Ekonomıka • 19 Qarasha, 2019

Eýropa qaıta qurý jáne damý banki «Kúrti-Qapshaǵaı» jolyn qaıta jańartý jobasyn qarjylandyrady

25 retkórsetildi

Indýstrııa jáne ınfraqurylymdyq damý mınıstrliginde Eýropa qaıta qurý jáne damý banki men «QazAvtoJol» UK» AQ arasynda «Kúrti-Qapshaǵaı» jobasy boıynsha kredıttik kelisimge qol qoıý rásimi ótti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Qaryz somasy 34 479,7 mln teńgeni quraıdy. Qarjy Kúrti jáne Qapshaǵaı eldi mekenderi arasyndaǵy uzyndyǵy 67 shaqyrym bolatyn jol ýchaskesin qaıta jańartý jumystaryna baǵyttalady. Atalmysh jol – Ortalyq-Ońtústik dáliziniń  bóligi. Bul bizdiń el úshin iri joba. Ol – Respýblıkanyń Soltústigi men Ońtústigin baılanystyratyn býyn.

««Sınszıan konstrakshn» kompanııasy atalǵan jobanyń merdigeri bolmaq. Biz bankpen kelissózderdi júrgize otyryp, konkýrsty da ótkizgen bolatynbyz. Merdiger kompanııamen kelisimshart jasastyq. Jobany iske asyrýǵa kirise alamyz», dedi  «QazAvtoJol» UK» AQ Basqarma tóraǵasy Ulan Álipov.

Aıta ketý kerek, EQQDB Qazaqstan Respýblıkasyndaǵy ınfraqurylymdyq jobalardy qarjylandyrýda belsendilik tanytýda. Máselen, banktiń at salysýymen jol salasynda «Batys Eýropa – Batys Qytaı» tranzıttik dáliziniń boıynda jatqan 2 joba  júzege asyryldy. Jobalardyń jalpy somasy – 322 mln dollar. Atap aıtqanda, bul: uzyndyǵy 102 shaqyrymdy quraıtyn Aqtóbe – Mártúk jáne uzyndyǵy 62 shaqyrymdy quraıtyn «Tashkent – Shymkent» joldary.

«QazAvtoJol» UK» AQ «Kúrti – Býrylbaıtal» avtomobıl jolyn qaıta jańartýǵa jalpy somasy 196 mln. dollar bolatyn Zaım týraly kelisimge qol qoıdy. Joldyń uzyndyǵy – 143 shaqyrym. Búgingi tańda qurylys-montajdaý jumystary júrgizilip jatyr.

Sonymen qatar bıyl Atyraý qalasynyń soltústik aınalma jolyn qosa alǵanda, «Atyraý – RF shekarasy (Astrahanǵa)» jolyn qaıta jańartýǵa jalpy somasy 103,7 mlrd teńge bolatyn Zaım týraly kelisimge qol qoıylǵan bolatyn. Joldyń uzyndyǵy 243 shaqyrymdy quraıdy.

Kezdesý sońynda Qazaqstandaǵy EQQDB dırektory Agrıs Preımanıs QR IIDM-ge alǵysyn aıtyp, aldaǵy ýaqytta ózara yntymaqtastyń keńeıe túsetindigine senimin bildirdi.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar