Aımaqtar • 20 Qarasha, 2019

2020 jyly Soltústik Qazaqstanda 3000 páter paıdalanýǵa beriledi

76 retkórsetildi

Bıyldyń ózinde 2018 jylmen salystyrǵanda oblysta paıdalanýǵa beriletin páter sany byltyrǵydan ájeptáýir artyq ekeni belgili boldy. Oblystyq ákimdiktiń otyrysynda osy másele naqty aıtylyp, 2018 jyly 2068 páter paıdalanýǵa berilgeni eske alyndy. Bul – shamamen 200 myń sharshy metr turǵyn úı degen sóz.

Al bıyl jyl aıaǵynda 2240 páterdiń qurylysy aıaqtalmaqshy. Bul – 235 myń sharshy metr turǵyn úı degen sóz. Al 2020 jylǵa oblys 2842 páter turǵyzyp, turǵyndardy qýanyshqa bólemekshi. Onyń aýmaǵy 254 myń sharshy metr bolady. Osynyń ózinen oblysta áleýmettik salaǵa degen nazardyń joǵary ekenin kórýge bolady.

Otyrysta aıtqan sózinde oblys ákimi Qumar Aqsaqalov 2020 salynatyn páter sanyn 3000-ǵa deıin jetkizýge bolatynyn atap ótti. Qarjylyq múmkinshilikter men turǵyn úıge degen turaqty suranys úsh myń páterge deıin úı salý qajettiligin týdyrady dedi ol.

Aıta ketetin jaıt, ıpotekalyq turǵyn úıge degen suranys byltyrǵy jylmen salystyrǵanda 32%-ǵa artyp otyr. “7-20-25” baǵdarlamasy boıynsha oblysta 701 ótinim qabyldanyp, onyń 468-i qoldaý tapqan.

«Áleýmettik áljýaz topqa biz 482 páter turǵyzdyq. Sonyń 124-i, ıaǵnı 30% biz kóp balaly otbasylarǵa berdik. Osylaısha, biz aldymyzdaǵy úsh jylda osy kategorııadaǵy azamattar úshin turǵyn úı problemasyn sheshetin bolamyz» dedi Qumar Aqsaqalov óziniń qorytyndy sózinde. 

 

Soltústik Qazaqstan oblysy 

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar