Prezıdent • 22 Qarasha, 2019

Q.Toqaev Shveısarııa Prezıdentimen shaǵyn quramda kelissóz júrgizdi

12 ret kórsetildi

Memleket basshysy Qasym-Jomart Toqaev Shveısarııa Prezıdenti Ýlı Maýrermen shaǵyn quramda kelissóz júrgizdi. Bul týraly Aqordanyń baspasóz qyzmeti habarlady. 

Ekijaqty kelissózderdiń aldynda «Aqorda» rezıdensııasynda Shveısarııa Prezıdentin saltanatty túrde qarsy alý rásimi ótti. Eki eldiń memlekettik ánurandary shyrqalǵannan keıin Qurmetti qaraýyl rotasynyń bastyǵy raport berdi. Memleketter basshylary Qurmetti qaraýyldy aralap ótip, shaǵyn quramda kelissóz júrgizý úshin rezıdensııanyń «Shyǵys zalyna» bardy.

Qasym-Jomart Toqaev Shveısarııany Qazaqstannyń Eýropadaǵy eń mańyzdy áriptesteriniń biri sanaıtynyn aıtty.

– Memleketterimiz arasynda barlyq sala boıynsha, ásirese ekonomıka baǵytynda tatý yntymaqtastyq ornaǵan. Shveısarııa Qazaqstan ekonomıkasyndaǵy mańyzdy ınvestorlardyń jáne negizgi saýda seriktesteriniń biri, – dedi Qazaqstan Prezıdenti.

Memleket basshysy Shveısarııa Prezıdentimen birge bıznes-delegasııa ókildiginiń de kelýi osy sapardyń mańyzyn arttyra túsetinin atap aıtty.

Ýlı Maýrer Qasym-Jomart Toqaevqa qonaqjaılyq kórsetkeni úshin rızashylyq bildirip, Qazaqstandy óz eliniń asa mańyzdy seriktesi retinde qarastyratynyn jetkizdi.

– Biz saıası qoldaý kórsetkenderińiz úshin shyn júrekten rızashylyq bildiremiz. Bizdiń maqsat-murattarymyz ortaq. Al ekonomıkalyq baılanystarymyzǵa keler bolsaq, sońǵy jyldary bul salanyń damý qarqyny artyp keledi. Bizdiń ózara sapar almasýymyz qarym-qatynastarymyzdy odan ári nyǵaıtýǵa septigin tıgizedi dep oılaımyn, – dedi Shveısarııa Prezıdenti.

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Uqsas jańalyqtar