Qazaqstan • 08 Qarasha, 2019

Qatar Airways Qazaqstanǵa 2019 jyldyń sońyna deıin usha bastaıdy

38 retkórsetildi

Qazaqstan Respýblıkasy Indýstrııa jáne ınfraqurylymdyq damý mınıstrligi «ashyq aspan» rejıminde Qazaqstanǵa jańa áýe kompanııalardy tartý boıynsha jumys júrgizýde. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

2019 jyldyń 8 qarashasynda Dohada (Katar) Qazaqstan Respýblıkasy men Katar memleketiniń avıasııalyq bılikteri kelissózder júrgizdi. Katar delegasııasyn Katar Azamattyq avıasııa ákimshiliginiń prezıdenti Abdýlla Naser Týrkı Al-Sýbaı myrza basqarsa, al qazaqstandyq tarapqa Qazaqstan Respýblıkasynyń IIDM Azamattyq avıasııa komıtetiniń tóraǵasy Talǵat Lastaev jetekshilik etti. Kelissózderge Qazaqstan Respýblıkasynyń Katardaǵy elshisi Asqar Shoqybaev, Qatar Airways, Eır Astana, Almaty áýejaıynyń ókilderi qatysty.

Nátıjesinde, Nur-Sultan men Doha arasynda aptasyna 7 reıs, Almaty men Doha arasynda aptasyna 7 jolaýshy jáne 7 júk reısi, sondaı-aq Qazaqstanda engizilgen 5-shi «áýe erkindigin» usynatyn «ashyq aspan» tártibi aıasynda turaqty reısti oryndaý úshin quqyqtyq baza bekitildi.

«Qatar Airways» áýekompanııasynyń aǵa vıse-prezıdenti Fathı Attı myrzanyń aqparaty boıynsha, Nur-Sultan men Doha arasyndaǵy alǵashqy reıster bıylǵy jeltoqsan aıynda iske qosý josparlanyp otyr. Bul qazaqstandyq jolaýshylarǵa álemniń 160 baǵyty boıynsha saıahattaýǵa múmkindik beredi.

Anyqtama úshin:

Qatar Airways - Qatardyń ulttyq áýekompanııasy, álemdegi eń iri áýe kompanııalardyń biri. Áýe parki 233 áýe kemesinen turady. Áýetasymaldaýshynyń basty tranzıttik haby – Doha qalasynyń Hamad halyqaralyq áýejaıy. 2018 jyldyń qorytyndysy boıynsha áýekompanııa 29 mıllıonǵa jýyq jolaýshyny tasymaldady.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar