Qoǵam • 04 Jeltoqsan, 2019

Balalar úıiniń tárbıelenýshileri aspazdyqty meńgerdi

48 retkórsetildi

Bizdiń qoǵam dál qasymyzda ata-analarynyń aıaly alaqany men tárbıesin kóre almaı ósip kele jatqan býynnyń da bary ekenin umytpaýǵa umtylyp keledi. Bir qýanarlyǵy, búgingi tańda osy baǵyttaǵy bastamalar legi kóbeıdi. Máselen, Qaganat jelisiniń brend-shefi balalar úıi men mektep-ınternattyń joǵary synyp oqýshylaryn kásipqoılyqpen dámdi as daıyndaýǵa úıretti.

Osylaısha, Qaganat qoǵamdyq tamaqtaný jelisi men «Aıala» qaıyrymdylyq qory aspazdyq sheberliktiń eki aılyq kýrsyn aıaqtap, Almaty oblystyq №1 balalar úıi men oblystyq №15 mektep-ınternatyn ómirge qulshyndyrǵan sátterge bóledi.

- «Aıala» qorymen birge balalar úıleri men mektep-ınternattardyń oqýshylaryn aspazdyq ónerge baýlý jobasyna qatysqanymyzǵa óte qýanyshtymyn. «Aıala» qory – bizdiń baıyrǵy seriktesimiz, sondyqtan onyń saraptamalaryna senemin. Eger bizdiń baǵdarlamanyń túlekteri kásipqoı maman atanyp, qoǵamdyq tamaqtaný salasynda eńbek etetin bolsa, men baqytty bolar edim», – deıdi «Qaganat» jelisiniń bas dırektory Chınara Býgımbaeva.

Mine, osylaısha brend-shef Marat Galeev 9-11 synyp oqýshylary úshin 8 aspazdyq dárisin ótkizdi. Shef-aspazdyń sheberlik dáristeri balalar úshin 2,5-3 saǵat boıy qyzyqty jáne túsinikti bolyp ótti. Marat Galeev aspazdyq kýrstarda balalar asa qıyndyqsyz óz betinshe daıyndaı alatyn taǵamdardy tańdaǵan. Árıne, jasóspirimder ustazdyń jetekshiligimen ózderi jaqsy kóretin taǵamdardy qosa ázirleýdi úırenip otyr.

Aspazdyq dárister márege jetken kezde №15 mektep-ınternattyń joǵary synyp oqýshylary BAQ ókilderimen, «Aıala» qorynyń qyzmetkerlerimen jáne Marat Galeevpen birge fýrshet taǵamdaryn daıyndady. Balalar úshin bul da úlken tájirıbe boldy. Ádettegideı brend-shef dámdi ári paıdaly tamaqtyń durys jáne tez ázirlenýin kórsetip qana qoımaı, fýrshettik mázirdiń qyr-syryn úıretti. Master-klass aıaqtalǵannan keıin balalar aspazdyq kýrstaryn aıaqtaǵany týraly sertıfıkattar aldy.

Osy bastamanyń arqasynda Almaty oblystyq balalar úıi men mektep-ınternattyń birneshe jasóspirimi bolashaqta kásibı aspaz bolýdy jáne osy baǵytta bilim alýdy jalǵastyrýǵa sheshim qabyldapty. Joba aıaqtalǵannan keıin Qaganat oblystyq balalar úıiniń eki balasyn bilimin jetildirýge kómektesýge daıyn ekendigin bildirdi.  

«Aıala» qory «Kásibı baǵdarlaý» jobasyn 6 jyl boıy iske asyryp keledi. «Biz balalar úıleri men mektep-ınternattardyń balalaryna bolashaqta naqty qandaı kásip ıesi bolǵysyn keletinin túsinýge kómektesemiz. Sondyqtan olar úshin uıymdastyrylatyn kýrstar men sabaqtar tájirıbe júzindegi daǵdy arqyly bolashaq jumysyn túsinýge baǵyttalǵan», – dedi «Aıala» qorynyń prezıdenti Aıdan Súleımenova.

 

 

ALMATY

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar