Qazaqstan • 14 Qarasha, 2019

Bakýde greplıngten qolaǵa qol jetkizdi

38 retkórsetildi

Aqtaý qalasyndaǵy Nazarbaev Zııatkerlik mektebiniń 9-synyp oqýshysy Aslan Baqytkalıev greplıngten ótken álem chempıonatynda qola medaldi jeńip aldy. Bul týraly Aqtaý qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń baspasóz qyzmetinen Y.Ramazan habarlady.

Ázerbaıjan astanasy Bakýde 8-9 qarashada uıymdastyrylǵan jarys jasóspirimder, jastar jáne ardagerler arasynda ótti.

Jas sportshy jasóspirimder arasynda 53 kelide baq synasyp, eki kezdesý ótkizgen.

Meniń salmaq dárejemde 10 sportshy boldyq. Alǵashqy kezdesýde ázirbaıjan sportshysy Geıdar Hagverdılıdi (Heydar  HAGVERDILI) uttym. Al jartylaı fınalda reseılik Temirlan Qaraochevpen kezdestim. Biraq urys men úshin sátsiz boldy,  deıdi Aslan.

Aıta ketý kerek, Aslan greplıngpen ótken jyldan aınalysa bastaǵan. Onyń qyzyǵýshylyǵy «Lions Fight club» sportshylary óz múmkindikterin teńiz jaǵalaýynda tanystyrǵannan keıin paıda bolǵan.

-Bapkerim Islam Dolgatov erekshe qyzyǵýshylyǵymdy baıqap, jarystarǵa daıyndaı bastady. Maǵan qoldaý bildirgen ata-anama, bapkerime, mektebime alǵysym sheksiz. Budan da bıik belesterdi baǵyndyrýǵa tyrysamyn, deıdi qola júldeger.

Atalǵan jarysqa Qazaqstannan 120 sportshy attandy. Onyń 19-y mańǵystaýlyq. Jalpy esep boıynsha mańǵystaýlyq boksshylar 3 altyn, 1 kúmis, 6 qola medalmen oraldy.

Sońǵy jańalyqtar

Aýyr atletter Katarǵa attanady

Aýyr atletıka • Keshe

Kópbalalylarǵa kómek

Aımaqtar • Keshe

Kúlki kerýeni № 22

Rýhanııat • Keshe

Farıza aqynnyń ustazy

Rýhanııat • Keshe

Uqsas jańalyqtar