Qoǵam • 22 Qarasha, 2019

Erlikti el bilýi tıis!

38 retkórsetildi

Arystaǵy jarylys – táýelsiz Qazaqstan tarıhynda eldik pen erlik synǵa túsken sát edi. Maýsymnyń jaıma-shýaq tańyndaǵy alasapyran sátte biz talaı otandasymyzdyń erlik jasaǵanyna, halyqtyń judyryqtaı jumyla bilgenine kýá boldyq. Men de azamattyń azamattyǵy kóringen oqıǵaǵa sol kúni kýá bolǵanymdy bóliskim keledi.

Jadyraǵan jaz kelip, el ar­qasyn keńge salǵan sát edi. Biz, bir top demalýshylar 23 maýsym kúni túnde «Arys» shıpajaıyna» kelip jaıǵastyq. Erteńine, 24 maýsym kúni tańǵy astan soń dárigerge kirip, árkim óz emin alýǵa kezekte turǵanbyz. 160-qa jeteǵabyl adam edik. Sol kezde gaz ballony eki ret jarylǵandaı dybys estidik. Bizdi shıpajaı qyz­metkerleri tynyshtan­dy­ryp, jaı «gaz jarylǵan shy­ǵar» degen bolatyn. Alaıda, olaı bolmaı shyqty. Bir kezde gúr­sildep jarylǵan oq-dáriniń daýysy estile bastady, árıne biz soǵysty kórgen joqpyz, biraq jarylys dybysy kınolardan kórip-bilgenimizdeı anyq estildi. Ysqyrǵan oq pen snarıadtyń daýysy da qulaqqa jetti. Keıin bildik qoı, sol kúni Arys qala­synan 3 shaqyrym jerdegi áske­rı qoımada jarylys bolypty. Al biz shıpajaıda bolǵan kezimizde aınalaǵa birinen soń biri snarıadtar túsip, jarylyp jatty. Shıpajaı qyzmetkerleri demalýshylarǵa dalaǵa shyǵýdy buıyrdy. Aıaǵym, tizem dirildep, qoryqqannan 1 qabatqa túse alsamshy... Tóńirek tolǵan aıqaı-shý... Túk estilmeıdi.

Dalaǵa shyǵatyn esikti tap­­paı, shyńǵyryp aınala berdik. Bir kezde áıteýir dalaǵa shyǵatyn esikti taýyp, sna­rıadtyń dúmpýinen qıraǵan esiktiń shynysynyń astynan eńbekteı júrip, tysqa shyq­tyq. Dalaǵa shyǵyp arly-berli aıǵaılap júgirip júrgen sáti­mizde «Arys» shıpajaıy dırektorynyń orynbasary Meıirmanqul Bakırov «jertóle bar, soǵan tyǵylyńyzdar» dep bizdi janushyra jertólege bas­tady. Biz jertólege tyǵyldyq, syımaǵan adam sonyń mańaıynda turdy. Bir kezde jaqyn jerge snarıad tústi me, jertóleniń ishi qap-qara túnek bolyp ketti de, 50 shaqty áıel aıǵaılap, jertóle edenine qulaı berdik. Men sol 50 shaqty áıeldiń ishinde edim. Jantalasta bir-birimizdi taptap ketsek kerek, men búıirimdi jaralap aldym. Et qyzýmen bastapqy kezde jaraqatqa mán bergen de joqpyz. Jertóleniń tóbesi men edenin dirildete jarylyp jatqan snarıadtar odan saıyn záremizdi ushyrdy. Qasymyzda bolǵan Meıirmanqul aǵaı bir top adamdy mashınamen tasyp, qyrǵa aparyp tastady. Sóıtip birte-birte adamdardyń barlyǵyn tasyp, bárimizdi qyrǵa shyǵardy. О́ıtkeni «Bógen» sý qoımasyn jiberemiz dep jatyr, jertóle sýǵa tolady, shyǵyńdar» degen «buıryq» keldi. Qalǵan aza­mattardy sarbazdar temir garajǵa qamapty. Muny estigen Meıirmanqul Bakırov «Men olardy qutqaramyn» dep qaı­tadan janushyra shıpajaıǵa ketti. Sóıtip olardy garajdan shyǵaryp, birazyn tasyp, qyrǵa ákeldi. Qart kisiler, shyńǵyrǵan bala-shaǵa, eshkim eshkimdi tanymaıdy. Alasapyran ýaqyt. Aspanǵa qarasam qoıý qara bult torlap alypty. Arysta kóptegen úıge snarıad túsip, birqatarynyń esik-terezesin qıratyp jatty. Sóz basynda «soǵys kórgen joqpyz» dedim ǵoı, biraq beıbit kúnde tóbemizden snarıad jaýyp, úıler otqa oranyp jatsa, óziń ysyldaǵan oqtyń arasynan ázer aman-esen shyqsań, maıdan emeı nemene?! Alaıda, biz sol bir qysyltaıań shaqta ońtústik óńir turǵyndarynyń, sonyń ishinde Meıirmanqul Bakırov aǵamyzdyń bizge jasaǵan jaq­sylyǵy men qamqorlyǵyn jan-dúnıemizben sezindik. Erlikti kórdik.

Shıpajaı dırektory oryn­basarynyń 160-qa jaýyq adamdy evakýasııalaǵanyn kózimizben kórdik. Degenmen onyń óz basyn qaterge tige júrip, demalýshylar úshin qurbandyqqa barýǵa da daıar bolǵanyna taǵy bir oqıǵa naqty dálel bolady. Sol 24 maýsym kúni biraz adamdy tasyp, bizdi Shymkentke jetkizgen M.Bakırov snarıadtyń jaryqshaǵy aıaǵyna tıgen Tas­bolat aǵaı men balasy shı­pa­jaıda qalǵanyn estigen soń, janyn shúberekke túıip, qaıtadan Arysqa ketti. Qalada jarylys bolyp jatqanyna qaraǵan joq. Ári bir top demalýshylardy óz úıine ákelip, damyldatty. Úıdegi jeńgemiz de bizdi kúlimsireı qarsy alyp,  dastarqanyn jaıdy. Sodan soń Shymkenttegi «Saıahat»  qonaqúıine keldik. Qonaqúı ıeleri de qabaq shytqan joq. Bizdi eki kún boıy kútip, ketetin kezimizde árqaısymyzǵa 3 myń teńgeden bergeni bar. Biz osyndaı jany jomart jandarǵa qaryzdarmyz. Olarǵa alǵysymyz sheksiz. Ári «Arys» shıpajaıyna sol kún­deri demalýǵa barǵan 160-qa jýyq adamnyń ómirin qutqarǵan shıpajaı dırektorynyń orynbasary Meıirmanqul Bakırov myrzany memlekettik marapatqa usynamyz. Erlerdiń isin el bilýi tıis!

 

«Arys» shıpajaıynda demalǵan azamattar atynan

Baný О́MIRQULQYZY

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar