Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

29 retkórsetildi

Kenshiler astanasynda oblys turǵyndaryna memlekettik qyzmet túrlerin kórsetetin Antikor Ortalygy mekemesi ashyldy.

Jańa nysannyń saltanatty ashylý rásimine Qaraǵandy oblysyna jumys saparymen kelgen Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen óńir basshysy Jeńis Qasymbek qatysty.

Atalǵan ortalyqtyń Memleket basshysy Qasym-Jomart Toqaev jarııa etken «Tyńdaýshy memleket» tujyrymdamasy aıasynda elimiz boıynsha iske asyrylǵan tórtinshi joba ekenin aıta ketken lázim.

Alık Shpekbaev mundaı ortalyqtardyń eldegi sybaılas jemqorlyq kórinisterin azaıtýǵa septigin tıgizetinin atap ótti.

– Memlekettik qyzmetterdi alǵysy keletin azamattar úshin jaqsy jaǵdaı jasalǵan. Bul halyq pen memlekettik qyzmetkerler arasynda ashyq, ádil dıalog ornatýǵa kómektesedi. Sońǵy úsh jylda Qazaqstanda turmystyq sybaılas jemqorlyq deńgeıiniń tómendeýi baıqalady. Bul sıfrlandyrý, front-keńselerdiń ashylýy jáne aldyn alý sharalarynyń arqasynda júzege asady. Osynyń barlyǵy adamdardyń sanasynda sybaılas jemqorlyqqa qarsy jekkórýshilik sezimin qalyptastyrýǵa yqpalyn tıgizedi, – dedi ol.

Jańa ortalyq Sybaılas jemqorlyqqa qarsy is-qımyl agenttiginiń oblystyq departamenti ǵımaratynyń aldynda ornalasqan. Ǵımarattyń birinshi qabatynda resepshn, operasııalyq jáne kútý zaldary, keńesshilerge arnalǵan bólmeler bar. Ekinshi qabatta baspasóz ortalyǵy, qyzmetkerlerdiń jumys bólmeleri ornalasqan jáne munda «Saryarqa – adaldyq alańy» jobalaý keńsesi jumys isteıdi.

Sondaı-aq, bul jerde azamattarǵa zań keńesi qyzmeti tegin kórsetiledi jáne turǵyndar sybaılas jemqorlyqqa qarsy qyzmet basshylarynyń qabyldaýyna jazyla alady.

Antikor Ortalygy keńsesi zamanaýı tehnıka túrlerimen jabdyqtalǵan. Munda  múmkindigi shekteýli jandar úshin de barlyq qolaıly jaǵdaı qarastyrylǵan.

Jańa nysannyń ishin aralap, onyń jumysymen tanysqannan keıin  Alık Shpekbaev sol jerde azamattardy qabyldap, olardyń ótinish-tilekterine qulaq túrip, suraqtaryna tolyqqandy jaýap berdi.

 

Qaraǵandy oblysy

 

Sońǵy jańalyqtar

Almaty jasyl qalaǵa aınalady

Qoǵam • Búgin, 06:50

Bala aýyrsa, bárimiz jaýaptymyz

Medısına • Búgin, 06:48

«Aqylǵa sáýle qonbasa...»

Qoǵam • Búgin, 06:46

Hakimdi jańasha túsinýdiń álippesi

Rýhanııat • Búgin, 06:45

Abaı sózi – qazaqtyń boıtumary

Qazaqstan • Búgin, 06:36

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Uqsas jańalyqtar