsan saıyn tólenip jatyr. Qaıta qarjylandyrý barysynda 560 mlrd teńge ulttyq qordan, sondaı-aq áleýmettik saqtandyrý memlekettik qorynan alyndy, – dedi kompanııanyń basshysy.

2018 jyly holdıng ınves­tı­sııalyq jobalarǵa, kóktemgi dala jumystaryna, sol sekildi agrarlyq sektordyń basqa da mańyzdy baǵyttaryna 400 mlrd teńge bólgen-di. Ekinshi deńgeıli bankter 80 mlrd teńgege jýyq qarajat qana bergen. Demek, qarjy ınstıtýttary aýyl sharýashylyǵyna tıesili nesıe kólemin qysyp jatyr dep esepteıdi «QazAgro» ókilderi.

– Byltyr bıýjetten 80 mlrd teńge berildi. 5 jyldyń kóleminde 560 mlrd teńge alǵan edik. Bul qarajattyń 230 mlrd somasy jarǵylyq kapıtalǵa baǵyttalyp, qalǵan soma nesıe retinde jumsaldy. Qazaqstanda egistikke arnalǵan alqaptyń kólemi 20 mln gektar ekenin eskersek, kóktemgi dala jumystaryna 60 mlrd teńge jeńildetilgen nesıe beriledi. Bul aqsha tek 3 mln gektarǵa ǵana jetedi. Tıisinshe qalǵan qarajatty basqa jaqtan izdeýge týra keledi. Dıqandarǵa tıesili somany biz túgel taratamyz. Bólingen aqsha mardymsyz bolǵandyqtan, ony ádeıi bermeı otyrǵandaı jaǵdaı qalyptasady. Bul qarajatty bıýdjet pen nesıeden túsetin tabys esebinen kóbeıtý qajet, – dedi E.Qarashókeev.

 Sheteldik TOP menedjerlerdi tartady

Joǵaryda aıtylǵandaı, «QazAgro» 4 enshiles kompanııanyń jumysyn toqtatyp, bir myńnan astam qyzmetkerin qysqartpaq nıette. Osy arqyly holdıng 2 mlrd teńgege jýyq qarjy únemdeýdi mejelep otyr.

– Osy kezeńge deıin 7 enshiles kompanııa jumys istep keldi. «QazAgroMarketıng» kompanııasynyń qazir jumysy toqtady. Sol sekildi «QazAgroО́nim» kompanııasy da qysqartylmaq. Taǵy úsh uıym jyl sońyna deıin qysqartylady dep kútilýde. Kelesi jyly qosymsha bir kompanııanyń jumysyn ońtaılandyryp, 3 enshiles kompanııany qaldyramyz. Iаǵnı 1100 qyzmetkerdi qysqartý kútip tur.

Jyl saıyn «QazAgronyń» ákimshilik shyǵyndary 4 mlrd teńgege jetetin. Onyń ishinde keńse jaldaý, qyzmetkerlerge aılyq tóleý de bar. Ońtaılandyrýdan keıin 2 mlrd teńgege deıin únemdeledi degen senimdemiz. Al «Aýyl sharýashylyǵyn qarjylaı qoldaý qory», «QazAgroQarjy» jáne «Agrarlyq nesıe» kompanııalary jumystaryn ári qaraı jalǵastyrady, – dedi «QazAgro» Ulttyq basqarýshy holdıngi» AQ basqarma tóraǵasy.

Kompanııa basshysynyń aıtýynsha, holdıngtiń tıimdiligin arttyrý úshin sheteldik menedjerlerdiń tájirıbesin paıdalaný kózdelip otyr. Alaıda syrttan keletin mamandardyń jalaqysy tómen bolady dep sendirdi.

– Dırektorlar keńesinde strategııalyq josparlaý, aýdıt, sondaı-aq kadrlyq máseleler jónindegi komıtet jumys isteıdi. Osyndaǵy táýelsiz dırektorlardy sheteldik mamandar almastyrady. Qazir qujattary rásimdelip jatyr. Qarashanyń sońyna deıin olar dırektorlar keńesiniń quramynda bolady. Atap aıtqanda, uzaq jyldar Eýropa qaıta qurý jáne damý bankiniń quramynda Qazaqstanǵa jaýapty maman bolyp jumys istegen Maıkl Vaınshteın, «Qazyna Kapıtal Menedjment» AQ, «Qazaqstannyń Investısııalyq Qory» AQ jáne Allur kompanııalar tobynyń táýelsiz dırektory Igor Abramov jáne «Germanııa azyq-túlik jáne aýylsharýashylyq saıasaty federaldy mınıstrligi janyndaǵy Qazaqstan-Germanııa agrarlyq saıası dıalogy» jobasynyń jetekshisi Iorg Andreas Dınkelaker kompanııanyń tabysyn eseleýge septesedi, – dedi E.Qarashókeev.

Jaqsy qyzmetkerlerdi ustaý qıyn

E.Qarashókeev holdıngtegi eńbekaqy týraly aıtyp, tájirıbeli mamandardy yntalandyrý ońaıǵa soqpaıtynyn jetkizdi. Sóz arasynda basqarma tóraǵasy óziniń qyzmettik jalaqysyn da aıtyp qaldy.

– Aı saıyn 800 myń teńge alamyn. Holdıngtiń aldynda turǵan mindetterdi eskersek, bul qanshalyqty joǵary ekenin bilmeımin. Jeke sektordy esepke almaǵanda, bul eldegi holdıngterdiń ishinde eń tómengi aılyq. Bizdiń enshiles uıymdardyń kirisi jaman emes. Sizderge nesıe berýdi avtomattandyrý júıesin qalaı engizetinimizdi kórsetemiz. Osyny mamandar jasaıdy. Sol sebepti enshiles uıymdarymyz syıaqy tóleıdi. Nege deseńiz, myqty mamandardy ustap turý qıyn. Ekinshi deńgeıli bankter jaqsy mamandarǵa bonýs jáne syıaqy tóleıdi. Sondyqtan qyzmetkerlerimizdiń jalaqysy joǵary, – dep túıindedi «QazAgro» basshysy.

 

 

 

 

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar