Rýhanııat • 04 Jeltoqsan, 2019

Almatyda Farıza Ońǵarsynovaǵa arnalǵan ádebı baıqaý ótti

48 retkórsetildi

Dara qoltańbasymen, ózindik bolmys-bitimimen qazaq poezııasyna sony lep ákelgen aqyn, ult ádebıetiniń kórnekti ókili, memleket jáne qoǵam qaıratkeri Farıza Ońǵarsynovanyń 80 jyldyǵyna oraı Qazaq ulttyq qyzdar pedagogıkalyq ýnıversıtetinde ádebı baıqaý ótti. Bul týraly oqý ornynyń baspasóz qyzmeti habarlady. 

«Tunyq jyrdyń tumary» dep at qoıyp, aıdar taqqan jyr keshiniń ótýine «Aq qaýyrsyn» jastar shyǵarmashylyq klýby uıytqy boldy. Tuńǵysh ret uıymdastyrylǵan saıysqa Almaty qalasyndaǵy joǵary oqý oryndarynyń stýdentteri baq synasty. Qatysýshylar onlaın daýys berý arqyly iriktelgen. Arnaıy túsirgen beınebaıan avtorlaryna baıqaýdyń aqtyq kezeńine joldama berilgen.

Saıys úsh baǵyt boıynsha ótti. «Jyryń qaldy janymnyń ushqynyndaı» atty baǵytta qatysýshylar Farıza Ońǵarsynovanyń óleńderin naqyshyna keltirip oryndady. Al «Áýelegen ásem án» baǵytynda aqynnyń sózderine jazylǵan mýzykalyq týyndylar oryndalsa, «Jyr jazamyn júrekpen» atty kezeńde qatysýshylar júrekjardy arnaý jyrlaryn usyndy.

Qatysýshylardyń ónerin jazýshy, jýrnalıst Beıbit Sarybaı, aktrısa Nurgúl Myńǵatova syndy rýhanııat salasynyń ókilderinen quralǵan qazylar alqasy baǵalady.

 – О́tkenge kóz salsaq, qazaq ádebıetiniń tarıhynda ómirin óleńge arnaǵan aqyn áıelder az emes. Olardyń qatarynda Marııa Hakimjanova, Zııash Qalaýova, Marfýǵa Aıtqojına, Aqushtap Baqtygereeva, Qanıpa Buǵybaeva, Kúlásh Ahmetova esimderin erekshe atasaq bolady. О́tken ǵsyrdyń 60-70-jyldary – kóziqaraqty kópshilik «poezııa padıshasy» dep áspettegen Farıza Ońǵarsynovany osy tizimniń kósh basynda, aldyńǵy sapynda turǵan ult ádebıetinde ózindik órnegi bar názikjandylardyń biri hám biregeıi dep atasaq bolady. Talaı urpaq Farızanyń shyǵarmashylyǵyna shyn súısinse, Kúlásh pen Qanıpanyń, Aqushtaptyń lırıkasyn jatqa oqydy. Olar poezııa arqyly qazaq qyzynyń jańa obrazyn somdady, jańa keıpinen syr shertti. Olar syrly da nurly jyrlarymen qazaq qyzyn tálimdi tárbıeledi. Olar ana bola tura, aqyn bola tura qıyndyqqa moıymaı, óleńnen teris aınalmaı, adaldyǵynan, azamattyǵynan aınymaı, ony dáleldeı bildi, – dep atap ótti jıynda sóz alǵandar.

Baıqaýdyń «Jyryń qaldy janymnyń ushqynyndaı» atty baǵytynda bas júldeni Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń stýdenti Janar Jeksenova ıelendi. Birinshi orynǵa Qyzdar ýnıversıtetiniń stýdenti Nuraı Aıtbaeva, ekinshi jáne úshinshi oryndarǵa ál-Farabı atyndaǵy Qazaq ulttyq ýnıversıtetiniń stýdentteri Qumarbek Nurken men Saǵynysh Baltabaı ıe boldy.

«Áýelegen ásem án» baǵytynda Qazaq ulttyq qyzdar pedagogıkalyq ýnıversıtetiniń stýdenti Alýa Tumarbaıdyń juldyzy jandy. Ekinshi oryndy ál-Farabı atyndaǵy Qazaq ulttyq ýnıversıtetiniń stýdentteri Janáli Bekzathan men Maǵjan Datqa ózara bólisse, úshinshi oryndy Qyzdar ýnıversıtetiniń bilimgeri Aqerke Jahanqyzy oljalady.

«Jyr jazamyn júrekpen» atty baǵyt boıynsha Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń stýdenti Dıana Izbasar júzden júırik shyqty. Bul baǵytta Qyzdar ýnıversıtetiniń stýdenti Aqtolqyn Jolaýshybaı birinshi oryndy, ál-Farabı atyndaǵy Qazaq ulttyq ýnıversıtetiniń stýdenti Qanat Erbolat ekinshi oryndy jáne osy oqý ornynyń bilimgeri Baýyrjan Asqaruly úshinshi oryndy enshiledi.

 

 

ALMATY

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar