Qoǵam • 15 Qarasha, 2019

Jemqorlyq jerge qaratady

15 retkórsetildi

Adaldyq – adamdyqpen astasqan, tazalyqpen tamyrlas uǵym. Onyń máni men mańyzy tereńde. Atalǵan qasıetti uǵym memlekettik qyzmettiń tizginin ustaǵan mekeme qyzmetkerleriniń boıynda bolsa, onda qarapaıym halyqtyń bılikke degen senimi arta túsetini aıqyn. Bul rette «Adaldyq alańy» jobasynyń alar orny aıryqsha ekeni belgili. Joba iske qosylǵannan bastap elimizdiń túkpir-túkpirinde túrli shara atqarylýda.

 

Sózimizdiń dáleli retinde jaqynda Sybaılas jemqorlyqqa qarsy is-qı­myl agenttiginiń Nur-Sultan qalasy ákim­digimen birlesken «Astana – adal­dyq alańy» jobasy aıasynda agenttik tóraǵasy Alık Shpekbaev pen elorda ákimi Altaı Kólginovtiń túrli uıym ókilderimen kezdesýi ótti. Kezdesý «Ja­nuıa» otbasy ınstıtýtyn qorǵaý orta­lyǵynyń alańynda úkimettik emes uıymdar, memlekettik organdar jáne qoǵam ókilderiniń qatysýymen uıym­dastyryldy. Jıyn barysynda Altaı Kólginov jobanyń sybaılas jem­qor­lyq táýekelderin tómendetýdegi erekshe rólin atap ótti. Sonymen qatar qaty­sý­shylarǵa «Astana – adaldyq alańy» joba­synyń aıasynda ashylǵan iQala ortalyǵy jumysynyń kásipkerler úshin qolaı­ly ekendigin jetkizdi.

«IQala kómegimen siz kásipkerler men jeke tulǵalarǵa tehnıkalyq sıpattamalardy bir ótinish arqyly ala alasyz. Buryn jaryq, sý, jylý qosý úshin ár monopolısti jeke-jeke aınalyp, ýaqytty jáne aqshany jumsaý qajet bolatyn. Qazir iQala ortalyǵynda jáne saıttyń kómegimen bir ótinish arqyly jumystardy bitirýge múmkindik bar. Eger biz qoǵamnyń alǵa basýyn, mem­le­kettiń damýyn, táýelsizdigimizdiń ny­­ǵaıý­yn tereń túsinetin bolsaq, onda osy joba­nyń mańyzdylyǵyna mán berýimiz kerek. Sebebi shynaıy uǵynǵan adam úshin jemqorlyq degen ulttyń tamyryna balta shabatyn dúnıe. Sondyqtan bizdiń aldymyzda, ásirese memlekettik qyzmetshilerdiń aldynda turǵan talap – ashyqtyq. Ashyqtyq bar jerde sapaly qyzmet atqarylatyny aıqyn. Osy máseleni kóp bolyp sheshýimiz kerek. Sebebi qoǵam bolmaı memleket bolmaıdy. Biz de, memleket qyzmetkerleri de qoǵamnyń bir múshesimiz. Sol sebepti bizge mindet júktelgennen keıin ony jaýapkershilikpen atqarǵanymyz abzal. Osy rette «Adaldyq alańy» jobasyn qolǵa alyp, iske asyryp jatqan agenttik qyzmetkerlerine alǵys aıtqym keledi», dedi Altaı Kólginov.

Aıta ketetin bir jaıt, búgingi tańda iQala ortalyǵy 92 qyzmet túrin usynǵan. Qarasha aıynyń sońyna deıin qosymsha 47 qyzmet qosylady dep kútilýde. Jyl sońyna deıin barlyǵy 139 qyzmet iske qosylatyn bolady. Alık Shpekbaev óz sózinde elimizde «Adaldyq alańy» joba keńseleri júzege asyryp jatqan bastamalar jóninde atap ótti.

«Qoǵamda sybaılas jemqorlyqqa qar­sy mádenıetti qalyptastyrý maqsa­tyn­da agenttik halyq arasynda para­sat­tylyq qaǵıdatyn nasıhattaýda. Iske asy­rylyp jatqan bastamalar azamattar ara­synda jasaǵan is-áreketi úshin jeke jaýapkershilik sezimin qalyptastyrýǵa baǵyttalǵan. Satýshysy joq dúkender, metroda baqylaýshysy joq týrnıketter, adaldyq mektepteri – qoǵamdaǵy adamgershilikti tárbıeleýge baǵyttalǵan. Respýblıka boıynsha «Adaldyq alańy» keńseleri jańa ıdeıa­lar men bastamalar qurý maqsatynda belsendi qoǵamnyń memlekettik apparatpen ózara qarym-qatynasy úshin kópir bolyp tabylady. Quqyqtary men zańdy múddelerin qorǵaý boıynsha shamamen 3,5 myń azamatqa kómek kórsetildi», dedi Alık Shpekbaev. Agenttik tóraǵasy málim­degendeı, barlyq óńirlerde jáne birqa­tar mınıstrlikte jumys istep jatqan «Adaldyq alańy» jobalyq keńseleri arqyly kez kelgen adam sybaılas jemqorlyqqa qarsy sharalardy ázirleýge qatysa alady.

Iá, qoǵamda kez kelgen quqyq buzý­shy­lyqqa jol bermeý úshin joǵary adam­gershilik pen mádenıetti damytý qajet ekeni, aıtpasa da túsinikti. Adamgershilik, parasat, adaldyq uǵymdary aralasqan kez kelgen sala jemisti jumys pen joǵary nátıje beretini anyq. Sondyqtan da Qazaqs­tan­nyń árbir azamaty memlekettiń múlki men qarjysyna jaýapkershilikpen qarap, ózine berilgen tapsyrmany aryna júktelgen mindet dep qabyldap, ony adaldyqpen atqaryp, jemqorlyqtyń jerge qaratatyn qasıet ekenin jete túsin­genderi abzal. Osy oraıda elorda ákimi­niń orynbasary Baqtııar Máken atqa­rylyp jatqan jumystar týraly baıan­dady.

«Elordada joba aıasynda «ashyq ákimdik» tujyrymdamasy belsendi júzege asyrylýda. Qalamyzdyń Esil jáne Saryarqa aýdandyq ákimdiginde azamat­tarǵa qyzmet kórsetetin zamanaýı front-ofıster ashyldy. Kásip­ker­lerge qyzmet kórsetetin jańa iQala orta­lyǵy qyzmetin jalǵastyrýda. «Interaktıvti qoǵamdyq baqylaý kartasy» men «Qatysý bıýdjeti» aıasynda bıýdjettiń ashyqtyǵyn qamtamasyz etý boıynsha jańa quraldar engizilýde. Elordanyń ár turǵyny óz ortasy úshin jaýapkershilikti moınyna alyp, árqaısymyz qalamyzǵa óz úıimizdeı qaraýymyz kerek. Bul rette «Adaldyq alańy» jobasyn aıryqsha atap ótken jón dep esepteımin. Joba osydan eki jyl buryn Tuńǵysh Prezıdent – Elbasy N.Nazarbaevtyń qoldaýymen júzege asqan bolatyn. Elordadan qanatqaqty joba retinde bastaý alǵan «Adaldyq alańy» búgingi tańda respýblıkanyń barlyq aımaǵynda san túrli shara atqaryp úlgerdi. Onyń negizgi mindeti – qyzmetke degen adaldyqty alǵa tarta otyryp, jemqorlyqpen kúresý, halyqqa qyzmet kórsetý sapasyn arttyrý. Mysaly, «Interaktıvti qoǵamdyq baqylaý kartasy» arqyly qaladaǵy atqarylǵan jumystar, memleketten bólingen qarajattyń jumsalýy jáne taǵy da basqa týyndaǵan máselelerdiń nátıjeleri týraly kórýge bolady», dedi ol.

Qatysýshylar ákimshilik kedergi­ler­diń bolýy, eńbekaqynyń jet­ki­lik­­sizdigi, basshylardyń jeke jaýap­kershilikteriniń bolmaýy, sybaılas jemqorlyqqa qarsy mádenıet­tiń jet­ki­lik­siz bolýy, memlekettik organ­dar­dyń jetkiliksiz ashyqtyǵy, qoǵamdyq baqylaýdyń bolmaýy, memlekettik satyp alýdy júrgizý kezinde sybaılas jemqorlyq táýekelderi, sot jáne quqyq qorǵaý organdary qyzmetiniń jabyq­ty­ǵy sybaılas jemqorlyqqa yqpal etetin negizgi faktorlar ekenin alǵa tart­ty. Sondaı-aq jıynda ekologııa, bilim berý salalaryndaǵy jańa jobalar jáne úkimettik emes uıymdarmen qarym- qatynas ornatý boıynsha qoǵamdyq uıym­dardyń ókilderi tyńdaldy.

Shara sońynda elorda ákimi agenttik tóraǵasymen «Astana – adaldyq alańy» jobasyn damytý men keńeıtý boıynsha aldaǵy mindetter men basymdyqtardy atady.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar