Qoǵam • 04 Jeltoqsan, 2019

«Densaýlyq» poıyzy shalǵaı aýyl turǵyndaryna medkómek kórsetti

32 retkórsetildi

«Densaýlyq» medısınalyq poıyzy Túrkistan oblysynyń 18 shalǵaı stansııa turǵyndaryna tegin medısınalyq kómek kórsetip, birqatar sozylmaly aýrýlardy anyqtady. Qazirgi ýaqytta «Densaýlyq» poıyzy Jambyl oblysynda jumysyn jalǵastyryp jatyr, bul oblys - poıyz baǵdarynyń sońǵy aıaldamaly. Bul týraly «Samruk-KazynaTrust» áleýmettik jobalardy damytý qorynyń baspasóz qyzmeti habarlady habarlady. 

 

Konsýltasııalyq-dıagnostıkalyq poıyz mamandary Qazaqstannyń ár aımaǵyndaǵy problemaly óńirlerdi anyqtap jatyr. Osylaısha, Túrkistan oblysynyń turǵyndary arasynda júrek-qan tamyrlarynyń sozylmaly aýrýlary, osteohondroz, jaraqattan keıingi ensefalopatııalar sııaqty aýrýlar jıi kezdesken, sondaı-aq ártúrli dárejedegi kórý qabileti buzylǵan emdelýshiler kóp bolǵan.

Túrkistan oblysyndaǵy medısınalyq zertteýlerdiń statıstıkasy boıynsha, jalpy dárigerler 6980 adamdy qabyldaǵan, onyń ishinde 942 bala dárigerlik tekserýden ótti.

Medısınalyq poıyz shaǵyn hırýrgııalyq ota men skrınıng jasaýǵa qajetti tehnıkamen tolyq jabdyqtalǵan. Osylaısha, Túrkistan oblysynda medısınalyq poıyz dárigerleri 214 shaǵyn hırýrgııalyq ota, 435 EKG, 950 ÝDZ (ÝZI), 459 flıýorografııa men 77 FGDS prosedýrasyn jasap úlgergen.

Turǵyndar eń kóp júgingen dáriger oftalmolog boldy, ol 1267 adamdy qabyldaǵan, odan keıin 939 adamdy qabyldaǵan ýrolog jáne 903 pasıentti tekserip úlgergen stomatolog dáriger.

«Bizdiń mamandarǵa júrek-qan tamyr potologııasy bar, tirek-qımyl apparatynyń potologııasy, osteohondroz jáne aýyrsyný sındromdary bar adamdar kóp júgindi. Kelgen barlyq pasıentter tekseristen ótti jáne dárigerler olarǵa emdeý sharalary men keńester berdi. Dárigerler tótenshe jaǵdaılarmen de kezdesti. Darboza beketinde poıyz mamandary jol-kólik apatynda zardap shekken eki adamnyń jaǵdaıyn turaqtandyrý úshin alǵashqy kómek kórsetti. Keıin olar aýdandyq emhanaǵa joldama aldy», - dep atap ketti Túrkistan oblysy boıynsha «Densaýlyq» medısınalyq poıyzy dárigerler brıgadasynyń jetekshisi Murat Aıtahýnov.

Poıyz arnaıy mamandary bar emhanalary joq shalǵaı eldi mekenderdiń turǵyndaryna medısınalyq kómek kórsetedi. 

«Men medısınalyq poıyz mamandarynan tolyq tekseristen óttim, onyń ishinde ÝDZ jasatyp, kardıogramma óttim, maǵan dárigerler emdik sharalar jazyp, densaýlyq jaǵdaıymdy jaqsartý boıynsha keńester berdi. Alysta turǵandyqtan, bizge osyndaı jaqsy dárigerlerdiń kelýin biz baǵalaımyz», - deıdi Badam beketiniń turǵyny Elmıra Abdrahmanova.

«Járdem» medısınalyq poıyzy «Densaýlyq» poıyzymen birge búgingi kúnge deıin elimizdiń 62000 turǵynyn tekseristen ótkizdi. «Járdem» poıyzy qazir Mańǵystaý oblysynyń shalǵaı beketterin aralap júr.

Joba «Samuryq-Qazyna» AQ kompanııalar tobynyń atynan «Samruk-Kazyna Trust» Áleýmettik jobalardy damytý qory jáne «QTJ» UK» AQ janyndaǵy Áleýmettik jobalar qorymen birge, sondaı-aq Densaýlyq saqtaý mınıstrliginiń at salysýymen júzege asyp jatyr.

1

Poıyz kestesimen www.medpoezd.kz jáne www.sk-trust.kz/ru resmı saıttarynda tanysýǵa bolady.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar