Aımaqtar • 24 Qarasha, 2019

Atyraýda munaı salasy mamandaryn daıarlaý ortalyǵyna Nurlan Balǵymbaevtyń esimi berildi

57 retkórsetildi

23 qarashada Atyraýda Nurlan Balǵymbaev atyndaǵy  Damý jáne kommýnıkasııalar ortalyǵy ashyldy. Mundaı ortalyq TMD elderinde tek Reseıdiń eki qalasynda ǵana bar, dep habarlady Atyraý oblysynyń О́ńirlik kommýnıkasııalar qyzmeti.

S.О́tebaev atyndaǵy Atyraý munaı jáne gaz ýnıversıtetiniń janynan ashylǵan úsh qabatty  oqý ortalyǵy  zamanaýı ıgiliktermen, aqparattyq resýrstarmen jabdyqtalǵan jáne stýdentterdi munaı-gaz salasyndaǵy tájirıbeden ótkizýge baǵyttalǵan.

Ashylý saltanatynda dástúrli qyzyl lentany Nurlan Balǵymbaevtyń jubaıy Naǵıma Balǵymbaeva, Atyraý oblysynyń ákimi Nurlan Noǵaev, KAZENERGY qaýymdastyǵy tóraǵasynyń orynbasary Uzaqbaı Qarabalın, Energetıka mınıstrliginiń birinshi vıse-mınıstri Mahambet Dosmuhambetov qıdy.

-Bıyl biz Qazaqstan munaıynyń 120 jyldyǵyn atap óttik.  Bul munaıshylardyń   orasan eńbegi.  Táýelsizdik alǵannan keıin Qazaqstan ekonomıka salasyn  jedel damyta bastady. Osy qıyn-qystaý kezeńde azamattarymyzdyń bastan ótkergenderiniń alǵashqysy  -   aıqyn perspektıvalardyń joqtyǵy, ekonomıka men saıası júıeniń kúıreýi edi. Elge ınvestısııalar, jańa tehnologııalar tartý qajet boldy. Qazaqstannyń Tuńǵysh Prezıdenti, Elbasy Nursultan Nazarbaevtyń ynta-jigeriniń arqasynda eldiń ekonomıkasy álemdegi eń qarqyndy damyp kele jatqan ekonomıkalardyń biri mártebesine kóterildi, dedi Nurlan Noǵaev. 

-Elbasy el ekonomıkasyna ınvestısııa sala bastaǵan iri kompanııalardyń kepili boldy.  Munaı-gaz salasyndaǵy elge kelgen alǵashqy kompanııalardyń biri - osy kúnge deıin álemdegi eń iri Teńiz ken oryndarynyń birin ıgerip kele jatqan «Shevron» kompanııasy. Sol  jyldary Elbasynyń janynda senimdi kómekshileri boldy. Sonyń biri - Balǵymbaev Nurlan О́tepuly.  Onyń bilimi, biliktiligi, iskerligi ınvestorlardy  munaı-gaz salasynyń kemel bolashaǵyna sendire aldy.

Memlekettik basqarý jáne ekonomıka salasynda iri tulǵa retinde qalyptasqan Nurlan Balǵymbaev  barlyq bilimi men tájirıbesin eldiń órkendeýine arnaǵan.  Eńbek jolyn munaı salasyndaǵy qarapaıym jumysshy retinde bastap, biliktiligi men joǵary uıymdastyrýshylyq qabiletterin únemi jetildirýdiń arqasynda mansabynda aıtarlyqtaı bıikterge jetti. Ol Premer-Mınıstrdiń laýazymynda da asqan jaýapkershilikpen qyzmet atqardy.

-Men Nurlan О́tepulynyń otbasyna  onyń estelikterin saqtap, isin ári qaraı jalǵastyryp qana qoımaı, keleshekte munaı jáne gaz salasynda eńbek etetin  jas býyn mamandardy qoldaıtyn jobalardy júzege asyryp jatqandary úshin alǵys aıtqym keledi.  Baılanys ortalyǵy  naǵyz kásibı mamandardy daıarlaıtyn oqytý ortalyǵyna aınalady dep senemin.  Atyraý oblysynda munaı-gaz salasyndaǵy eń iri jobalar júzege asyrylýda.  Atyraý munaı jáne gaz ýnıversıtetinen bilim alyp, osy jobalarda eńbektenetin jas kadrlar joǵary baǵalanady, dedi N. Noǵaev. 

-Mundaı zamanaýı tehnologııamen jabdyqtalǵan ortalyqtyń ashylýy ýnıversıtet úshin úlken kómek. Sonymen qatar bul ýnıversıtet basshylyǵy men oqytýshylarǵa erekshe jaýapkershilik júkteıdi.

S.О́tebaev atyndaǵy Atyraý ýnıversıtetiniń dırektorlar keńesiniń tóraǵasy, KAZENERGY qaýymdastyǵy tóraǵasynyń orynbasary Uzaqbaı Qarabalın Nurlan Balǵymbaevtyń Qazaqstandaǵy munaı-gaz salasyn damytýǵa qosqan úlesi týraly aıtty.

-Ol ómirinde qıyn kezeńderdi bastan keshirdi. Soǵan qaramastan óziniń eńbekterimen jáne bilimimen táýelsiz Qazaqstannyń  damýyna úlken úles qosty.  Onyń esimi árdaıym júregimizde saqtalatyn bolady.  Búgingi is-shara, Munaı jáne gaz ýnıversıtetinde kommýnıkasııalyq ortalyqtyń ashylýy - sonyń aıqyn dáleli.  Bul zamanaýı oqý ortalyǵy qazirgi jas urpaqtarǵa qajet kásibı bilim alýǵa jáne elimizdiń ıgiligi úshin jumys isteýge múmkindik beredi, dedi U.Qarabalın.

Sondaı-aq atalǵan sharada Energetıka mınıstrliginiń birinshi vıse-mınıstri, «Atameken» UKP munaı jáne gaz ónerkásibi komıtetiniń tóraǵasy, «QazMunaıGaz», TShO, NKOK ókilderi men munaı salasynyń ardagerleri sóz sóıledi.

Ashylý saltanaty sońynda  shaqyrylǵan qonaqtar ǵımaratty  aralap, ortalyqtyń múmkindikterimen jete tanysty. Munda stýdentterge arnalǵan  ınteraktıvti kitaphana jáne  oqý zaly bar.  Ortalyqtyń ınteraktıvti  kitaphanasyn paıdalanýshylar Gýbkın atyndaǵy  Reseı munaı jáne gaz ýnıversıtetiniń elektrondy resýrstaryna qol jetkize alady. Sonymen qatar Atyraý ýnıversıtetiniń stýdentteri sý astyndaǵy qubyrlardy dánekerleý úshin vırtýaldy rejımde tájirıbeden óte alady.  Budan buryn Qashaǵan jobasynda sý astyndaǵy qubyrlardy dánekerleýdi sheteldik mamandar  júzege asyrsa, endigide ortalyq   atalǵan mamandyqty atyraýlyq jastarǵa úıretetin bolady.

Joba avtorlary atap ótkendeı,  mundaı ortalyqtar TMD elderinde tek Gýbkın atyndaǵy  Reseı memlekettik munaı jáne gaz ýnıversıteti men «Innopolıs» ýnıversıtetinde ornalasqan. Biraq Atyraýdaǵy ortalyq  zamanaýı tehnologııalarmen jabdyqtalý turǵysynan áldeqaıda basym túsedi.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar