Aımaqtar • 27 Qarasha, 2019

Qostanaıda 30 kóp balaly otbasyǵa arendalyq páter berildi

20 retkórsetildi

Beriletin arendalyq páterler Qostanaıdyń ár jerinde ornalasqandyqtan, qala ákimi Qaırat Ahmetov kiltti ákimdikte tapsyrdy.

– Tuńǵysh Prezıdent Nursultan Nazarbaevtyń «Áleýmettik qamqorlyq» dep atalatyn áleýmettik sharalar keshenin júzege asyrý maqsatynda Qostanaı qalasynda turǵyndardyń áleýmettik áljýaz bóligin baspanamen qamtamasyz etý baǵytynda jumystar júrgizildi. Mine sonyń arqasynda kóp balaly 30 otbasyna páter kiltin tapsyrǵaly otyrmyz,- dedi Qaırat Jumashuly.

Kóp balaly otbasylarǵa berilgen páterlderdiń barlyǵy da tender arqyly qaladaǵy ekinshi naryqtaǵy úılerden satyp alyndy. Bul páterler qazirgi quqyqtyq-normatıvtik qujattar boıynsha eshkimniń jeke menshigine ótpeıdi, biraq alǵan otbasylar qansha qalasa sonsha tura alady.

«Biz onshaqty jyldan beri páterden páterge kóshtik, sońǵy jyldary jataqhanada turdyq. Endi óz baspanamyz bolady, qýanyshtymyz. Elbasyna alǵysym sheksiz!» deıdi tórt balanyń anasy Laýra Jýhına. Qostanaıda taǵy da jyl aıaǵyna deıin 15 otbasy osyndaı arendalyq baspana alatyn bolady. Demek Qostanaıda 2019 jyly kóp balaly 97 otbasy páterge ıe bolady. Qala ákimi Qaırat Ahmetovtyń aıtýyna qaraǵanda, úsh jyldyń ishinde kóp balaly otbasylardyń baspanaǵa turǵan kezegi jabylady, al jyl basynan beri páter kezeginde turǵandar sany 300 bolǵan edi.           

 

Qostanaı

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar