Qoǵam • 08 Qarasha, 2019

Arnaıy taktıkalyq oqý-jattyǵý

23 retkórsetildi

Nur-Sultan qalasynda qysqy kezeńge daıyndyq sheńberinde 5 jáne 6 qarashada 2019-2020 jyldary halyqty jáne aýmaqty tótenshe jaǵdaılardan qorǵaýdy uıymdastyrý boıynsha Nur-Sultan qalasy ákiminiń orynbasary E.Qızatovtyń basshylyǵymen «Qys – 2019» respýblıkalyq komandalyq-shtabtyq oqý-jattyǵýlary ótti.

«Qys – 2019» oqý-jattyǵý alańda, 5 kezeń boıynsha ótkizildi: 1 oqý kezeńi – ava­rııa­lyq-qutqarý quramalarynyń sap túzeýi, 2 oqý kezeńi – jylý qubyr­la­rynd­aǵy avarııany, sondaı-aq elek­tr­­energetıkalyq jelilerdegi elektr be­rý jelileriniń úzilýin joıý. Qatty aıaz sal­darynan jylý jelileriniń apatty óshi­rilýi oryn aldy. Týyndaǵan jaǵ­daıdy joıý úshin oqıǵa ornyna «Astana-teplotranzıt» avarııalyq brıga­dalary jiberildi.

3 oqý kezeńi – zardap shekkenderge arnalǵan jylytý jáne tamaqtaný pýnktteri. Qabyldaý pýnkti qutqarýshy­larǵa demalýǵa, jylynýǵa jáne tamaq­tanýǵa, sondaı-aq «Apattar medısınasy ortalyǵy» dárigerleriniń zardap shekkenderge shuǵyl medısınalyq jáne psıhologııalyq kómek kórsetýge múm­kindik beredi. Jylytý, medısınalyq kómek kórsetý jáne tamaqtaný  pýnkt­terinde kómek kórsetýdiń turaqty qa­tysý­shysy Nur-Sultan qalasyndaǵy Qyzyl jarty aı qoǵamynyń fılıaly bolyp tabylady.

4 oqý kezeńi – bıik ǵımarattan órt sóndirý jáne qutqarý jumystaryn júrgizý. Oqý-jattyǵýdyń ssenarııi bo­ıynsha Turǵyn úı kesheniniń 7-qabatynda elektr symdary men kabelderdiń tuıyqtalýy oryn aldy. Shuǵyl túrde sha­qyrtý ornyna órt sóndirý, qut­qa­rý bólimsheleri kelip jetedi, olar al­pınıstik qural-jabdyqtardyń kóme­gimen, avtosatyny kóterý, sondaı-aq «О́mir tekshesine» sekirý qurylǵysyn qoldaný arqyly  adamdardy evakýasııalaý jáne qutqarý jumystaryn júrgizdi. Apattar medısınasy ortaly­ǵy, 103 qyzmeti zardap shekkenderge medısı­nalyq kómek kórsetti.

5 kezeń – Nur-Sultan – Qaraǵandy avtojolynda qar basqan avtobýstan jolaýshylardy evakýasııalaý jáne balyqshylardy izdeý. Oqý-jattyǵýdyń ssenarııi boıynsha 112 qutqarý qyzme­tine Nur-Sultan-Qaraǵandy reıstik avtobýsynyń jolaýshylarynan jaýyn-shashyn men 25 m/sek ekpindi jeldiń saldarynan jolaýshylar toby bar avtobýs qar qursaýyna túskendigi týraly  qońyraý kelip tústi. Tótenshe jaǵdaılar týyndaǵan jerge shuǵyl kómek kórsetý úshin Departamenttiń kúshteri men quraldary, qutqarý jasaǵy, 5573 áskerı bóliminiń 25 áskerı qyzmetshisi, Trekol joǵary ótimdi avtokólikterimen medısınalyq brıgadasy jiberildi.

Osy kúni balyqshylardyń týys­qandarynan muz astynan balyq aýlaýǵa shyqqan jaqyndarynyń qatty boran saldarynan aýa raıynyń qolaısyzdyǵyna tap bolǵany týraly qońyraý kelip tústi. Izdestirý úshin qutqarýshylar men Ulttyq ulannyń áskerı qyzmetshileri quramynda jedel top quryldy. Sek­torlar boıynsha bóline, sondaı-aq kıno­logııalyq esepti jáne qutqarý tehnıkasyn qoldana otyryp, medısınalyq brıgadaǵa jetkizilgen zardap shekkender tabyldy. Oqý-jattyǵýdyń taǵy bir ke­zeńi órt sóndirý jáne bıik ǵımarattan qutqarý jumystaryn júrgizý boldy.

 «Búgin biz elordanyń jedel áreket etý qyzmetteriniń qanshalyqty da­ıyn ekenindigine kýá boldyq, sondaı-aq oqý-jattyǵýda jolaýshylardy eva­kýa­­sııalaý, zardap shekkenderdi qut­qarý jáne medısınalyq kómek kór­se­­tý boıynsha arnaıy-taktıkalyq oqý-jattyǵýlar pysyqtaldy. Men bú­­­­gin­gi oqý-jattyǵý sátti ótti dep esep­­­­­teı­­­min, óıtkeni barlyq alǵa qoı­ǵan­ maqsattarǵa qol jetkizdik», – de­di Nur-Sultan qalasynyń Tótenshe jaǵ­­­daı­lar departamenti bastyǵynyń min­detin ýaqytsha atqarýshy, polkovnık M.Amanbaev BAQ ókilderine bergen suh­batynda.

Oqý-jattyǵýǵa barlyǵy 31 tehnıka men jeke quramnan 126 adam ju­myl­dyryldy.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar