100 • Keshe

Ǵasyr ǵumyr ǵıbraty

65 retkórsetildi

«Egemen Qazaqstan» gazetiniń ǵasyrlyq tarıhynda Almatynyń orny aıryqsha ekenin osy kúnge esendikpen jetken egemendikter de, táýelsizdigimizdi qasterleıtin búgingiler de bes saýsaqtaı bile­di. Tól basylymymyzdyń 100 jyldyǵyna arnalǵan shara­lar legi qasıetti jumada Almaty shaharynda jalǵasyn taýyp, 8 qarasha kúni Gogol kóshesindegi 39 úıge eskertkish-taqta or­na­tyldy. Endi bul ǵımarattyń mańynan ári-beri ótken almatylyqtar munda qazaqtyń nebir maımalman jýrnalısteri qalam terbep, egemendigimizdiń eleń-alańyna kýá bolǵanyn bile júrer...

Elimizdiń astanasy ózgerip, gazet Arqadaǵy elordaǵa kósh­kenge de­ıin «Egemen Qazaqstan» bizdiń alyp shaha­rymyzda 70 jyl turaq tapqan eken.

«Taǵzym kúni» dep atalǵan bul­ kún de mine, gazettiń kózi ti­ri arda­gerleri úshin ǵana emes, Al­­­matynyń zııaly qa­ýy­my úshin de shejire bolyp qalady. Bul – Almatyda talaı arýaqty aýna­typ, «Egemenniń» tarıhyna taǵ­dyry baı­lanǵan nebir tul­ǵa­lardyń esimi qaıta-qaıta jań­ǵyrǵan kún boldy.

Almaty qalasy ákiminiń tike­leı muryndyq bolýymen, úlken qoldaýymen ótkizilgen sharalar legi bylaı bastaldy.

«Sanaýly kúnderden keıin elimizdiń bas gazeti óziniń ǵasyr­lyq mereıtoıyn­ ótkizedi. Osyǵan oraı, elimizdiń ár aı­maǵynda merekelik is-sharalar ótip jatyr. «Egemen Qazaqstan» gazetiniń ǵasyrlyq tarıhynda Almaty qa­lasynyń orny bólek. Basylym ujy­my bizdiń Almatymyzǵa 1929 jyly Qyzylordadan tolyq kóship keldi. Sodan bastap, 70 jyl­daı basylymnyń redaksııa­sy bizdiń alyp shaharymyzda ornalasyp, jumys istegen. Son­dyq­tan, Almaty tórinde osynaý eskertkish-taqtanyń ashylýy – tarıhı zańdylyq qana emes, azamattyq paryzymyzdyń dá­leli. Búgingi eskertkish-taqta ar­­qy­ly Almaty shaharynyń kel­betine taǵy bir kelisti boıaý qosyldy dep esepteımiz», dedi Almaty ákiminiń orynbasary Erjan Babaqumarov.

Sodan keıin sóz al­ǵan gazet­tiń basshysy Darhan Qydyráli: «Ardaq­ty aǵaıyn, búgin «Egemen Qazaqstan» gazetiniń «Sosıalıstik Qazaq­stan» ke­zinde ter tókken, araı­ly­ azat­tyǵy­myz­ǵa úles qos­qan ar­­­da­gerlerimizdi kó­rip otyr­­myz. Gazetti basqarǵan, ga­zet­­te qyz­­met atqarǵan aǵa-apa­la­ry­myz­dyń ur­­paqtarymen qa­ýy­shyp otyrmyz. Son­dyq­tan bú­gin erekshe kún. «Egemen Qazaqstan» tarıhy Almatymen tikeleı baılanys­ty. Basylym sonaý 1929 jyly Qyzylordadan kóship kelgennen keıin eldigimizge osy Almatydan qyz­met etti. Osynda Alash arys­tarynyń qoltańbasy qaldy. Gazet «Egemen» degen sózdi ege­men­digimizdi almaı turyp jarııa etti. Azattyǵymyzdy osy gazet arqyly búkil dúnıege súıin­shile­dik. Sondyqtan búgin biz Al­ma­tyǵa taǵzym etýge keldik!» dedi.

Al qazaq baspasóziniń sardary atan­ǵan Sarbas Aqtaev búgingi kún «ege­mendikter» úshin Ulys­tyń uly kúni eke­nin atap aıtty. Mynaý ǵımaratty  kezinde respýblıka basshylary «Egemen Qazaqstan» men «Kazahstanskaıa prav­da» ga­zetteri úshin arnaıy salǵyzǵan bolatyn. Buǵan biz 1987 jyly kóship kirdik. Ol kezde ótpeli kezeń edi. Gazet redaktory Balǵabek Qydyrbekuly qur­metti eńbek demalysyna shy­ǵyp, ornyna áli basshy taǵaıyn­dalmaı, búkil ujymdy bas­tap alyp kelgen bolatynmyn. Ara­ǵa on jyl salyp, astanany qazir­gi Nur-Sultan qalasyna kó­shirdik. Osy ǵımarattan ujym­­­dy elordaǵa shyǵaryp sal­dyq... Men bul aradan kún sa­ıyn­ de­meıin, aptasyna 1-2 ret óte­­min. Sonyń ózinde, qaraı-qa­raı ótemin, kóz jasym mól­tildep ótemin. О́ıtkeni bul ǵı­marat bizdiń shyǵarmashylyq ǵumyrymyzdyń eń sharyqtaǵan sheginde, kóńilimizdiń kóterilgen kezinde qyzmet etken uıamyz. Al endi sol uıaǵa bıyl 100 jyl tolyp otyr. Sondyqtan bul men úshin tól merekem, tól toıym», dedi tebirene sóılegen Sarbas Aqtaev.

«Osy ǵımaratta biz táýel­sizdikti qarsy aldyq. Osynda Sher­­han aǵamyz ga­zetti basqa­ryp otyrdy. Keıin Ábish Ke­kil­baev keldi. Bul ǵımarat jýr­nalıs­­terdiń basyn qosatyn jaq­sy bir meken boldy. Basqa­syn aıtpaǵanda, ataq­ty «Kamal kafe» de osynda boldy. Jýr­nalıs­terdiń barlyǵy emen-jarqyn jı­na­­lyp otyratyn. Biz bul ǵımaratty eshqashan umyta al­maımyz», – dedi «Egemen Qazaq­stan» gazetine 47 jylyn bergen basy­lym ardageri Mama­dııar Jaqyp.

Taqtanyń ashylýynda aıtysker aqyn Rústem Qaıyrtaıuly «Egemenge» ádemi arnaý aıtty. Qıynnan sóz qıystyrǵan zerdeli aqynnyń arnaýyna sózdiń parqyn biletin qaýym rızashylyqpen qol soqty. Ásirese baspasóz ben ın­ternetti salystyrǵan tapqyr teńeý­lerine ardager jýrnalıster «Áp-bárekeldi» desip jatty.

01

 Ult tuǵyryn ulyqtaǵandardy eske alý – paryz

Eskertkish-taqtanyń ashylýynan keıin qalyń kópshilik «Juldyz» restoranyna qaraı aıańdady. «Egemen Qazaqstan» gazetiniń ótkenine taǵzym etip, keleshegine salaýat suraǵan úl­ken asqa Alma­tynyń ǵana emes, Áb­dijámil Nur­peıisov, Ábsattar Derbisáli, О́mirzaq Aıtbaev, Dýlat Isabekov, Beksultan Nur­jekeev, Ulyqbek Esdáýletov, Smaǵul Elýbaı, Murat Áýezov, Qabdesh Ju­madilov, Seıit Qasqabasov, Kádir­bek Segizbaev, Tynymbaı Nur­maǵanbetov, Iranbek Oraz­baev, Aıan Nysanalın, Qýanyshbaı Qur­manǵalı, Rysbek Sársenbaı, Sofy Smataev, Orynsha Qara­balına, Me­reke Qulkenov, Qaıym­munar Tá­beev, Qalı Sársenbaı, Serik Jan­bolat, Sáken Sybanbaı, Bátıma Záýirbekova, Aıgúl Isma­qova, Álııa Bópejanova, Bolat Qalymbetov syndy muqym qazaq­tyń betke ustar azamattary qatys­ty.

«Osy ýaqytqa deıin bas basylymdy 40-qa jýyq qazaq­tyń menmin degen azamattary bas­qarǵan. Bárin tizbekteı al­masaq ta, Bernııaz Kúleev, Sma­ǵul Sadýaqasov, Júsipbek Aı­maýytov, Muh­tar Áýezov, Beıimbet Maılın, Sáken Seı­­fýllın, Turar Rysqulov, Oraz Jan­dosov, Ǵabıt Músirepov, Sher­han Mur­taza, Ábish Kekil­baev syndy ult tuǵy­ryndaı tulǵalardy atap ótý bizge paryz. Onyń ber jaǵynda bas basy­lymdy basqaryp, ustaranyń jú­­zindeı, ár sózdiń sańylaýynan syǵa­laıtyn sol senzýraly zamanda halyqtyń bolmysy men eldik minezin saqtaýǵa umtylǵan Uzaq Baǵaev, Sapar Baıjanov, Balǵabek Qydyrbekuly, Kórik Dúıseev, Erjuman Smaıyl sııaq­ty aǵalarymyzdyń arýaǵy bir aýnap túsetin kún búgin», – dedi Al­maty ákiminiń orynbasary Erjan Babaqumarov.

Aty atalmasa da, táýlikpen sanas­paǵan, búkil sanaly ómirin, kúni men túnin kúndelikti shyǵa­tyn gazetttiń qyz-qyz qaınaǵan ómirine qıǵan aıaýly jýrnalıst aǵa-apalarymyz qanshama?! Gazet­tiń 100 jyldyq tarıhyna úle­sin qosqan aǵa-apalarymyzǵa arnal­ǵan asta oqylǵan duǵaǵa olar­dyń urpaqtary da qol jaıdy.

Tarıhı jıynda Q.Jumadilov, D.Isabekov, A.Nysanalın syndy qalam­ger­ler «Egemen Qazaqstan» gazetine izgi tilekterin arnady.

«Biz alystaǵy aýylda mektepte oqyp júrgende, kitap degen az bolatyn. Oqýlyq ta az. Sol kezde jarııa bolǵan gazetti sońynan qýalap júrip oqıtynbyz». Bul sózdi Ábish Kekilbaev jazǵan edi.

«Men de Aral teńiziniń jaǵa­syn­daǵy aýylda saýat ashtym. Son­da Ábish aıtqandaı, tasqa ba­syl­­ǵan gazetti qýalap júrip oqı­tyn­byz. Sol gazet, qudaı bi­ledi, «Sosıaldy Qazaqstan» gazeti bolatyn. Jalǵyz biz emes, Quran-kárimnen keıin, bárimiz gazetpen kózimizdi ashtyq. Bul bala kúnnen bala­lyq qııalymnyń kókjıegin keńeıt­ken, kókiregi­mizge sáýle shash­qan, dúnıeni tanyt­qan aınalaıyn gazet qoı. Onyń ishinde – bas gazet.

Endi bas gazetimiz osy qasıe­tin jo­ǵaltpaı, halyqtyń basyn qosyp tu­ra­tyn qalpynan jańylmasyn, 100 jyl­dyq tarıhy ǵasyrdan ǵasyr­ǵa jal­ǵasa bersin! Men soǵan tilek­tespin!» dedi Qazaqstannyń Eń­bek Eri, jazýshy Ábdi­jámil Nurpeıisov.

Almatyǵa taǵzym

Ult oqyrmanynyń rýhanı azyǵyna, elimizdiń tynys-tir­shiliginiń aınasyna aınalǵan ǵasyrlyq ǵumyry bar «Egemen Qazaqstan» gazetiniń 100 jyldyq mereıtoıynyń táýelsizdik pen azattyqtyń altyn besigi bolǵan Almaty tórinde atalyp ótýiniń aıyryqsha mańyzy bar. Sebebi 100 jasaǵan basylymnyń 70 jyldyq tarıhy men taǵdyry dál osy Al­matyǵa tıesili. 

Ǵasyrlyq toıdy atap ótý de­geni­miz, bul – halyqtyń rýhanı túleýi men ulttyq sanasynyń oıa­nýy jolyn tań­dap, aýyr júk ar­qalap, aıanbaı ter tókken Alash qaıratkerleriniń asyl muratyn saıası ustanymǵa aınaldyryp, memlekettik deńgeıge kótergen bas basylymdaǵy baspasóz ba­ha­dúrleriniń ult aldyndaǵy ula­ǵatty isterine bas ıe otyryp, olar amanattap qaldyrǵan or­taq múddege adaldyqty paryz re­tinde ulyqtaı bilý degen sóz. Qazaq baspasóziniń qarashańyraǵy «Egemen Qazaqstan» gazetiniń jyl boıy jalǵasyn taýyp kele jatqan júzjyldyq mereıtoıyna arnalǵan is-sharalar toptamasy Almatydaǵy Ulttyq ki­tap­hanada uıymdastyrylǵan keń aýqymdy sharaǵa ulasqanda, qy­ryq qatparly tarıhyndaǵy osy beder basty nazarda turdy. Basy­lym mereıtoıynyń basqa orynda emes, Ulttyq kitaphanada ótkizilýiniń ózindik sebebi bar. 100 jyldyq jylnamanyń kóz­diń qara­shyǵyndaı saqtalǵan orny da, ta­rıhynyń skanerden ótkizilip, sıfr­ly arhıviniń jasalǵan jeri de osy qasıetti oqý ordasy. Kitap­hanaǵa kelgen qonaqtar konferensııa bastalmas buryn «100 jyl – 100 gazet» atty arnaıy uıym­dastyrylǵan taqyryptyq kórmeni tamashalap shyqty. 1919 jyldyń 17 jeltoqsanynda 20 jastaǵy Bernııaz Kúleevtiń óle­ńimen bastalyp jaryq kórgen «Ushqyn» gazetiniń 1-nomerinen bas­tap ár jyldarda «Eńbek týy», «Eńbekshil qazaq», «Eńbekshi qazaq», «Sosıaldy Qazaqstan», «Sosıalıstik Qazaqstan», «Ege­mendi Qazaqstan», «Egemen Qazaq­­stan» bolyp birneshe ret óz­ger­­gen kólemi de, qarpi de, kó­ter­gen taqyryby da ár alýan basy­lymynyń eskir­gen tigin­disine ejik­teı úńilgen jurt ózi úshin qyzyqty aqparat taýyp, sar­ǵaı­ǵan jyldardan ózderinshe syr tanyp jat­ty.

Konferensııa qatysýshyla­ryna de­rekti fılm kórsetilip, onda basylymda qyzmet atqar­ǵan qazaqtyń iri memleket qaı­rat­kerleri men kórnekti tulǵala­rynyń uly muraty men qıyn jyldardaǵy jankeshti eńbegine qysqasha sholý jasalyp, gazet tarıhy búgingi tynys-tir­shilikpen túıindeldi.

Budan keıin Almaty qalasy­nyń ákimi Baqytjan Sa­ǵyn­taev sóz alyp, me­reı­­toı qýa­nyshyna jıylǵan qaýymdy respýblıkanyń mańdaıaldy irgeli basylymy «Egemen Qazaqstan» gazetiniń 100 jyl­dyq merekesimen qut­tyq­­tady. «Kórmeni tamashalap, estige­nimizdeı, búgin «Egemenniń» 29 696 nómiri jaryq kórip otyr eken. Qutty bolsyn! Ǵasyrlyq tarıhy bar bul gazetti qo­lyna ustaǵan kez kelgen jan ondaǵy árbir aqparattyń shynaıy­ly­ǵyna, kótergen taqyrybynyń mańyz­dylyǵyna kámil senedi. Sebebi memlekettik múdde men jýr­na­lıstik muratty teń ustaı­tyn basylymnyń kásibı deńgeıi, ustanǵan baǵyty eshqashan ózger­gen emes. Sondyqtan da ta­rıhy tereń, taralymy keń basylymǵa Elbasymyz N.Nazarbaev «Ota­­nymyzdyń bas gazeti» dep laıyqty baǵasyn berse, Mem­leket basshysy Q.Toqaevtyń kúndelikti sholý jasaıtyn gazetteriniń arasynda aǵa basylym kósh basynda tur. Bir kezeńde Smaǵul Sadýaqasov, Júsipbek Aımaýytov, Turar Rysqulov, Oraz Jandosov, Muh­tar Áýezov sııaqty Alash arys­tary tizginin ustaǵan basylym kúni búginge deıin óziniń baǵyt-baǵdaryn memleket múddesine, el ıgiligine arnap keledi. Saıasat pen ekonomıka, ádebıet pen máde­nıet, sport pen týrızm aıdarlary boıynsha tyń aqparat, kele­li oı taratqan basylym paraq­tarynda jańashyldyq pen dás­túrli sabaqtastyq, urpaqtar jal­ǵastyǵynyń izi saırap jatyr», dedi bas gazetti qadaǵalap oqı­tynynan habardar etken qala ákimi.

Baqytjan Ábdiruly qut­tyqtap qana qoımaı, ózimen birge basqa da syı-sııapatyn ala kelgenin aıtyp, Ýaqap Qy­dyr­han, Mamadııar Jaqyp, Aıan Nysanalın sekildi basy­lymnyń ardagerlerin Alǵys hat­pen marapattady. Marapattaý rásimin sahnada júrgizip turǵan B.Saǵyntaev byltyr seksen jasyn atap ótken baıyrǵy tilshi Ma­madııar Jaqypty tómende tu­ryp qarsy alyp, quttyqtap, qolyn alǵanyn kópshilik ulyqtyń kishipeıil minezine balap, rıza­shy­lyǵyn bildirip jatty. Ákim sondaı-aq, Sarbas Aqtaev, Nur­lan Orazalın jáne Darhan Qy­dyrálige «Eńbegi úshin» tós­bel­gisin tapsyrdy.

Jıynǵa qatysýshylardy qut­tyqtaǵan «Egemen Qazaqstan» gaze­tiniń Basqarma tóraǵasy Darhan Qydyráli, bul tek bir gazettiń ǵana mereıtoıy emes, tutas qazaq bas­pasóziniń me­rekesi ekenin atap ótti. Ol Abaı­dyń kindik qany tamǵan Jı­debaıdan bastaý al­ǵan basylym mereıtoıynyń jyl boıy atalyp ótilip, endi Al­matyda jalǵasyn taýyp, aldaǵy kúnderi Nur-Sultan qalasynda túıindelgenge deıin ótkiziletin ártúrli mazmundaǵy ma­ńyzdy sha­ralar leginiń ilki sát tolasta­maıtynyn aıtty. «Biz bul kúndi «Taǵzym kúni» dep atadyq. «Ege­menniń» taǵdyry da, tarıhy da Almatymen tyǵyz baı­la­nysty. Osy gazette mańdaı teri sińip, eńbek etken ardager til­shiler, basylymdy shyǵarýǵa bel sheship kirisip, búkil ómirin ar­nap, dúnıeden ótken marqum qyz­metkerlerdiń urpaqtary búgin ara­myzda otyr. Almaty qalasynyń ákimi Ábish Kekilbaevtyń 80 jyldyq mereıtoıy men Sherhan Murtazanyń jyldyq asyn berýge jáne olar mańdaıyn jarqyratqan gazettiń 100 jyldyq mereıto­ıyn atap ótýge qol ushyn sozyp, aıyryqsha qurmet kórsetip, la­ıyq­ty ulyqtaı alǵany úshin ujym atynan alǵysymyzdy aıtamyz», dep qala ákiminiń qol­daýyna yqylasyn bildirgen Bas­qarma tóraǵasy birqatar «ege­mendikti» – N.Orazalın, S.Aqtaev, M.Jaqyp, О́.Aıtbaev, Ý.Qydyrhan, A.Nysa­nalın, G.Sádirqyzyn tósbel­gimen marapattady.

Súbeli sóz, kósheli oıdyń tıegi aǵy­tylatyn jerde zııalylardyń bir-birimen jarysa aıtatyn ta­ǵy­lymdy ári mazmuny tereń jy­ly estelikteriniń jóni bólek. Máselen, búkil sanaly ǵumyryn ana tilimizdiń ósip, órkendeýi jolyna arnap, namysy men abyroıy úshin qajyr-qaıratyn sarp etip kele jatqan akademık О́mirzaq Aıtbaevtyń alǵashqy eńbek jolyn «Sosıalıstik Qazaqstan» gazetinen bastap, 1957 jyldan 1961 jylǵa deıin osy basylymda tilshilik qyzmet atqarǵany biraz jurtqa tosyn derek boldy. Al 1993-1996 jyldar aralyǵynda gazet tizginin ustaǵan aqyn Nurlan Orazalın eldi turalatqan toqyraýmen tuspa-tus kelgen kezeńdegi qıyn­dyqty eske aldy. Sonyń bárin ujymdaǵy úlken-kishimen birge júrip eńsergenin ol búginde ta­ban­dylyqqa, jankeshtilikke balaıtynyn jetkizdi.

Qazaqstan Jazýshylar odaǵy­nyń Basqarma tóraǵasy, aqyn Ulyqbek Esdáýlet júz jyldyq tarıhymyzdyń tasqa basylǵan jylnamasynyń sıfr­lanǵanyn úlken jańalyq retinde qabyl­daǵanyn aıtty. Ilgerirekte «Ege­men Qazaqstanda» eńbek etip, búginde «Almaty aqshamy» gaze­tiniń bas redaktory qyzmetin atqaryp otyrǵan Qalı Sársenbaı bolsa, «jýrnalıstik kásibı mek­tepti, kisilik mektebin, parasat mektebin eń alǵash osy basylymda jú­rip kórdim»,  deıdi. Almatydaǵy 747 tarıhı eskertkishtiń tizimin endi qabyrǵasyna mármár taqta ilingen «Egemen Qazaqstannyń» ǵımaraty tolyqtyra túsetinine senim bildirip, aǵa basylymǵa myń jasaǵan Almatynyń ǵumyr jasyn tiledi.

Saltanatty jıyn ústin­de Ult­­­tyq kitaphanamen birge jú­­­zege asyrylyp, sátti aıaqtal­ǵan aýqymdy joba – 100 jyl­­dyq jyl­­namanyń sıfr­ly nus­qasy jınaqtalǵan 5 tom­dyq­tyń tusaý­keser rásimi atqa­ryl­dy. Ja­­ńa kitaptyń lentasyn Al­maty ákimi B.Saǵyntaev, belgi­li qalamgerler N.Orazalın, B.Nur­jekeuly qıdy. Basylym basshysy jınaqtyń súıinshi danasyn Ulttyq kitaphana men qala ákimdigine tartý etti.

Almaty qalasy ákimdiginiń bas­­shy­lary, belgili qoǵam qaı­rat­­kerleri, ǵalymdar, baspa­sóz ókilderi men kitaphana oqyrman­dary qatysqan jıynda dástúrli án óneriniń sheberleri Erlan Tó­leýtaı men Saıat Nurǵazın án shyr­qap, M.Áýezov atyndaǵy drama teatrynyń ártisi Janat Tynybaev M.Dýlatovtyń «Elim-aı» óleńin oqyp, kóńil tolqytty. «О́sken el tarıhyn tasqa jazady» demeı me, tehnologııasy damyǵan jańa ǵasyrdaǵy tas – maqsaty aıqyn, ustanymy berik, qyzmetin halyqqa arnaǵan taǵylymdy basylym eke­nimen eshkim de talasa almaıdy. Qun­dylyqtar almasyp, saıasat jeli qalaı uıytqyp soqsa da, týra jo­lynan taımaǵan elimizdiń árbir azamatyna etene tanys «Egemen» eldikti murat tutqan maqsatynan esh­qashan aınymaq emes.

 

Daıyndaǵandar

Aınash ESALY,

Aıgúl AHANBAIQYZY,

«Egemen Qazaqstan»

 

ALMATY

 

Sońǵy jańalyqtar

Kásipqoı boks: WBC reıtıngi jarııalandy

Kásipqoı boks • Búgin, 12:18

Kúlki kerýeni № 14

Rýhanııat • Búgin, 11:47

Jańaózende «Ashyq esik kúni» ótti

Aımaqtar • Búgin, 11:37

176 keli qyzylbalyqpen ustaldy

Aımaqtar • Búgin, 09:50

О́ńiraralyq forýmda tanystyryldy

Ekonomıka • Búgin, 08:23

6 myń shaqyrym jol aqyly bolady

Ekonomıka • Búgin, 08:21

Arnaıy ekonomıkalyq aımaq

Ekonomıka • Búgin, 08:13

Úzdik nátıje – 12-oryn

Sport • Búgin, 08:04

Qaharmanǵa qurmet

Rýhanııat • Búgin, 08:02

Balýandardyń Syrdaǵy básekesi

Aımaqtar • Búgin, 08:01

Maqsaty bıik «Mámile»

Aımaqtar • Búgin, 07:59

Kelisimshart qural bolmasa...

Qoǵam • Búgin, 07:56

Nur-Sultanda «adaldyq saǵaty» ótti

Qoǵam • Búgin, 07:52

Internet qoldanýshylar eskeretin jaıt

Tehnologııa • Búgin, 07:50

JITS-ke qarsy is-sharalar ótedi

Medısına • Búgin, 07:43

Talanttar tálimgeri

Rýhanııat • Búgin, 07:41

Aqyn jáne onyń mýzasy

Rýhanııat • Búgin, 07:40

Kúı qudireti arab álemin moıyndatty

Aımaqtar • Búgin, 07:38

Aýadan qarmaǵan aıyppul

Aımaqtar • Búgin, 07:34

Sholohovqa aq bota syılaǵan

Aımaqtar • Búgin, 07:30

Úrkimbaev úılesimi

Aımaqtar • Búgin, 07:27

Joshyǵa aparar jol

Qoǵam • Búgin, 07:23

Túrlenip, túlegen Túrkistan

Aımaqtar • Búgin, 07:21

Kásibı kadrlar jumys isteýi tıis

Ekonomıka • Búgin, 07:12

Basshylyq quram attestattaldy

Qoǵam • Búgin, 07:08

Ońaltý ortalyqtary salynady

Aımaqtar • Búgin, 07:03

Baýyrlastyq baılanystar bekı túsedi

Saıasat • Búgin, 07:00

Baǵdarlamalarǵa belsendi qatysady

Saıasat • Búgin, 06:52

Telefon arqyly sóılesti

Prezıdent • Búgin, 06:50

Elorda nege jaryqsyz qaldy?

Qoǵam • Búgin, 06:42

Jahandyq únqatysý is-sharalaryn talqylady

Prezıdent • Búgin, 06:33

Uqsas jańalyqtar