Qoǵam • 29 Qarasha, 2019

Prezıdentimiz qýantty, mınıstrimiz muńaıtty...

663 retkórsetildi

S.Muqanov atyndaǵy Qyzyljar qazaq sazdy-drama teatry Táýelsizdik jyldarynda boı kóterip, qalyptasqan ujym. Ol qazir oblystyq qana emes, respýblıkalyq, halyqaralyq sahnalarda óner kórsetip, úzdik nátıjelerge qol jetkizip júr.

Máselen, 2018 jyly rejısser Farhat Moldaǵalı Mádenıet jáne óner salasyndaǵy joǵarǵy jetistikteri úshin «Qazaqstan Respýblıkasy Tuńǵysh Prezıdenti – Elbasy Qory» syılyǵynyń laýreaty atandy. Halyqaralyq teatr kúnine oraı «Qazaqstan teatrlar assosıasııasy» uıymdastyrǵan «SAHNAGER-2018» Ulttyq teatr syılyǵy boıynsha «Úmit» nomınasııasyn jas akter Aıbol Qasym jeńip aldy. Teatr ujymy Túrkııanyń Kastamoný jáne Ankara qalalarynda qazaqtyń kórnekti aqyny Maǵjan Jumabaevtiń 125 jyldyq mereıtoıyna arnalǵan saltanatty jıynda óner kórsetip qaıtty. VI halyqaralyq «Samǵaý» teatr festıvalinde «ÚZDIK REJISSÝRA» nomınasııasyn jeńip alyp, araǵa apta salmaı II dúnıejúzilik «Astana» teatr festıvalinde de óner kórsetip, álemdik teatr qaıratkerleri men teatr synshylarynyń joǵarǵy baǵasyn aldy. Sondaı-aq V Halyqaralyq oryndaýshylyq óner festıvalinde «86» (soundrama) spektaklimen óner kórsetti. Dál osy spektaklmen Rýmynııanyń Býharest qalasynda ótken «Fest in pe Bulevard» halyqaralyq festıvaline qatysty...

Al bıyl Rústem Esdáýletov atyndaǵy II respýblıkalyq teatr festıvaline «Sholpannyń kúnási» spektaklimen qatysyp, «Úzdik spektakl» Gran-prı júldesin jáne 1 mln teńgelik sertıfıkatty jeńip aldy.

Arnaıy shaqyrtýmen Qyrǵyzstannyń Osh qalasynda «ART-ORDO» VII Halyqaralyq teatr festıvaline M.Áýezovtiń «Qaragóz» soundrama janryndaǵy spektaklimen qatysyp, II oryn aldy, al Qaragóz rólin somdaǵan teatrdyń daryndy jas aktrısasy M.О́serbaeva «Eń úzdik áıel róli» nomınasııasyn qanjyǵasyna baılady.

Alaıda óner ujymynyń ózindik problemalary da kóp eken. Biz teatrdyń úzdik rejısserlarynyń biri Bolat Shambetovpen kezdeskende ol Prezıdent Q.Toqaevtyń Joldaýynda aıtylǵan mádenıet qyzmetkerleriniń jalaqysyn kóterý týraly tapsyrmasyna yrzalyǵyn bildire otyryp, biraq ony Mádenıet jáne sport mınıstrliginiń ala-qula jasaıtyndyǵyna qynjylys bildirdi.

- Bizde jas akterler turaqtaı almaıdy. Onyń negizgi sebebi - jalaqynyń tómendigi. Oqý bitirip kelgen jastar páterlerde ózderi qarajat tólep turady. Alatyn eńbekaqysy mardymsyz, onyń da negizgi bóligin páteraqyǵa tóleýge májbúr. Sosyn ketpegende qaıtsin? Qanshama ter tógip, daıyndaǵan spektaklderimiz akterlerimiz ketip qalǵan soń sahnaǵa shyǵa almaı qalady. Aımaqtaǵy teatr akterleriniń eńbekaqysy 35 paıyzǵa kóbeıtiledi eken. Sony bólip-jarmaı, respýblıkalyqtarmen birdeı 50 paıyzǵa kóterýge bolatyn edi ǵoı. «Jaqsylyq qylsań – bútin qyl» degen emes pe? Bizdiń alatynymyz jáı da 70-80 myńnan aspaıtyn. Eń soraqysy, tehnıkalyq qyzmetkerlerdiń eńbekaqysyn kótermeý bolyp otyr. Olardyń asqazandary da toqtyqty talap etpeı me, álde otbasylyq shyǵyndary tómendep jatyr ma? Bul ne degen ádiletsizdik?! Eshqaısynyń da jarytyp aqsha kórgeni shamaly edi ǵoı. Mysaly, bizde kostıýmer degen qyzmet bar. Onyń mindeti teatrdaǵy barlyq 23 akterdiń kostıýmin daıyn etip turý. Shtattyq keste boıynsha kómekshisi de bolýy kerek edi, biraq onyń mardymsyz jalaqysyna eshkim de kelmedi. Mine, osyndaı qyzmetkerlerdiń de eńbegi elenbeı otyrǵanyna qynjylasyń.

Mine, solaı, Prezıdentimiz qýantsa, mınıstrimiz muńaıtty... Alaıda osyny mınıstrlik eskerip, ádiletti sheshim shyǵarar degen úmitimiz sóngen joq, - deıdi rejısser Bolat Shambetov.

 

Qyzyljar

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar