Qoǵam • 05 Jeltoqsan, 2019

Almatyda Avstrııa professory kardıologtarǵa dáris ótkizdi

38 retkórsetildi

Búgin Almatydaǵy Kardıologııa jáne ishki aýrýlar ǵylymı-zertteý ınstıtýtynda Almaty, Taldyqorǵan, Atyraý, Taraz, Petropavlovsk qalalarynyń ıntervensııalyq kardıologtary men elektrofızıologtary, arıtmologtary, sondaı-aq, О́zbekstannyń Tashkenttegi ıntervensııalyq arıtmologtary úshin klınıkalyq elektrofızıologııa jáne ıntervensııalyq arıtmologııa boıynsha oqytý sıkly ótti.

Sheberlik kýrsyn Avstrııanyń Sankt Pıolten qalasyndaǵy University Heart Center professory, qondyrǵylardy ımplanttaý jáne elektrodtardy endovaskýlıarlyq ekstraksııalaý jónindegi jetekshi sarapshy Krıstıan Volman júrgizdi. Sondaı-aq Doktor Krıstıan Volman tyńdaýshylarǵa sınýstyq túıinniń álsireý sındromy, ony emdeýdiń zamanaýı tásilderi týraly aıtyp berdi.

Júrek yrǵaǵy jáne ótkizgishtiginiń buzylystary bólimshesiniń jetekshisi, arıtmolog dáriger, júrek elektrofızıology Roın Rekvava kýrsqa qatysqa dárigerlerdi júrek yrǵaǵynyń buzylystaryn emdeýdiń zamanaýı ıntervensııalyq ádisterimen tanystyrdy. Ol júrekaldy fıbrıllıasııa barlyq ınsýlttardyń shamamen úshten bir bóliginiń sebebi jáne deneniń basqa jerinde paıda bolatyn uıyǵan qannyń jarylyp, qan aǵysy arqyly mıǵa quıylǵan kezinde týyndaıtyn embolııalyq ınsýlttiń negizgi sebebi bolyp tabylatyndyǵyn atap ótti.

Oqytý kýrsy kezinde professor Krıstıan Volman men Roın Rekvava ota jasaı otyryp sheberlik klasyn ótkizdi.

Sondaı-aq, 6-7 jeltoqsanda Krızısterdi zertteý ortalyǵynyń (Kaýnas, Lıtva) kardıolog dárigerleri kýrs tyńdaýshylaryn júrekaldy fıbrıllıasııasyn dıagnostıkalaý men emdeýdiń zamanaýı ádisterimen tanystyrady. Sonymen qatar «Júrekaldy fıbrıllıasııasy kezindegi krıoablasııa» taqyrybynda sheberlik klasy ótedi.

О́z mamandyǵynyń maıtalmany bolǵan osyndaı mamandardyń sheberlik klastary ár mamanǵa barlyq jınalǵan aqparatty júıelendirýge jáne ony tájirıbede utymdy paıdalanýǵa múmkindik beredi.

Kardıologııa jáne ishki aýrýlar ǴZI arıtmologııalyq ıntervensııalyq aralasýlardy kórsetý jónindegi jetekshi ortalyqtardyń biri bolyp tabylady.Tek bıylǵy 2019 jyly 800-den astam, al 3 jylda – 2500-den astam sátti operasııa jasaldy.

 

ALMATY

                                              

                                                                                                                      

 

 

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Bárimizdiń Abaıymyz

Rýhanııat • Keshe

Uqsas jańalyqtar