Qoǵam • 05 Jeltoqsan, 2019

Almatyda «STOP Ekstremızm!» baıqaýy uıymdastyryldy

34 retkórsetildi

Elimizde dinı ekstremızm men terrorızmge jol joq!

Osyndaı ustanymdy aldyna maqsat etken «STOP Ekstremızm!» baıqaýy Almatyda uıymdastyryldy. Jyl saıyn halyq arasynda bul zulymdyqtyń aldyn alýdy nasıhattaıtyn baıqaýǵa barlyq sany 87 qatysýshy ótinim tastap, 100-den astam jumys avtorlary baq synady.

Din – qazirgi jastarǵa áser etetin belsendi kúshterdiń biri. Al Qazaqstan halqy, ásirese, jastar jaǵy dinı aǵymdardyń keri jaǵyn durys tanymaı jatady. Osy oraıda elimizde dinı ekstremızm men terrorızmge qarsy qoǵamdy qalyptastyrý maqsatynda jyl saıyn ótkiziletin «STOP Ekstremızm!» áleýmettik baıqaýyna Qazaqstannyń barlyq qalasynan 130 avtorlyq beınerolık kelip túsken.

«Eń bastysy, bul rolıkterde adamdardyń ekstremızm degenniń ne ekenin bilip, ekinshi jaǵynan, týystar men jaqyndarymyzdy sodan saqtap qalý bolyp otyr. Meniń oıymsha, bul óte jaqsy stımýl jáne adamdardyń osyndaı ekstremızmge qarsy jańa sherýi, jaqsy «trend» dep esepteımin», - dedi Almaty qalalyq máslıhatynyń depýtaty Qaırat Qudaıbergen.

Baıqaýǵa elimizdiń ár qalasynan 87 adam qatysqan. Saıys talaptaryna saı oryndalǵan jáne maǵynasy tereń áleýmettik beınerolıkterdiń ishinen eń úzdikteri tańdalyp, jeńimpazdarǵa aqshalaı syılyqtar tabystaldy. Baıqaýdyń júlde qory 1 500 000 teńgeni qurap, ol bes qatysýshyǵa bólinip berildi. Eń jaqsy avtorlyq jumystar «Úzdik áleýmettik rolık» nomınasııasy boıynsha - 700 000 teńge, «Úzdik ıdeıa» - 400 000 teńge, «Úzdik rejısserlik jumys» - 300 000 teńgelik yntalandyrý syılyǵy nomınasııalary boıynsha marapattaldy.

Marapattaý rásiminde bul zulymdyqtyń mán-maǵynasyn beınerolık arqyly jetkize bilgen jumystardyń kóbi kórermender nazaryna usynyldy. Aldaǵy ýaqytta baıqaýǵa qatysqan bul rolıkter áleýmettik jelilerge de júkteledi. Baıqaý qorytyndysy boıynsha júldeli oryndardy - Oleg Hon, Álınur Shpekbaev, Sabına Toqsanova, Rústem Álpı esimdi qatysýshylar ıelendi.

Qazirgi tańda halyqaralyq terrorızm aýqymy, keltirgen zalaldary men jıiligi boıynsha adamzattyń úlken problemalarynyń birine aınalǵan. Dese de, dinı ekstremızm men laikestikke qarsy kúres elimizde  2013 jyldan bastaý alyp, arnaıy baǵdarlamalar jumys jasap keledi. Onda jat aǵymnyń  aldyn alýda jurtshylyqty jumyldyrýǵa jáne maqsatty toptar arasynda aqparattyq úgit-nasıhat jumystaryn jetildirýge jete mán berilgen. Aıta ketelik, osyndaı mańyzdy shara Almaty qalasynyń prokýratýrasy men arnaıy qoǵamdyq qorlardyń qoldaýymen uıymdastyrylǵan.  

 

ALMATY

 

 

 

 

 

 

.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Bárimizdiń Abaıymyz

Rýhanııat • Keshe

Uqsas jańalyqtar