Qoǵam • 15 Qarasha, 2019

Jańa úlgidegi kólikter

24 retkórsetildi

Almaty qalasyndaǵy jolaýshylar tasymalyn jetildirý maqsatynda keshendi sharalar qolǵa alynyp keledi. Osy baǵytta Falcon EuroBus kompanııasynyń qazaq-nemis áriptesterimen birlese qoldanysqa engizgen elektroavtobýstar tizbegin atap ótýge bolady.

Almaty qalasy Qalalyq mobıldilik basqarmasy basshysynyń orynbasary Erlan Ádilov «№1 Almaty Elektroavtobys parki» JShS kásipornyn quttyqtap, jolaýshy tasymaldaý júıesinde básekelestikke laıyqty eýropalyq ónimderdi paıdalanýdyń áleýetine toqtalyp ótti. Erlan Ádilovtyń aıtýynsha, jańa tehnologııalardy jolaýshy tasymaly júıesine engizýde almatylyqtardyń dittegen jerine jaıly ári ýaqytynda jetýi eskerilgen. Sonymen qatar qalanyń ınfraqurylymyn jańa deńgeıge kóterýge,  «aqyldy qalalar» qataryna qosylýǵa múmkindik beredi.

 «№1 Almaty Elektroavtobys parki» JShS bas dırektory Petr Smehovıch jańa úlgidegi elektroavtobýstardyń jumysyn uıymdastyrýda arnaıy avtopark qurylǵandyǵyn jetkizdi. Zamanaýı tehnıkalyq múmkindigi bar avtoparktiń dıspetcherlik ortalyǵy avtokólikterdiń jumysyn táýlik boıy qadaǵalap otyrady. Jańa baǵytqa bilikti mamandar tartylyp,  avtobýs júrgizýshileri arnaıy oqý tájirıbesinen ótken. Avtobýstardy qurastyrý barysynda ekologııalyq qaýipsizdik standarttary basshylyqqa alynǵan. FALCON M.ADI markaly elektrokólikterdiń ereksheligi edeni tómen ornalasqan. Jolaýshylardyń, ásirese balalar men  múmkindigi shekteýli jandardyń túsip-shyǵýyna qolaıly. Salon zamanaýı navıgasııalyq qondyrǵylarmen jabdyqtalǵan. Kólikke tán qurylǵylardan bólek smartfondar men gadjetterdi zarıadtaýǵa arnalǵan USB núkteleri, baqylaý kameralary bar. Bul kólikter qorshaǵan orta úshin de zalalsyz bolyp tabylady ári dybyssyz qozǵalady. Zamanaýı kólikter ınvestorlar men avtopark qarajaty esebinen júzege asyp otyr.

Ekoavtobýstar №206 baǵytymen Tóle bı kóshesiniń boıymen júrip ótip, Iassaýı kóshesine, odan keıin Shyǵys aınalma jolǵa deıin barady. Uzyndyǵy 10 shaqyrymnan asatyn kóshe qaladaǵy jolaýshylar kóp júretin eń iri baǵyttyń biri sanalady. Baǵytty engizýde kósheniń standartqa saı ólshemderi de eskerilgen.

Sońǵy jańalyqtar

Kúlki kerýeni № 24

Rýhanııat • Keshe

Reıtıngte joǵarylady

Kásipqoı boks • Keshe

«Altyn saqa» úzdikteri anyqtaldy

Ulttyq sport • Keshe

Qazaq áni Nıý-Iorkte shyrqaldy

Rýhanııat • Keshe

Uqsas jańalyqtar