Aımaqtar • 27 Qarasha, 2019

Pavlodarda 13 kósheniń atyn ózgertý usynyldy

24 retkórsetildi

Bul habar qala kóshelerin qaıta ataý máselesi boıynsha ótken kópshilikti tyńdaý otyrysynda aıtyldy. 

Qala ataýyn da ótken tarıhqa úńiltip, úńildirip, qazaqy ataý berýge oraltqanymyz - paryz.

Tyńdaýǵa qoǵamdyq keńes músheleri, Qurmetti azamattar, ardagerler, qala turǵyndary, qalalyq máslıhat depýtattary, atqarýshy organ jáne BAQ ókilderi shaqyryldy.

Qala ákiminiń orynbasary Svetlana Gladysheva kóshe ataýlaryn ózgertý boıynsha túsken usynystardy atap ótti.

S.Toraıǵyrov atyndaǵy ýnıversıtet ǵalymdary Dımıtrov kóshesin – Júsipbek Aımaýytov, 1 Maı – Máshhúr Júsip, Karl Marks – Álıhan Bókeıhan, Kırov – Ermahan Bekmahanov, Korolenko – Buqar jyraý, Bestýjev – Shákárim Qudaıberdiuly ataýlaryna aýystyrý týraly.

Sondaı-aq Volodarskıı kóshesin – Jeltoqsan, Bolshaıa Obezdnaıa – Jibek joly dep ataý, qalalyq zııaly qaýym ókilderinen Krýpskaıa kóshesin – Edige bı, Chkalov kóshesin – Saǵadat Nurmaǵambetov atyna berý, oblystyq Ardagerler keńesinen Pahomov kóshesin – Qabdesh Nurkın atymen ataý týraly.

- Oblys, qala ákimderiniń atyna túsken bul ótinishterdi qarastyrý úshin barlyq qujattar qalalyq máslıhatqa jiberildi. Ideologııalyq turǵydan eskirgen kóshe ataýlaryn aýystyrý memleketimizdiń qalyptasýyna úlesin qosqan tarıhı tulǵalarymyzdyń esimin jańǵyrtýǵa múmkindik beredi. О́zge ult ókilderi de tarıhı tulǵalarmen tanysa alady,  - deıdi Svetlana Gladysheva.

Mysaly, qaladaǵy №17 mekteptiń muǵalimi Aleksandr Dosıýk Korolenko kóshesine Buqar jyraý atyn berýdi qoldaıdy.

- Buqar  jyraý ǵana emes, Abylaı hanǵa aqyl aıtqan. Han onyń aqylyn tyńdaǵan, - dep  tarıhı  tulǵalar jaıly biletinin baıqatty.

Sóıtip, tyńdaý nátıjelerin eskere kele, qalalyq máslıhattyń turaqty komıssııalarynyń 8 depýtaty bir aýyzdan sheshimdi qoldap, daýys berdi.

Endi tıisti qujattar respýblıkalyq onomastıkalyq komısııanyń qaraýyna jiberiledi.

 

Pavlodar oblysy

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Uqsas jańalyqtar