Aımaqtar • 11 Qarasha, 2019

Balalardy baýyryna basqandar

48 retkórsetildi

Elimizde «Qamqorshylar kúni» jyl saıyn qazan aıynyń 29-ynda atap ótiledi. Maqsat – qamqor­shy­lar men qor­ǵanshylardy qoldap, pat­ro­nat­tyqqa alynǵan búldirshin­derdi, jetim jáne ata-ana qamqorlyǵynsyz qalǵan balalardy otbasy úlgisinde tárbıeleýdi nasıhattaý.

Al aýdan ortalyǵy Kóktóbe aýylynyń Jal­tyr orta mektebinde ótken «Meıirimdi jú­rek» mere­kelik sharasy aýdandaǵy jetim jáne ata-ananyń qamqorlyǵynsyz qalǵan bala­larǵa jáne olardyń qamqorshy­lary men qorǵan­shy­lary­na arnaldy. Shaqy­rylǵan­dardyń barly­ǵy­na da «Meıirimdi júrek» tósbelgisi taǵyldy. Aıt­sa aıtqandaı-aq, meıirimdi izgi jandardyń kóbeıýinen elimizde qazir balalar úıleri jabylyp, jetim balalar sany azaıyp kele jatqany belgili. Jaltyr mektebinde ótken sharaǵa kelgenderdiń biri – qamqorshy Raıhan Tileýkına bolsa, ol óziniń baýyrynyń balalary Rınata men Amırandy tárbıeleýde.

– Baýyryma basqan osy eki balany «Balalar úıine» ótkizbeıin dep óz qamqorlyǵyma aldym. Balalar úıinde balalar sany azaısa, aman-esen jetkizsem, osy amanatymdy oryndasam deımin, – deıdi Raıhan apaı.

Kóktóbe aýylynda turatyn Qýanysh Kósherbaıuly Tóleý Ársenniń, Lıýdmıla Jumadilova Baýyrjan Jumadilovtyń, Lıýbov Shııabýtdınova Alına Serikbaevanyń, Gúljan Qadyrbekqyzy Daneldiń qorǵanshysy jáne Ratmır, Tamır, Lıana Mıngazýtdınovtardyń qamqor­shysy, Dınara Doǵalaqova Meıram­gúl men Aıshagúl Doǵalakovany, Kúlpan Imansha­rıpova Onalqan Qazbekti, Raısa Aıazbaeva Dilmuhamed Aıazbaevtardy tárbıeleýde.

Árqaısysy ártúrli taǵdyrly balalardy baýyrlaryna basyp, meıirimdi júrek, aıaly alaqan jylylyǵyn syılaýda. Barlyǵy da qamqorlyǵyna alǵan ul-qyzdardy balalar úıine bermeı, óz balalarymen birdeı kórip, baǵyp-qaǵyp ósirýge amanat arqalaǵan jandar.

– Balalardy balalar úıine jibere almaı­myn. О́sirip, jetkizem. Bárimiz bir qazannan as ishemiz. Bir qazan as bárimizge de jetedi, – deıdi Saty aýylynyń turǵyny Quralaı apaı.

Meıirimdi jandardyń qatary az emes, mysaly, Qaraterek aýylynyń turǵyny Sábıra apaı Atanbaı Aldııarǵa, Qaıynjamal apaı Saıda Muqtarova men Arnat Kópejanovqa qamqorshy bolyp taǵaıyndalǵan. Malaısary aýylynyń turǵyny Qaıyrbek aǵamyz Álisher Qazbekovty óz qamqorshylyǵyna alǵan azamat eken. Al Quralaı Rysbekova Zarına, Azat Sosıaldardyń qamqorshysy.

Sonymen qatar Maı aýylynyń turǵyny Baltabaı Qýat Danara Baltabaıdyń qamqor­shysy, Baskól aýylynyń turǵyny Nazym Seıfýllaqyzy Álınur Nadyrbaevtyń patronattyq tárbıeshisi. Maıtúbek aýylynyń turǵyny Vladımır Beloýs Rýslan Tústikbev, Aleksandr Plaksenkonyń qamqorshysy, Almagúl apaı Rıza Qazbekovanyń qorǵanshysy.

Iá, jetimderge jan jylýyn syılaǵan osyndaı qamqor jandar ortasynda otyryp, áńgimelerin tyńdaǵanda kózge jas keledi. Qamqorlyǵyna alǵan balalaryna degen úlken jaýapkershilikti, jylylyqty, meıirimdi baýyrmaldyqty baıqaısyz.

Qorǵanshylar men qamqorshylar balalarǵa ózderiniń týǵan áke-sheshesindeı bola almas. Biraq taǵdyrdyń qatal synyna ushyrap, otbasynan ajyrap qalǵan balalarǵa qamqorlyq kórsetip, baýyryna basatyn jandardyń aramyzda bolǵany kóńilge demeý.

– Búgingi shara áleýmettik jetimdiktiń aldyn alý negizinde uıymdastyrylǵan. Maqsaty – jetim jáne ata-anasynyń qamqorlyǵynsyz qal­ǵan balalarǵa otbasylyq jylýdy jáne qam­­qor­lyqty sezindirý. Ata-anasynyń qam­qor­ly­ǵyn­syz qalǵan jáne kómekke muqtaj bala­lar úshin elimizde arnaıy qorǵanshylyq jáne qamqorlyq organdary jumys isteıdi. Osyndaı balalardy izdep, taýyp, olardy ornalastyryp, turmys jaǵdaılaryn baqylaý mindetterin júzege asyrý bizge júktelgen, – deıdi aýdandyq bilim bóliminiń basshysy Orynbasar Temirbolatova.

Aýdanda qamqorshylardy bir-birimen tanystyrý, kezdesken qıyndyqtardy sheshý joldary jəne ózara təjirıbe almasý jáne psıhologııalyq qoldaý maqsatynda arnaıy trenıngter ótkiziledi.

– Maqsat – ata-anasynan aıyrylǵan bala­larǵa qamqor bolyp otyrǵan qamqor­shylar­ǵa iltıpat bildirý. Basqa ata-analarǵa olar­dy úlgi-ónege retinde nasıhattap, júrek jyl­ýyn oıatý. Bala tárbıesi – barshaǵa ortaq is. Son­dyq­tan aýdanda aýyl­dyq aýmaqtaǵy aqsa­qal­dar, áıelder keńesi, jastar qanaty birlese ju­mys isteýde, – dedi is-sharaǵa qatysqan aýdan ákimi Marat Aqtanov.

Is-sharaǵa kelýshiler arasynda Lıýdmıla Arhıpovna Irına Iolkınanyń, Asııat Keńes­qyzy Maksım, Alekseı Perstnıovterdiń, Denıs Kovalev Andreı Kovalevtiń, Iýlıananyń, Ásel Qasybaeva Tóleý Seriktiń, Ásııa Ashat­qyzy Nur­sýl­tan Qaıdarovtyń, Lıýbov Volo­býeva Iýlııa, Alına Kalınıchenkolardyń qamqor­shylary boldy.

– Jalpy, aýdanda jetim jáne ata-ananyń qamqorlyǵynan qalǵan balalardyń sany – 33, al qamqorshylardyń jáne qorǵanshylardyń sany – 22 adam. Qazir jetimderdi qamqorlyq­taryna alǵan otbasylar qatary kóbeıip keledi. Aýdandyq bilim bóliminiń qoldaýymen «Qamqorshy kúninde» jetim jáne ata-ana qamqorlyǵynsyz qalǵan balalardy baýyryna basqan júrekteri meıirimge toly, izgi jandarǵa qurmet kórsetkimiz keldi, – deıdi aýdan ákiminiń áleýmettik máseleler jónindegi orynbasary Mádına Qusaıynova.     

Is-shara aıasynda jetim balalarǵa jan jylýyn syılaǵan qamqor jandarǵa aýdan ákimdigi tarapynan syı-syıapat jasalyp, qurmet kórsetildi. Álbette qorǵanshylar men qamqorshylar óz mindetterine aqsha talap etpeıdi. Sondyqtan qabyldaýshy otbasyn­da balanyń sátti beıimdelýi, otbasy tár­bıesine alynǵan balaǵa degen súıispenshiligi, shydam­dyly­ǵy jáne eńbegi úshin qamqorshylar men qorǵanshylarǵa alǵys aıtyldy.

Paıǵambarymyz jetimniń basynan sıpa­ǵanǵa onyń qansha tal shashy bolsa, sonsha sa­ýaptan jazylatynyn aıtqan. Bul izgilikti saýap ata-ana meıiriminsiz ósip kele jatqan balalardy baýyryna basqan jandarǵa arnalǵandaı.

 

Pavlodar oblysy,

Maı aýdany

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar