Parlament • 08 Qarasha, 2019

Senatorlardy «Aýyl - el besigi» jobasyna enbegen aýyldyq aýmaqtar tolǵandyrady

48 retkórsetildi

Parlament Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıteti elimizdiń Ulttyq ekonomıka, Aýyl sharýashylyǵy, Indýstrııa jáne ınfraqurylymdyq damý mınıstrlikteriniń basshylarymen kezdesip, «Aýyl - el besigi» arnaıy jobasyn júzege asyrý barysyn talqylady. Bul týraly Parlament Senatynyń baspasóz qyzmeti habarlady.

«Kóptegen aýyldyń, ásirese, shekaradaǵy aýyldyq jerlerdiń «Aýyl - el besigi» jobasyna enbegeni bizdi tolǵandyryp otyr. Ol jerde de bizdiń azamattarymyz turady, olar da mektepter men aýrýhanalarǵa muqtaj» dedi komıtet tóraǵasy Álı Bektaev.

Ulttyq ekonomıka mınıstriniń orynbasary Ermek Alpysovtyń aıtýynsha, 2027 jylǵa deıin jobany júzege asyrýǵa 900 mlrd teńge bólinedi. Onyń 70 paıyzy respýblıkalyq bıýdjetten, qalǵan 30 paıyzy jergilikti bıýdjetten bolady. Ákimdiktermen birlese otyryp jyl sońyna deıin aýyldyq aýmaqtar men eldi mekenderdiń tizimi jańartylady.

«Jospar boıynsha 2027 jylǵa deıin «Aýyl - el besigi» jobasyn júzege asyrý qorytyndysy boıynsha 7 mıllıon aýyl turǵynynyń ál-aýqaty jaqsaryp, aýyz sýmen, damyǵan ınfraqurylymmen qamtamasyz etiledi» dep sendirdi E. Alpysov.

Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Álı Bektaev óz kezeginde mınıstrlik ókilderine eldi mekenderge baryp, bólingen qarajattyń ıgerilýin tekserý jóninde keńes berdi. Senator sondaı-aq komıtet baǵdarlamanyń oryndalýyna monıtorıng júrgizetinin atap ótti.

Sońǵy jańalyqtar

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar