Qazaqstan • 29 Qarasha, 2019

Elbasy Ortalyq Azııa memleketteri basshylarynyń ekinshi Konsýltatıvtik kezdesýine qatysty

18 retkórsetildi

Shaǵyn quramdaǵy kezdesý qorytyndysy boıynsha tórt eldiń basshylary Nursultan Nazarbaevqa Ortalyq Azııa memleketteri basshylarynyń Konsýltatıvtik jınalysynyń qurmetti tóraǵasy mártebesin berý týraly sheshim qabyldady. Bul týraly Tuńǵysh Prezıdenttiń baspasóz qyzmeti habarlady. 

Shaǵyn quramdaǵy kezdesýden keıin delegasııa basshylary keńeıtilgen formatta kezdesý ótkizdi.

Konsýltatıvtik kezdesýde sóılegen sózinde Qazaqstannyń Tuńǵysh Prezıdenti joǵary deńgeıdegi sharaǵa qatysýǵa shaqyrǵany úshin Shavkat Mırzııoevke rızashylyǵyn bildirdi.

Nursultan Nazarbaev ótken jyly Qazaqstannyń astanasynda bastaý alǵan dıalog Ortalyq Azııa tarıhynyń jańa paraǵyn ashqanyn atap ótti.

 Ol yntymaqtastyǵymyzdy túbegeıli jaqsartty. Dıalog bizdiń elderimiz úshin dostyǵymyzdyń ǵasyrlar boıy ómir súretindigin ańdatty. Barlyq deńgeıdegi baılanystardy kúsheıtý bastaldy, – dedi Elbasy.

Nursultan Nazarbaev sondaı-aq Ortalyq Azııa elderi arasyndaǵy yntymaqtastyqtyń damý tarıhy týraly aıtty.

Kezdesýge qatysýshy memleketterdiń áleýetin biriktire otyryp, barlyq elderdiń ál-aýqatyn arttyrý maqsatymen Qazaqstannyń Tuńǵysh Prezıdenti «HHI ǵasyrda Ortalyq Azııany damytý maqsatyndaǵy tatý kórshilik jáne yntymaqtastyq týraly kelisim» jasasýdy usyndy.

– Bul saıası qujat bizdiń ózara is-qımylymyzdyń negizgi prınsıpteri men maqsattaryn kórsetýi kerek. Kelisimge elderimizdiń egemendigi, táýelsizdigi men aýmaqtyq tutastyǵyn ózara qurmetteý týraly erejeler enedi, –  dedi Nursultan Nazarbaev.

Sonymen qatar, Elbasy óńirdegi qaýipsizdikti nyǵaıtý úshin kelesi jyly Ortalyq Azııa elderiniń Qaýipsizdik keńesi hatshylarynyń kezdesýin ótkizýdi usyndy.

Sonymen birge, Qazaqstannyń Tuńǵysh Prezıdenti qatysýshy elderdiń úkimetterin demografııalyq damýdyń joǵary qarqynyna baılanysty týyndaǵan problemalarǵa nazar aýdarýǵa shaqyrdy.

– Taýarlardyń, qyzmetterdiń jáne kapıtaldyń qozǵalysyna tosqaýyl bolatyn kedergilerdi alyp tastaý arqyly «kedergisiz Ortalyq Azııany» qalyptastyrý kerek, – dedi Nursultan Nazarbaev.

Sondaı-aq, Elbasy barlyq memleket basshylaryna 15 naýryzda jańa mereke – Ortalyq Azııa kúnin atap ótýge shaqyrdy.

Mádenı-gýmanıtarlyq saladaǵy yntymaqtastyqty nyǵaıtýǵa erekshe nazar aýdaryldy. Osy baǵytta Nursultan Nazarbaev Qazaqstannyń eń úzdik joǵary oqý oryndarynda ár eldiń stýdentterine 10 granttan bólýdi usyndy.

 Túrki áleminiń besigi – Túrkistan qalasy qazir qaıta órkendeýdi bastan keshirýde. Dese de, ol óziniń mádenı, tarıhı jáne rýhanı ózegin saqtaıtyny sózsiz. О́z kezeginde qala barshamyzdyń ortaq  maqtanyshymyzǵa aınalatyn keremet megapolıke aınalmaq. Osyǵan oraı, Ortalyq Azııanyń baýyrlas memleketteriniń basshylaryn kelesi kúzde osy kóne qalaǵa shaqyramyn, – dedi Qazaqstannyń Tuńǵysh Prezıdenti.

Sóz sońynda Elbasy Ortalyq Azııa elderiniń muralary aıasyn keńeıtý jáne tereńdetý qajettigine toqtaldy.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar