Qazaqstan • 10 Jeltoqsan, 2019

Almatyda «Qurban bolǵan tulǵalar» atty kórme ashyldy

27 retkórsetildi

Almatydaǵy Memlekettik ortalyq mýzeıinde qazaq halqynyń Úsh báıteregi, stalındik zobalańnyń qurbandary, artyna óshpes rýhanı mura qaldyrǵan qazaqtyń aqıyq aqyny, qoǵam qaıratkeri – Ilııas Jansúgirov, jalyndy aqyn, jazýshy, daryndy dramatýrg Sáken Seıfýllın men jazba áńgimeniń has sheberi, tanymal jazýshy Beıimbet Maılınniń 125 jyldyq mereıtoıyna oraı «Qurban bolǵan tulǵalar» atty kórmesi ashyldy.

Tarıhı derekterge súıensek,1930-1953 jyldar aralyǵynda 40 mıllıonnan astam Keńes azamattary repressııaǵa ushyraǵan. Osy kezeńde qazaqtardyń 40 paıyzy qaza tapqan. Ásirese bul zańsyz jazalaýǵa Keńes Odaǵy quramynda bolǵan barlyq halyqtar men ulttardyń betke ustar zııaly qaýym ókilderi ushyraǵan. Bar ómirin qazaq halqynyń rýhanııatyna arnaǵan tulǵalardyń 125 jyldyǵyna arnalǵan is-sharalar el kóleminde keshendi qolǵa alynýda. Osyǵan oraı Ortalyq mýzeıde uıymdastyrylyp otyrǵan kórmeniń negizgi maqsaty – 30-40 jyldary qurban bolǵan zııaly qaýymnyń azamattyq tulǵasymen tanystyrý, ózge de dara tustaryn óskeleń urpaqqa nasıhattaý bolyp tabylady  

Kórmege Ortalyq mýzeı qoryndaǵy  Ilııas Jansúgirovtyń, Sáken Seıfýllınniń, Beıimbet Maılınniń jeke keshenderinderi, sonymen qatar zamandastary–Turar Rysqulov pen Sultanbek Qojanovtyń  muraǵattan alynǵan materıaldary qoıyldy.

Sondaı-aq kelýshiler nazaryna sol jyldardaǵy zııaly qaýymnyń jumys kabınetiniń kórinisi men S.Seıfýllınniń jeke móri, altyn saǵaty, portsıgary, sakvaıajy jáne  zattary usynyldy. Kelýshiler nazaryna usynylyp otyrǵan bul kórme tanymal arystardyń Qazaqstan Respýblıkasy Prezıdentiniń arhıvi, Almatydaǵy Ortalyq memlekettik muraǵaty jáne «Ǵylym Ordasy» Ortalyq ǵylymı kitaphanasymen birlesip  uıymdastyryldy.

Sońǵy jańalyqtar

Uqsas jańalyqtar