Úkimet • 09 Qarasha, 2019

Memleket muqtaj azamattardy áleýmettik qoldaý jumystaryn kúsheıtedi - Berdibek Saparbaev

145 retkórsetildi

Premer-Mınıstrdiń orynbasary Berdibek Saparbaev bastaǵan úkimettik jumys toby Pavlodar oblysyna baryp qaıtty. Jumys tobynyń quramynda Eńbek jáne halyqty áleýmettik qorǵaý mınıstri Birjan Nurymbetov, Mádenıet jáne sport vıse-mınıstri Eldos Ramazanov, Aqparat jáne qoǵamdyq damý vıse-mınıstri Marat Ázilhanov, Bilim jáne ǵylym vıse-mınıstri Sholpan Karınova, Densaýlyq saqtaý vıse-mınıstri Kamaljan Nadyrov boldy. Bul týraly primeminister.kz habarlady. 

Úkimettik jumys toby Pavlodar oblysynyń jurtshylyǵymen kezdesý ótkizdi. О́z sózinde Premer-Mınıstrdiń orynbasary Prezıdenttiń Qazaqstan halqyna arnaǵan Joldaýynda alǵa qoıylǵan mindetterdi iske asyrý úshin Úkimet qandaı sharalardy qabyldap jatqanyn aıtyp berdi.

«Bıyl áleýmettik salaǵa 7,5 trln-nan astam teńge nemese respýblıkalyq bıýdjet shyǵystarynyń 45%-y baǵyttaldy. 2020 jylǵa arnalǵan bıýdjet jobasynda áleýmettik sala shyǵystarynyń úlesi 47%-ǵa deıin artady. Búgingi tańda memleket óziniń áleýmettik mindettemelerin tolyǵymen oryndaýda. Máselen, osy jyldyń 10 aıynda 200 mlrd teńgeden astam somada ataýly áleýmettik kómek tólendi. 2,2 mln adam qamtyldy, onyń ishinde – 1,5 mln bala. Qarjylandyrý kólemi 9 esege ósti», — dedi B. Saparbaev.

Sondaı-aq úkimettik jumys toby oblystyń pedagogtarymen jáne medısına qyzmetkerlerimen kezdesýler ótkizdi, Aqsý aýdany Evgenevka aýylynyń turǵyndarymen kezdesti jáne birqatar áleýmettik nysandy aralady.

О́ńirdegi medısına qyzmetkerlerimen ótken kezdesýde jalaqyny kóterý, mindetti medısınalyq saqtandyrýdy engizý, medısınalyq qyzmet sapasyn arttyrý, materıaldyq-tehnıkalyq bazany jaqsartý jáne taǵy basqa máseleler talqylandy.

О́ńirde halyqtyń MÁMS engizý týraly aqparattanýynyń 52%-dan 85%-ǵa deıin joǵarylaǵany baıqalatyny atap ótildi.

Mindetti áleýmettik medısınalyq saqtandyrý engizilgennen keıin densaýlyq saqtaý júıesin qarjylandyrý edáýir artady. Úsh jyl ishinde densaýlyq saqtaý júıesine jumsalatyn shyǵyndar kem degende bir jarym esege — 1,3 trln teńgeden 2,5-3 trln teńgege deıin artýy kerek.

Sondaı-aq dári-dármekpen qamtamasyz etýge jáne dári-dármekterdiń baǵasyn belgileýge nazar aýdaryldy. Búgingi tańda Qazaqstanda 7,8 myńǵa jýyq dári-dármek túri satylady jáne olardyń jartysynyń qunyn memleket retteıdi.

Buǵan qosa vıse-premer halyqty dári-dármekpen ýaqytyly qamtamasyz etýdiń mańyzdylyǵyna toqtaldy.

«Kelesi jyldyń basynda bizde dári-dármekpen qamtamasyz etýde eshqandaı kidirister bolmaýy úshin, qarasha-jeltoqsan aılarynda kelesi jylǵa arnalǵan barlyq kelisimshartty jasaýymyz kerek», — dedi ol.

Oblys ortalyǵynda jumys tobynyń músheleri óńirlik jedel járdem stansasynyń jumysymen tanysty. Pavlodarlyq 103 qyzmetiniń avtoparkinde 100-den astam arnaıy kólik bar. Barlyq mashına GPS sezbegimen jabdyqtalǵan, jedel járdem brıgadalarynyń medısınalyq qamtylýy «S» sanatynyń joǵary standarttaryna sáıkes keledi. Bul, B. Saparbaevtyń aıtýynsha, memlekettiń densaýlyq saqtaýdyń materıaldyq-tehnıkalyq bazasyn nyǵaıtý boıynsha qabyldap jatqan sharalarynyń aıqyn dáleli. 

Bilim berý júıesin damytý jáne pedagogtyń mártebesin arttyrý turǵysynan, keler jyldan bastap pedagogterdiń jalaqysynyń ortasha kólemin shamamen 30%-ǵa arttyrý josparlanǵany atap ótildi. Bul maqsatqa shamamen 200 mlrd teńge bólindi.

Daryndy jáne talantty balalarǵa jan-jaqty qoldaý kórsetiledi. Tuńǵysh Prezıdent – Elbasynyń qorymen birge jaqynda Aqtóbede bastaý alǵan «El úmiti» jobasy iske asyrylyp jatyr. Onyń maqsaty — 1000-nan astam daryndy balany iriktep alý, olardyń bilim alýyna jáne talantyn damytýǵa qoldaý kórsetý. Erekshe qajettilikteri bar balalardyń ata-analaryna da jaqyn arada eleýli qoldaý kórsetiledi. Kelesi jyldan bastap Tuńǵysh Prezıdent – Elbasynyń bastamasy aıasynda elimizdiń óńirlerinde ońaltý ortalyqtary salyna bastaıdy.

«Memleket óz azamattarynyń ál-aýqatyn jaqsartý turǵysynan aýqymdy jumystar atqaryp jatyr. Kelesi jyldan bastap biz kóp balaly jáne az qamtylǵan otbasylardy qoldaý baǵdarlamalaryna ózgerister engizemiz. Eger buǵan deıin áleýmettik kómek alýshylar ózderiniń naqty kiristerin jasyra alsa, onda 2020 jyldan bastap bundaı faktiler múldem bolmaıdy. Sonymen qatar Úkimet muǵalimniń mártebesin arttyrdy jáne muǵalimderdiń jalaqysyn 2 esege ósirýdi josparlap otyr», — dedi vıse-premer.

Premer-Mınıstrdiń orynbasary bastaǵan úkimettik jumys toby Aqsý qalasy men onyń aýyldyq aımaǵynda boldy.

Vıse-premer osy jyly memlekettik-jekemenshik áriptestik aıasynda qurylǵan múgedek balalarǵa arnalǵan «Ortoprot» ońaltý ortalyǵynda boldy. Ortalyqta bir jarym jastan 18 jasqa deıin tirek-qımyl apparaty buzylǵan balalarǵa qyzmet kórsetiledi. Ashylǵannan beri tirek-qımyl apparaty buzylǵan 15 balaǵa kómek kórsetildi. Sondaı-aq Evgenevka aýylyndaǵy dárigerlik ambýlatorııaǵa da bardy.

Úkimettik top jumys saparyn Evgenevka aýylynyń turǵyndarymen kezdesýmen aıaqtady. Berdibek Saparbaev Prezıdenttiń «Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynda júktelgen mindetterdiń oryndalýy týraly aıtty. Ol memleket muqtaj azamattardy áleýmettik qoldaý jumystaryn kúsheıtetinin atap ótti.

Sońǵy jańalyqtar

Kásipqoı boks: WBC reıtıngi jarııalandy

Kásipqoı boks • Búgin, 12:18

Kúlki kerýeni № 14

Rýhanııat • Búgin, 11:47

Jańaózende «Ashyq esik kúni» ótti

Aımaqtar • Búgin, 11:37

176 keli qyzylbalyqpen ustaldy

Aımaqtar • Búgin, 09:50

О́ńiraralyq forýmda tanystyryldy

Ekonomıka • Búgin, 08:23

6 myń shaqyrym jol aqyly bolady

Ekonomıka • Búgin, 08:21

Arnaıy ekonomıkalyq aımaq

Ekonomıka • Búgin, 08:13

Úzdik nátıje – 12-oryn

Sport • Búgin, 08:04

Qaharmanǵa qurmet

Rýhanııat • Búgin, 08:02

Balýandardyń Syrdaǵy básekesi

Aımaqtar • Búgin, 08:01

Maqsaty bıik «Mámile»

Aımaqtar • Búgin, 07:59

Kelisimshart qural bolmasa...

Qoǵam • Búgin, 07:56

Nur-Sultanda «adaldyq saǵaty» ótti

Qoǵam • Búgin, 07:52

Internet qoldanýshylar eskeretin jaıt

Tehnologııa • Búgin, 07:50

JITS-ke qarsy is-sharalar ótedi

Medısına • Búgin, 07:43

Talanttar tálimgeri

Rýhanııat • Búgin, 07:41

Aqyn jáne onyń mýzasy

Rýhanııat • Búgin, 07:40

Kúı qudireti arab álemin moıyndatty

Aımaqtar • Búgin, 07:38

Aýadan qarmaǵan aıyppul

Aımaqtar • Búgin, 07:34

Sholohovqa aq bota syılaǵan

Aımaqtar • Búgin, 07:30

Úrkimbaev úılesimi

Aımaqtar • Búgin, 07:27

Joshyǵa aparar jol

Qoǵam • Búgin, 07:23

Túrlenip, túlegen Túrkistan

Aımaqtar • Búgin, 07:21

Kásibı kadrlar jumys isteýi tıis

Ekonomıka • Búgin, 07:12

Basshylyq quram attestattaldy

Qoǵam • Búgin, 07:08

Ońaltý ortalyqtary salynady

Aımaqtar • Búgin, 07:03

Baýyrlastyq baılanystar bekı túsedi

Saıasat • Búgin, 07:00

Baǵdarlamalarǵa belsendi qatysady

Saıasat • Búgin, 06:52

Telefon arqyly sóılesti

Prezıdent • Búgin, 06:50

Elorda nege jaryqsyz qaldy?

Qoǵam • Búgin, 06:42

Jahandyq únqatysý is-sharalaryn talqylady

Prezıdent • Búgin, 06:33

Uqsas jańalyqtar