Úkimet • 24 Qarasha, 2019

B.Nurymbetov Qostanaı oblysynyń turǵyndaryna Prezıdenttiń Joldaýyn túsindirdi

79 retkórsetildi

Premer-Mınıstrdiń orynbasary Berdibek Saparbaevtyń Qostanaı oblysyna jumys sapary aıasynda Eńbek jáne halyqty áleýmettik qorǵaý mınıstri Birjan Nurymbetov «Eńbek» Memlekettik baǵdarlamasynyń qatysýshysymen kezdesip, Fedorov aýdanynyń halyqty jumyspen qamtý ortalyǵynda boldy. О́tken kezdesýler barysynda Eńbek mınıstriniń basshysy Prezıdent Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirdi, sondaı-aq jumyssyzdardy memlekettik qoldaý sharalary týraly egjeı-tegjeıli aıtyp berdi. Bul týraly Eńbek jáne halyqty áleýmettik qorǵaý mınıstrlginiń baspasóz qyzmeti habarlady.

Jumys sapary barysynda Eńbek mınıstriniń basshysy Memleket tarapynan qarjylaı kómek alyp, óz isin belsendi damyta bastaǵan Eńbek jáne Nátıjeli jumyspen qamtýdy damytýdyń jappaı kásipkerlikti damytý memlekettik baǵdarlamasyna qatysýshylarǵa erekshe nazar aýdardy.

Osylaısha, Birjan Nurymbetov óńirge kelgennen soń eń aldymen , 7,5 mıllıon teńge kóleminde mıkroredıt alyp ashqan jalǵyzbasty ana Elena Shýlganyń kosmetologııalyq salonyna bardy. Ol kedeıliktiń shegin eńserip qana qoımaı, salonda manıkıýr sheberleri bolyp jumys isteıtin eki adamdy jumyspen qamtamasyz etip otyr.

«Sizder «Eńbek» memlekettik baǵdarlamasynyń múmkindikterin paıdalanýdyń óte jaqsy úlgisin kórsetip otyrsyzdar. Siz jeke bıznesińizdi keńeıtip qana qoımaı, sonymen qatar buryn turaqty tabysy bolmaǵan eki otbasyna turaqty jumys pen jaqsy tabys berip otyrsyz. Bul memlekettik baǵdarlamaǵa qatysýshy óz isin damytyp, basqalarǵa jumys usynýynyń jarqyn mysaly. Men jumyssyzdardy memleket berip otyrǵan múmkindikterdi paıdalanýǵa shaqyramyn. Bıznes ár adamnyń qolynan keledi», dep atap ótti Birjan Nurymbetov.

Fedorov aýdanynyń halyqty jumyspen qamtý ortalyǵynyń qyzmetkerlerimen jáne «Eńbek» Memlekettik baǵdarlamasynyń qatysýshylarymen áńgimelesý barysynda, Birjan Nurymbetov Memleket basshysynyń Qazaqstan halqyna Joldaýynda aıtylǵan kópbalaly analardy mıkro jáne shaǵyn bızneske tartý jónindegi tapsyrmasyn iske asyrý úshin joǵaryda kórsetilgen baǵdarlamaǵa ózgerister engiziletinin habarlady.

«Jańa bıznestiń turaqtylyǵyn qamtamasyz etý úshin kóp balaly otbasylardyń jobalaryna mıkrokredıt berý merzimin uzartý usynylady. Nesıeni óteý kezinde qarjylyq aýyrtpalyqty azaıtý úshin nomınaldy paıyzdyq mólsherlemeni tómendetýdi usynamyz. Jetkilikti kepildik qamtamasyz etilmegen otbasylar úshin aýyldar men qalalarǵa bólinbesten bir operator arqyly mıkrokredıtterge kepildik berý tetikterin keńeıtý josparlanýda», dedi mınıstr.

Eske sala keteıik, buǵan deıin Birjan Nurymbetov Almaty, Shymkent qalalary men Shyǵys Qazaqstan, Qaraǵandy, Atyraý, Batys Qazaqstan, Túrkistan, Aqtóbe, Pavlodar, Aqmola, Almaty Soltústik Qazaqstan oblystarynda Qazaqstan Respýblıkasy Prezıdentiniń Qazaqstan halqyna Joldaýyn túsindirgen bolatyn.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar