Parlament • 22 Qarasha, 2019

Kásibı sportty damytýdy qoldaı otyryp, buqaralyq sporttyń rólin umytýǵa bolmaıdy - D.Nazarbaeva

10 retkórsetildi

Senat otyrysynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy eki oqylymda qaraldy. Bul týraly Senattyń baspasóz qyzmeti habarlady.

Zań jobasymen birqatar zańnamalyq aktilerge ózgerister men tolyqtyrýlar engiziledi.

Qosymsha baıandama jasaǵan senator Sergeı Ershov zań jobasynyń mańyzdy jańalyqtaryn aıtty:

- Paralımpıada oıyndarynyń chempıondary men júldegerleriniń tilegin eskere otyryp, olarǵa tómengi qabattarda nemese lıftileri bar turǵyn úılerden, al tirek-qozǵalys apparatynda derti bar Paralımpıada oıyndarynyń chempıondary men júldegerlerine ekinshi qabattan joǵary emes turǵyn úı alý quqyǵyn berý;

- dene shynyqtyrý jáne sport salasynda demeýshilik kómek kórsetý jónindegi saıasatty iske asyratyn Biryńǵaı operator qurylady. Biryńǵaı operator qyzmetiniń negizgi maqsaty dene shynyqtyrý men sportty turaqty damytýdy qamtamasyz etý bolyp tabylady.

Zań jobasy sondaı-aq negizgi maqsaty sýrdlımpıadalyq sport túrleri boıynsha múgedek sportshylar arasynda dene shynyqtyrý men sportty damytýǵa járdemdesý bolyp tabylatyn Ulttyq sýrdlımpıadalyq komıtettiń mártebesi men ókilettigin kúsheıtýdi kózdeıtin jańa «Ulttyq sýrdlımpıadalyq qozǵalys» babymen tolyqtyryldy.

Bıýdjet kodeksine túzetý Ulttyq paralımpıadalyq komıtetke dene shynyqtyrý jáne sport salasy boıynsha memlekettik tapsyrma alý jáne oǵan qatysý quqyǵyn berýdi kózdeıdi.

Ákimshilik quqyq buzýshylyq týraly kodekske dopıngke qarsy erejelerdi buzǵany úshin adamdardyń jaýapkershiligin kúsheıtý bóligine tolyqtyrýlar engiziledi. Osylaısha, jattyqtyrýshynyń, jattyqtyrýshy-oqytýshynyń, sporttyq medısına jónindegi mamannyń jáne (nemese) sportshyǵa qatysty sportta tyıym salynǵan sýbstansııalardy jáne (nemese) tyıym salynǵan ádisterdi paıdalanatyn dene shynyqtyrý jáne sport salasyndaǵy ózge de mamannyń dopıngke qarsy erejelerdi buzǵany úshin jaýapkershilik belgilenedi.

Senator Vladımır Volkov keıbir statıstıkalyq málimetterdi keltire otyryp, 2014 jyldan bastap 29 sport túri boıynsha 116 qazaqstandyq sportshy jáne 1 jattyqtyrýshy dopıngke qarsy erejelerdi buzǵany úshin shettetilgenin aıtty. «Qazirgi jáne bolashaq sportshy urpaqtyń úmitin aqtamaǵandar ol úshin jaýapkershilikke tartylýy tıis. Ázirge tek ákimshilik jaýapkershilik bolǵany ókinishti», - dedi senator. Depýtat sondaı-aq qazaqstandyq sportshylardyń 2020 jylǵy jazǵy Olımpıada oıyndaryna qatysý úshin alǵan lısenzııalary sanyna alańdaýshylyq bildirdi. Qazir sporttyń 12 túri boıynsha barlyǵy 28 lısenzııa alǵan. О́tken Olımpıadaǵa daıyndyqtyń osy kezeńinde olar 50 bolǵan edi.

Sáýle Aıtpaeva múmkindigi shekteýli jandarǵa arnalǵan jattyqtyrýshylar men sport klýbtarynyń jetispeýshiligine nazar aýdardy. Senator Serik Jaqsybekov olımpıadalyq emes sport túrlerin damytý jáne dene shynyqtyrýdy nasıhattaýǵa tıisti kóńil bólý qajettigin atap ótti.

Joǵarǵy palata basshysy senatorlarǵa qoldaý bildirdi. Darıǵa Nazarbaeva ákimdikterdi buqaralyq sportpen aınalysý úshin qajetti ınfraqurylym qalyptastyrýǵa shaqyrdy. «Men kásibı sportqa kóńil bólý kerektigin túsinemin, bizdiń elimizdiń týy álemdik kóptegen arenalarǵa keńinen taralǵanyn qalaımyz, degenmen buqara halyqty jáne buqaralyq sporttyń rólin umytýǵa bolmaıdy. Jergilikti jerlerdegi óńirlik klýbtardy qarjylandyrý sııaqty, ony da saralaı otyryp, túsinip alý kerek. Oǵan máslıhattardy iske qosý kerek», - dep atap ótti Senat Tóraǵasy.

Jan-jaqty talqylaýdan keıin senatorlar dene shynyqtyrý jáne sport máseleleri jónindegi zańnamaǵa túzetýlerdi qabyldady.

Sońǵy jańalyqtar

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Jas otbasylar baspanaly boldy

Aımaqtar • 13 Jeltoqsan, 2019

Almatynyń karateshileri qarsylas shydatpady

Sport • 13 Jeltoqsan, 2019

Uqsas jańalyqtar