Rýhanııat • Keshe

Qaıyrymdylyq festıvaline qatysty

25 retkórsetildi

Keshe elordada balalar úıiniń tárbıelenýshilerine materıaldyq kómek kórsetip, olardyń rýhanı álemin baıytý maqsatynda ótetin «Melodıı volshebstva» qaıyrymdylyq festıvali bastaldy.

Joba Darıǵa Nazarbaevanyń bas­tamasymen qurylyp, «Degdar» gýmanıtarlyq qorynyń uıym­das­tyrýymen bıyl ekinshi ret ótýde. Festıval aıasynda aýyldyq eldi mekenderde ornalasqan tórt balalar úıine qarjy jınap, qaıyrymdylyq kómek kórsetiledi. Keshe «Qazaqstan» ortalyq konsert zalynda Aqmola oblysyndaǵy Aqkól aýdanynyń Ýrıýpın aýyly balalar úıiniń tárbıelenýshilerine arnap «Open space» is-sharasyn ótkizdi.

Uıymdastyrýshylar balalardyń óz suraýyna qaraı jańajyldyq syılyqtar da ázirlegen. Syılyqty balalarǵa óz qolymen tabystaǵan Senat Tóraǵasy Darıǵa Nazarbaeva: «Búgin sizdermen kezdesip, baqyt­ty júzderińizdi kórgenime qýanysh­tymyn. Úıirmelerge qatysqan bala­lar­dyń qanshalyqty talantty, bilimge jáne zamanaýı ǵylymdarǵa qansha­lyqty qushtar ekendigin kórdik. Sizderge bolashaǵy jarqyn, maqsa­ty aıqyn tulǵa retinde ósip, barlyq asqaq armandaryńyzdyń orynda­lýyn tileımin. Aınalańyzda ómirin ba­lalardyń qamqorlyǵyna arnap, kún­delikti baqyt shýaǵyn syılap júrgen kóptegen jaqsy, meıirimdi adamdar bar. Balalardyń qasynan tabylatyn tárbıeshiler men pedagogtarǵa zor alǵys bildiremin», dedi.

Sondaı-aq balalar «Erekshe akterler teatrynyń» qoıylymyn, keskindeme óneri, qysh óneri jáne zamanaýı bıler boıynsha sheberlik synyptaryn tamashalap, robottehnıka úıirmelerin, vırtýaldy jáne hımııa laboratorııalaryn kórdi, anımatorlarmen birge qyzyqty oıyndarǵa qatysty.

«Melodıı volshebstva» qaıy­rym­dylyq festıvaliniń aıasynda biz búgin ekinshi ret balalar úıiniń tárbıelenýshilerimen kezdesip otyrmyz. Bul ata-anasynyń qamqorly­ǵyn­syz qalǵan balalardyń arasynda múmkindigi shekteýli óspirimder de bar. Byltyr festıval aıasynda 52 942 250 teńge qarajat jına­lyp, 209 bala qamtylǵan bolatyn. Jınalǵan qarajat esebinen aýyldy jerde ornalasqan 4 balalar úıine kómek kórsetildi. Al bıyl 315 búl­dirshinge kómek kórsetilmek. Buǵan qosa, taǵy 4 balalar úıin sapaly ári qa­jetti qural-jabdyqtarmen qamtý jos­parlanǵan», deıdi «Degdar» gýmanı­tar­lyq qorynyń dırektory Laýra Ah­metova.

Atap aıtqanda, bıyl Ýrıýpınka aýylyndaǵy «balabaqsha – mektep – ınternat» arnaıy kesheni, Shy­ǵys Qazaqstan oblysynyń bilim basqarmasyna qarasty «№8 balalar úıi» KMM, Qaraǵandy oblysy Osakarovka aýdanyndaǵy «Jetim balalar men ata-ana qamqorlyǵynsyz qalǵan balalarǵa arnalǵan mektep-ınternat» KMM jáne Qostanaı oblystyq densaýlyq saqtaý basqar­ma­synyń «Ortalyq nerv júıesi orga­nı­kalyq zaqymdanǵan jáne psıhıkasy buzylǵan balalarǵa arnalǵan Rýdnyı mamandandyrylǵan sábıler úıi» KMM-ge kómek kórsetilmek.

Qaıyrymdylyq festıvali 7 jeltoqsanda «Qazaqstan» OKZ-da Darıǵa Nazarbaeva, Medet Chotabaev,  Meıir Baınesh, Alfııa Karımova, Azat Málik, Azamat Jyltyrkózov, «FORTE TRIO» memlekettik trıosy, «Astana Opera» teatrynyń hory men sımfonııalyq orkestri, dırıjer Abzal Muhıtdınov sııaqty tanymal óner ıeleriniń qatysýymen operettalar men mıýzıklderdiń  arııalary oryndalatyn konsertpen aıaqtalady. Sondaı-aq «Astana Opera» teatry spektaklderiniń kostıýmderinen qurylǵan kórme uıymdastyrylady.

 

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar