Ekonomıka • 14 Qarasha, 2019

42 ınvestısııalyq joba júzege asyrylýda

14 retkórsetildi

Bıylǵy 9 aıda Batys Qazaqstanda 1,8 trln teńgeni quraıtyn ónerkásip ónimi shyǵaryldy. Birinshi jartyjyldyqta jalpy aımaqtyq ónim 1,4 trln teńgege jetti, bul kórsetkish byltyrǵydan 145 mln teńgege joǵary. Bul týraly keshe Ortalyq kommýnıkasııalar qyzmetinde ótken baspasóz máslıhatynda aımaq ákimi Ǵalı Esqalıev aıtty.

Agroónerkásiptik keshen – oblys ekonomıkasynyń kúre­tamyry. Máselen, etti iri qara maldyń sany boıynsha respýb­lıkada 2-oryn alady. Byltyr iri qara sany 456 myń bas bolsa, bıyl bul kórsetkish 495 myńǵa jetti. Maldyń basyn kóbeıtý úshin 15 myń iri qaraǵa arnalǵan bordaqylaý alańdaryn ashý jos­parlanýda. 9 aıda óńirde negizgi kapıtalǵa salynǵan ınvestısııalar 36%-ǵa artyp, 388 mlrd teńgege jetti. Onyń 90%-y jeke ınvestısııalar. Qazir aımaqta quny 1 trıllıon teńgeden asatyn 42 jańa iri ınvestısııalyq joba júzege asyrylyp keledi. Onyń nátıjesinde 5 myńǵa jýyq jumys orny ashylady. 8 joba sheteldik ınvestorlardyń qatysýymen oryndalyp jatyr. Bıyl jalpy quny 317,7 mlrd teńge bolatyn 500 jumys ornyn kózdeıtin 10 joba iske qosylady. Atap aıtqanda, gaz daıyndaý qondyrǵysy, sharly qalpaqshalar óndirisi, turmystyq qatty qaldyqtardy suryptaý jáne óńdeý, kabel ónimderin shyǵarý, polıetılen qubyrlaryn shyǵarý syndy jańa óndiris oshaqtary kiredi. Sol sekildi transformatorlarǵa arnalǵan paneldik radıatorlar óndirisi, jıhaz fabrıkasymen qatar Qarashyǵanaq qaıta óńdeý kesheninde gaz óndirisindegi shek­teýlerdi alyp tastaý men munaı óńdeý zaýyty sııaqty jobalardyń qurylysy qarqyn aldy.

– Batys Qazaqstan obly­synyń ınvestısııalyq áleýeti óte joǵary. Agrarlyq óner­kásip kesheni, týrızm jáne avto­mobılderdiń tranzıttik aǵymyn paıdalaný jáne basqa salalar boıynsha jańa ınvestısııalyq jobalardyń pýlyn daıyn­dap jatyrmyz. Áleýetti ınves­tor­lardyń suraqtaryna jedel jáne tıimdi jaýap beretin qyz­met kórsetý júıesin qurý isi aıaq­talyp keledi, – dedi oblys ákimi.

Aqjaıyq óńirinde «Nurly jer» baǵdarlamasyna sáıkes 16 mıllıard teńgeden astam qara­jatqa Oral jáne Aqsaı qalalarynda 17 kóppáterli turǵyn úı, sondaı-aq aýyl­dyq jerlerde 117 úıdiń qury­lysy iske asyrylýda. Jyl qory­tyndysy boıynsha 6 kóp­páterli turǵyn úı jáne aýyl-aımaqtardaǵy 49 turǵyn úıdi kezekte turǵan adamdarǵa jalǵa berý josparlanǵan. Bul shamamen 1080 páter. Osy jyly batys óńirinde áleýmettik turǵyda qorǵalmaǵan 394 otbasy páter kiltine ıe boldy. Olardyń 243-i kóp balaly otbasylar. Jeke ınvestısııalar esebinen bıyl jalpy kólemi 386 myń sharshy metrdi quraıtyn turǵyn úı paıdalanýǵa berilmek.

– Jańa joldardyń uzyndyǵy – 245 shaqyrym. Buǵan shamamen 55 mlrd teńge bólinedi. Qazir merdigerler anyqtalyp, keıbir aýdandarda jumystar bastalyp ketti. Jol qurylysyn 2021 jyldyń sońyna deıin aıaqtaý kózdelgen. Elimizdiń tranzıttik áleýetin paıdalaný maqsatynda Samara oblysymen shekaradaǵy «Syrym» ótkizý beketi keńeıtildi. Jobanyń so­masy – 2,2 mlrd teńge. Oral­da «Neftebaza» aýdanynda uzyndyǵy 1 shaqyrym jáne quny 5,2 mlrd teńge bolatyn kópir qaıta jańǵyrtylýda. 1972 jyly salynǵan «Oral» halyqaralyq áýejaıynyń termınalyn qaıta qurý bastaldy. Bul jolaýshylar úshin yńǵaıly jańa termınal bolady, – dedi Ǵ.Esqalıev.

Budan basqa spıker 54 myńnan astam halqy bar 40 aýylda sýmen jabdyqtaýdyń 29 nysanynyń qurylysy men qaıta jańǵyrtý jumystary bastalǵanyn jetkizdi. Osy maqsatqa 4,3 mıllıard teńge bólinipti. Bıyl aýyz sý shamamen 35 myń adam turatyn 26 aýylǵa keledi dep kútilýde. Nátıjesinde halyqty ortalyqtandyrylǵan sýmen qamtamasyz etý deńgeıi 86,6%-ǵa deıin artady.

Ǵ.Esqalıevtiń aıtýynsha, óńirde densaýlyq saqtaý salasyn­da negizgi kórsetkishter boıynsha oń úrdis baıqalýda. Bul jal­py ólimniń 5,4%-ǵa jáne sábı óliminiń 19,9%-ǵa tómendege­nin kór­setedi. Náreste ólimin azaıtý úshin medısınalyq uıymdar 17 mamandandyrylǵan ýltrady­bystyq apparattarmen jabdyq­taldy jáne 38 maman týa bitken kemistikti erte anyqtaý boıynsha biliktiligin arttyrǵan, dedi aımaq ákimi.

 

Sońǵy jańalyqtar

75 kúımen rekord jańartty

Rýhanııat • Búgin, 21:32

Abaı murasy máńgilik

Abaı • Búgin, 19:00

Basty aqparat (17.02.2020)

Vıdeo • Búgin, 18:54

Aqmeshitte alaman aıtys ótti

Rýhanııat • Búgin, 18:52

Basylym basshylary - Keńesbaı ÚSEBAEV (1914-1995)

Basylym basshylary • Búgin, 18:12

Basylym basshylary - Ǵumar AQQULOV (1912-1957)

Basylym basshylary • Búgin, 18:05

Basylym basshylary - Qabyl BEKMURATOV (1914-1980)

Basylym basshylary • Búgin, 18:02

Semeılik oqýshylar júldeger atandy

Aımaqtar • Búgin, 17:51

Qaraǵandy oblystyq QAJD bastyǵy taǵaıyndaldy

Taǵaıyndaý • Búgin, 16:21

Qyzyljarda keıýana qyzyl jalyn qushty

Oqıǵa • Búgin, 16:04

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Uqsas jańalyqtar