Aımaqtar • 08 Qarasha, 2019

Atyraýda 32 kópbalaly ana baspanaly boldy

133 retkórsetildi

Atyraý oblysynyń Inder aýdanynyń ortalyǵy Inderbor kentinde kópbalaly 32 otbasyǵa «Nurly jer» baǵdarlamasyn júzege asyrý aıasynda jańa baspana kilti tabys etildi, dep habarlady Atyraý oblysynyń О́ńirlik kommýnıkasııalar qyzmeti.

Kenttegi «Bolashaq» yqshamaýdanynda jańadan boı kótergen «Arý Ana» turǵyn úı alabynda úlken qýanysh. 32 kópbalaly otbasy jaryq ta jaıly jańa úıdiń ıesi atandy. Aýdany 110 sharshy metrdi quraıtyn úıler barlyq negizgi qajettiliktermen qamtylǵan. Baspanaly bolǵan 5 perzenttiń anasy – Elenora Mýhıtova:- Qýanyp turmyn… Baspana kezeginde 6,5 jyldaı turdym. Osy ýaqyt ishinde anamnyń úıinde de turdym, úı jaldap ta júrdim. Búgin, mine, baspanaǵa qol jetkizip, qýanyshym qoınyma syımaı tur!,deıdi. Batyr analarǵa páter kiltin óz qolymen tabys etken aýdan ákimi Meıirim Qalaýıdyń sózine súıensek, aýdanda baspana kezeginde turǵan 1218 ınderlik bar bolsa, sonyń 160-y kópbalaly otbasy sanatyna jatatyndar eken. Oblys basshysy Nurlan Asqarulynyń tikeleı qoldaýymen Inder aýdanynda buryn-sońdy bolmaǵan qarqyndy jumystar atqarylyp jatyr. Bul shara da sol jumystardyń jemisi. Jyl aıaǵyna deıin osy sanattaǵy otbasylarǵa taǵy da 21 úı tabystaǵymyz kelip otyr. Al, keler jyly osy kópbalaly otbasylarǵa arnalǵan 80 páterlik kóp qabatty turǵyn úıdi paıdalanýǵa beremiz dep otyrmyz, dedi aýdan ákimi. Budan bólek, 2020 jyly aýdan ortalyǵynda baspana qory 48 páterlik 4 kópqabatty úımen tolyqpaq. Bul úıler de kezekte turǵan azamattarǵa tabystalatyn bolady. Oǵan qosa, búgin «Arý Ana» turǵyn úı alaby janynan salynǵan 80 oryndyq mýzykalyq mektep paıdalanýǵa berildi. Onda turǵyn úı alabynda turatyn 250-den astam baladan bólek, Inderbordyń basqa da ónerpaz jastary dombyra, baıan, fortepıano, vokal, horeografııa úıirmelerine qatysa alatyn bolady.

Sońǵy jańalyqtar

Egemendikter elge shyqty

Qazaqstan • Keshe

Fýtzal: «Qaırat» ese qaıtardy

Sport • 16 Qarasha, 2019

Fýtzal: «Qaırat» utyldy

Sport • 16 Qarasha, 2019

Jetisýdan kelgen jeteý

16 Qarasha, 2019

Sapasyz úılerdiń kóbi apattyq jaǵdaıda

Aımaqtar • 16 Qarasha, 2019

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Uqsas jańalyqtar