Aımaqtar • 08 Qarasha, 2019

ShQO turǵyndary áleýmettik medısınalyq saqtandyrý júıesine ázir me?

39 retkórsetildi

Ár turǵyn óziniń statýsyn egov.kz. portaly arqyly teksere alady.

Sýretti túsirgen: Tileýbek ShAIаHMET

2020 jyldyń 1 qańtarynan bastap elimizdiń densaýlyq saqtaý salasyna mindetti áleýmettik medısınalyq saqtandyrý júıesi engiziletini belgili. Osyǵan Shyǵys Qazaqstan turǵyndary ázir me? Halyq bul júıe týraly bile me? Onyń artyqshylyqtary, basymdyqtary qandaı? Osy jáne ózge de máseleler oblys ákiminiń orynbasary Ásem Núsipovanyń tóraǵalyǵymen ótken mindetti áleýmettik medısınalyq saqtandyrý júıesin engizý máseleleri jónindegi jergilikti shtabtyń otyrysynda jan-jaqty talqylandy.

jcv

Halyq úshin mańyzy zor máseleni arqaý etken jıynǵa Nur-Sultan qalasynan «Áleýmettik medısınalyq saqtandyrý qory» KEAQ basqarma tóraǵasynyń orynbasary Marat Shoranov arnaıy qatysyp, áleýmettik medısınalyq saqtandyrý júıesin engizý elimizde qalaı júrip jatqanyn, buǵan medısınalyq nysandardyń, dárigerlerdiń jáne turǵyndardyń daıyndyǵy qandaı ekendigin jáne olardyń ne isteý qajettigin, neni bilý kerektigin táptishtep aıtyp, túsindirip berdi. «Ár óńirde «Áleýmettik medısınalyq saqtandyrý qorynyń» fılıaldary bar. Qorǵa aı saıyn tólem jasaǵan jaǵdaıda kez kelgen turǵyn keńeıtilgen medısınalyq kómek alady. Medısınalyq saqtandyrý josparly stasıonarlyq emdeýmen jáne dári-dármekpen ǵana shektelmeıdi, osy júıe arqyly joǵary sapadaǵy medısınalyq qyzmetterdi, ońaltý járdemderin, konsýltasııalyq-dıagnostıkalyq kómek pen medbıkelik kútimge de qol jetkizýge bolady» deıdi ol.

ijhfyjd

Mindetti áleýmettik medısınalyq saqtandyrý elimizdiń ár turǵyny úshin mańyzdy bolǵandyqtan halyqtyń barlyq toptaryn, ıaǵnı, eńbektegen baladan eńkeıgen qarııaǵa deıin qamtýy tıis. «Ár turǵyn óziniń statýsyn egov.kz. portaly arqyly teksere alady. Bul úshin óziniń JSN nómirin terý qajet, sol kezde «Jumysy bar», «Áleýmettik tólem alýshy», «18 jasqa deıingi balalar», «О́zin ózi jumyspen qamtýshy retinde tirkelgen» degen habarlamanyń biri keledi. Eger Sizge «Statýsyńyz anyqtalmady» degen habarlama kelse, bul sizdiń júıege tirkelmegendigińizdi kórsetedi. Sondyqtan tezdetip tirkelý qajet. Eger siz jumyssyz bolsańyz, Halyqqa qyzmet kórsetý, Jumyspen qamtý nemese ákimdikterge habarlasý kerek. Al ózin ózi jumyspen qamtyǵan azamat bolsańyz IP, ıaǵnı JK retinde tirkelý kerek nemese biryńǵaı jıyntyq tólem (BJT) júıesi arqyly tóleýge bolady. Qor sonymen qatar «Saqtandyrý» dep atalatyn arnaıy plagın ázirledi. Osy plagınge JSN engizý arqyly da turǵyndar statýstaryn anyqtaı alady. О́ńirdegi barlyq medısınalyq mekemeler óz saıttaryna osy plagındi ornalastyryp qoısa degen tilegimiz bar» degen Marat Shoranov 2020 jyly elimiz boıynsha mindetti áleýmettik medısınalyq saqtandyrý júıesindegi turǵyndardy medısınalyq kómekpen qamtý deńgeıi 95 paıyz bolady dep boljanyp otyrǵanyn jetkizdi.

Al Shyǵys Qazaqstanda dál qazirgi ýaqytta óńir turǵyndarynyń 86 paıyzy (1 373,5 myń adam) shartty túrde saqtandyrylypty. Al qalǵan 14 paıyz nemese 191,3 myń adam áli de ókinishke qaraı bul júıeden tys qalyp keledi. Bul 191 myńnyń ishinde jaldanyp jumys isteıtin, shet elge baryp-kelip júretin adamdar da, jeke sharýa qojalyqtary bar kisiler de, úıde bala kútimimen otyrǵan nemese aıaǵy aýyr áıelder de, stýdentter de, ózin ózi jumyspen qamtyǵan adamdar da bar. «Bul rette biz birinshi kezekte oblystyń qoldaýyna súıenemiz. Barlyq qalalar men aýdandardyń ákimderi ortalyq aýrýhanalardyń bas dárigerlerine qoldaý bildirgeni jón. О́ńirdiń barlyq turǵyndary jańa júıeden tys qalmaýy, mindetti túrde qatysýlary tıis» dedi M.Shoranov.

Joǵaryda atap ótken 191 myńnyń 44 myńy - ózin-ózi jumyspen qamtyp otyrǵan jáne tirkelmegen jumyssyz adamdar. «Mindetti áleýmettik medısınalyq saqtandyrý júıesiniń engizilýine az ýaqyt qaldy. Osy baǵyttaǵy jumystardy shıratý qajet. Oblystyq Jumyspen qamtý jáne áleýmettik baǵdarlamalardy úılestirý basqarmasy jáne oblystyq Memlekettik kirister departamentiniń jaýapty mamandary áli de tirkelmegen 44 myń adammen durystap jumys isteýi kerek. Halyq arasynda túsindirý jumystaryn júrgizýdiń mańyzy zor» dedi oblys ákiminiń orynbasary Ásem Núsipova jıyndy qorytyndylaǵan sózinde.

О́SKEMEN

 

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar