Aımaqtar • 08 Qarasha, 2019

Balalar tilegine qulaq asqan ákim

165 retkórsetildi

Jambyl oblysynyń ákimi Asqar Myrzahmetovke Taraz qalasyndaǵy Nurǵısa Tilendıev atyndaǵy mektep-ınternattyń bir top tárbıelenýshileri beıneúndeý joldap, ákimmen kezdeskisi keletinin aıtqan bolatyn. Búldirshinderdiń tilegine qulaq asqan ákim atalǵan mektep-ınternatqa arnaıy baryp, tárbıelenýshi balalarmen kezdesti.

Áýeli ákim bilim oshaǵynyń ǵımaratyn aralap, búgingi jaı-kúıimen tanysty. Mektep-ınternat dırektory Elmıra Jaqsylyqova munda búginde 390 bala tárbıelenip jatqanyn jetkizip, olardyń qatarynda jartylaı jetim, kópbalaly jáne az qamtylǵan otbasylardyń da balalary bar ekenin aıtty. Balalarǵa búginde 86 pedagog jáne tárbıeshiler bilim berip otyrǵanyn málimdedi.

Asqar Myrzahmetov mekeme aýlasyndaǵy jaıaý júrginshiler joly men jataqhanadaǵy balalardyń tósek oryndaryn jańalaý máselesine de nazar aýdardy. Sonymen qatar aýlany jaryqtandyrý, ashananyń talapqa saı bolý kerektigine de kóńil bóldi. Budan keıin balalarmen kezdesken ákim olardyń túrli suraqtaryna jaýap berdi. Máselen, 8-synyp oqýshysy Aıana Kım óziniń súıip oqıtyn sabaǵy qazaq ádebıeti páni ekenin, bolashaqta jýrnalıst bolýdy armandaıtynyn aıta kelip, ákimnen bala kúninde qandaı pán unaǵanyn surady. Bul rette ákim bala kúninde bıologııa, fızıka pánderin jaqsy kórip oqyǵanyn aıtyp berdi. Sonymen qatar Aızere Muhanqyzy, Aıgerim Myrzabek, Oljas Jumabek syndy oqýshylar da túrli suraqtaryn qoıyp, tıisti jaýap aldy. Jalpy, kezdesý erkin formatta ótti. Kezdesý barysynda ákim óziniń oqýshy kezdegi esten ketpes qyzyqty oqıǵalarymen de bólisti. О́z sózinde Asqar Myrzahmetov jetkinshekterdi bilimdi, parasatty bolýǵa shaqyryp, olarǵa árdaıym tilektes ekenin jetkizdi. Balalarǵa qaı salada eńbek etse de elge, urpaqqa paıdasy tıetin mamandyqty ıgerý kerek ekenin túsindirdi. О́z kezeginde 8-synyp oqýshysy Áskerbek Jamantaı «Rahmet saǵan, týǵan el!» ánin oryndap berdi. Sonymen qatar búldirshinder ákimge ózderine ınteraktıvti taqta, mýzykalyq aspaptar qajet ekenin aıtty. Jetkinshekterdiń arman-tilekterin tyńdaǵan ákim olardyń qajettilikterin alyp berýge ýáde berdi. Budan keıin Asqar Myrzahmetov mektep-ınternat mýzeıimen de tanysyp, balalarmen estelik sýretke tústi.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar