Úkimet • 03 Jeltoqsan, 2019

Biz áleýmettik mańyzy bar azyq-túlik ónimderiniń ımportyna táýeldilikten arylýymyz qajet - A. Mamın

27 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda agroónerkásiptik keshendi memlekettik qoldaýdyń jańa tásilderi qaraldy. Bul týraly Premer-Mınıstrdiń baspasóz qyzmeti habarlady.

Aýyl sharýashylyǵy mınıstri S. Omarov, agrobıznes ókilderi I.Saýer, A.Rafalskıı ı A.Hodjanazarov, Almaty oblysynyń ákimi A.Batalov jáne Qostanaı oblysynyń ákimi A. Muhambetov baıandama jasady. 

AО́K salasynda jalpy kólemi 4,4 trln teńge bolatyn 113 ınvestısııalyq joba pysyqtalý jáne iske asyrylý ústinde. 2024 jylǵa qaraı eldiń qus etine (49%-y ımporttalady), shujyq ónimderine (39%), irimshik pen syr ónimderine (46,5%), alma (31,5%) men qantqa (57,3%) qajettiligin qamtamasyz etý maqsatynda ónerkásiptik sút-taýar fermalaryn, qus fabrıkalaryn, alma baqtaryn ashý, qant zaýyttaryn salý jáne jańǵyrtý josparlanǵan.

Osy ýaqytqa deıin memleket AО́K-ti jalpy kólemi 292 mlrd teńge bolatyn 47 sýbsıdııa túrimen qoldady, olar negizinen aýyl sharýashylyǵy óndirisiniń tabystylyǵyn qoldaýǵa baǵyttaldy. Agrarlyq salanyń sapaly damýyn yntalandyrý maqsatynda 2020 jyldan bastap AО́K-tiń eksporttyq áleýetin arttyrýǵa jáne ımport almastyrýǵa baǵdarlanǵan birqatar tıimsiz sýbsıdııalar alynyp tastalady, jańalary engiziledi. 

Jańashyldyqtar 2017-2021 jyldarǵa arnalǵan AО́K damytýdyń osyǵan deıin qabyldanǵan memlekettik baǵdarlamasyna saı keledi. Sýbsıdııalar tuqymdarǵa, tyńaıtqyshtar men pestısıdterge bólinedi. Sonymen qatar, agrarlyq saladaǵy ǵylymı-zertteý jáne tájirıbelik-konstrýktorlyq jumystardy sýbsıdııalaý engiziledi. О́zgerister sonymen qatar taýarlyq-arnaıy jáne ınvestısııalyq sýsbıdııalar tobyna qatysty bolady.

«Tuńǵysh Prezıdent – Elbasy N. Nazarbaev jáne Memleket basshysy Q. Toqaev birneshe ret atap ótkendeı, agroónerkásip kesheniń damytý ekonomıkany ártaraptandyrýdyń mańyzdy faktory bolyp tabylady. Bizdiń aldymyzǵa agroónerkásip keshenindegi eńbek ónimdiligin 2022 jylǵa qaraı 2,5 ese arttyrý mindeti qoıylǵan», dedi A.Mamın.

Úkimet basshysy ımportqa táýeldilikti azaıtý maqsatynda ishki óndiristi ulǵaıtý - aýyl sharýashylyǵyn damytý basymdyqtarynyń biri bolyp belgilengenin atap ótti.

«Josparlanǵan sharalardyń arqasynda aldaǵy 3-5 jyl ishinde respýblıkanyń ımportqa degen táýeldiligin joıyp, elimizdi barlyq áleýmettik mańyzy bar taýarlarmen tolyq qamtamasyz etýimiz qajet», dedi A. Mamın.

Premer-Mınıstr AО́K-tiń sýbsıdııalaý boıynsha bereshegin joıý sharalaryn qabyldaýdy tapsyrdy. 

Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar