Parlament • 25 Qarasha, 2019

Birlesken jobalardyń áleýeti zor

14 retkórsetildi

Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Serik Jaqsybekov Kanada Premer-mınıstriniń Eýropalyq odaq jáne Eýropa jónindegi arnaýly ýákili – Kanadanyń Germanııadaǵy elshisi S. Dıonmen kezdesti, dep habarlady Senattyń baspasóz qyzmeti.

Taraptar ekijaqty yntymaqtas­tyqty nyǵaıtýdyń keleshegin talqy­lady. S.Jaqsybekov joǵary saıası deń­geıde ózara saparlardy pysyq­taıtyn ýaqyt kelgenin atap ótti.

Senattaǵy Kanadamen ynty­maq­tastyq jónindegi toptyń jetekshisi parlamentaralyq únqatysýdy odan ári údetý týraly aıta kelip, kanadalyq parlamentshiler delegasııasynyń 2017 jylǵy qańtardaǵy saparyna rızashylyǵyn bildirdi jáne Qazaqstan par­lamenttik delegasııasynyń Kana­daǵa saparyn pysyqtaý qajet­tigine toqtaldy.

Serik Jaqsybekov Parlament Senat­y­­nyń róli men qyzmeti týraly habar­dar etip, búgingi tańda Qazaqstan Par­la­men­tin­de 36 depýtat áıel bar ekenin jetkizdi.

Taraptar keleshekte saýda-ekono­mı­kalyq qatynastardy nyǵaıtý máselelerin talqylady. Senat komı­tetiniń basshysy kanadalyq bız­nes­­tiń bizdiń ekonomıkamyzǵa baryn­sha belsendi túrde qatysýyna Qazaq­stannyń múddeli ekenin atap ótti. 2019 jyldyń qańtar-tamyz aılarynda eki el arasyndaǵy taýar aınalymy 344 mln dollardy qurady, bul ótken jylǵy osy merzimmen salystyrǵanda 2 eseden kóp.

Serik Jaqsybekov Kanadamen halyq­aralyq arenada, onyń ishinde BUU, EQYU, IYU jáne basqa da halyq­aralyq forýmdar aıasynda belsen­di yntymaqtastyqqa daıyn ekendi­gin atap ótti. Ol Qazaqstannyń bitimger­shilik áleýeti edáýir ulǵaıǵanyn, damýǵa resmı kómektiń ulttyq júıesi qurylǵanyn aıtty. Nıý-Iorkte BUU Bas Assambleıasynyń alańynda Pre­zıdent Q.Toqaev bizdiń elimizde Or­nyqty damý maqsattaryn ilgeriletý jó­nin­degi óńirlik ortalyq qurýdy usyn­ǵan bolatyn. «Osy salalarda tá­jirıbe almasý men Kanadamen birles­ken jobalardy iske asyrýdyń áleýeti zor dep sanaımyz», – dedi senator.

S.Dıon bul sapar ekijaqty qarym-qatynastardy nyǵaıtýǵa yqpal ete­tinin atap ótti. Ol BUU Qaýipsizdik Keńe­siniń turaqty emes múshesi retinde halyq­aralyq qaýipsizdikti nyǵaıtýǵa Qazaqstannyń qosqan qomaqty úlesin atap ótti. «2021-2022 jyldary osy laýazymǵa biz laıyqty murager bolamyz dep úmittenemin», dedi Kanada Premer-mınıstriniń Eýropalyq odaq jáne Eýropa jónindegi arnaýly ýákili.

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar