Aımaqtar • 10 Jeltoqsan, 2019

Almatyda áleýmettik az qamtylǵan otbasylarǵa tómen paıyzben nesıe berile bastady

33 retkórsetildi

Almatyda kópbalaly jáne jaǵdaıy tómen otbasylarǵa, sondaı-aq jeke kásipkerlerge arzan paıyzben nesıe berile bastady. Qala bıligi bıyl qos qarjy uıymyn ashyp, oǵan 3 mıllıard teńgege jýyq qarajat bólgen.

Qyrkúıek  aıynda ǵana qurylǵan qos qarjy mekemesi qazir 5 jobany maquldapty. Nátıjesinde, kásip ashamyn degender tıimdi sharttarmen armanyna jetýge bir taban jaqyndaı tústi. Almaty ákimdigi bul shara «Rýhanı baǵdarlama» aıasynda sheshimin taýyp otyrǵanyn aıtady. Sebebi tómen paıyzben nesıe alýǵa ótinish bergen otbasylardyń basym kópshiligi qyz jasaýyn daıyndap berýmen aınalysatyn tigin sehtary, nan ónimderi jáne qoǵamdyq tamaqtandyrý oryndaryn ashamyn degen nıetpen alǵan.         

Endi jyl sońyna deıin alyp shaharda úsh tigin sehy, nan ónimderin pisiretin shaǵyn naýbaıhana jáne kofe qýyratyn shaǵyn nysan ashylady.

«Almaty bıznes 2025» aımaqtyq baǵdarlamasy – qala úshin jan-jaqty qamtylǵan mańyzdy qujat. Basym baǵyttarynyń biri – halyqty kásipkerlikke baýlý, qalaǵa qaltasy qalyń ınvestor tartý, qarjylyq qoldaý kórsetý jáne bıznes qurý úshin tıimdi jaǵdaı jasaý. Sondaı-aq onyń aıasynda 6 jańa mekeme quryldy. «Almaty» áleýmettik-kásipkerlik korporasııasyna qaraıtyn Almaty fınans jáne Almaty mıkroqarjy uıymy bolatyn. Olar qazir kásipkerlerden ótinishter qabyldap jatyr. Maqsattary bir qos kompanııa bıznes bastaımyn degenderdi demep jiberýmen aınalysady.

«Osy eki mekeme shaǵyn jáne orta bızneske nesıe beredi.  Iаǵnı, almaty mıkro qarjy uıymy 20 mln teńgege deıin jáne 2 paıyzben kópbalaly januıalarǵa beredi. Al Almaty fınans mekemesi 20 mıllıonnan 300 mıllıonǵa deıin orta jáne kishi bıznesti damytý úshin nesıe beredi. 7 jylǵa deıin 2 paıyzben eger alatyn bolsa bizde myna jańadan qosylǵan aýdandar bar ǵoı. Alataý aýdany, Naýryzbaı aýdany», dedi Almaty Finance qarjy mekemesi basqarma tóraǵasynyń orynbasary Zańǵar Sálimbaev.

Aıta keteıik, kásipti Almatyǵa jańadan qosylǵan Alataý men Naýryzbaı aýdandarynda bastaımyn degender nesıeni bar bolǵany 2 paıyzben alady. Nesıe kámelettik jasqa tolǵandardan bastap, zeınet jasyna deıingilerge beriledi. Sondaı-aq kásibi bar degenmen ony keńeıtem deýshiler úshin de múmkindik qarastyrylǵan. Qala ákimdigi bastaǵan baǵdarlamanyń tıimdi tusy sol, kásipkerge qarajat ózi tańdaǵan ekinshi deńgeıli banktegi esepshotyna aýdarylady. Nesıeni qarastyrý kezinde bir tıynda komıssııa alynbaıdy. Iаǵnı maquldanǵan soma naqty qolǵa túsedi.

«Bizde tek qana nesıe emes, lızıng degen qarjy quraly da bar. Qarjylyq lızıng. Iаǵnı, bul ózińizdiń 20 paıyz bastapqy mólsherindegi qarjyńyz bar bolsa, sol 20 paıyzdy quıa otyryp, qalǵan 80 paıyzdy bizdiń kompanııadan alýǵa bolady degen sóz», dedi Almaty Finance qarjy mekemesi basqarma tóraǵasynyń orynbasary Zańǵar Sálimbaev.

Kópbalaly jáne jaǵdaıy tómen otbasylar bıznes bastasa, alaıda qolynda jospary joq bolsa da, kómek qolyn sozamyz deıdi qarjy uıymdary. Bastysy, alǵa asqaq maqsat qoıyp, óz-ózine senýi kerek. Oǵan qosa, Almatyda ashylǵan qoldaý ortalyǵyndaǵy mamandar baǵyt-baǵdar berýge qashanda daıyn. Al óz kezeginde mamandar olarǵa 21 kúndik nemese 3 aılyq «Bıznes bastaý» kýrsyn támamdaýǵa keńes beredi. Sertıfıkat alǵan soń, Baızaqov 303 mekenjaıyna kelýge bolady.

Sońǵy jańalyqtar

Taraz turǵyndary baspanaly boldy

Aımaqtar • Búgin, 11:20

Shymkent qalasynyń jańa ákimi taǵaıyndaldy

Taǵaıyndaý • Búgin, 11:14

Qoǵam qaıratkeri Kamal Burhanov ómirden ozdy

Rýhanııat • Búgin, 10:55

Kásipkerlikti qoldaý jalǵastyrylady

Saıasat • Búgin, 08:05

«Aqylǵa sáýle qonbasa...»

Qoǵam • Búgin, 08:03

Balýandar Eýropadan tabysty oraldy

Kúres • Búgin, 07:56

Boksshylar álemdik reıtıngte joǵarylady

Kásipqoı boks • Búgin, 07:55

Qazaqy as: dástúr men dám

Rýhanııat • Búgin, 07:51

Terezeden qarama...

Rýhanııat • Búgin, 07:49

Qurylymyna saı ataýlary da ózgerse...

Aımaqtar • Búgin, 07:46

Zańsyz is-árekettiń jolyn kesti

Qoǵam • Búgin, 07:45

Qyzmet barysynda qaza tapty

Rýhanııat • Búgin, 07:44

Bozingendi ıdirgen kúı edi...

Rýhanııat • Búgin, 07:42

«Kohlear Nýkleýs» kómekke keldi

Aımaqtar • Búgin, 07:40

Jumys nátıjeleri qorytyndylandy

Úkimet • Búgin, 07:35

Jambyldyqtardy tolǵandyratyn máseleler

Ekonomıka • Búgin, 07:34

Aǵa men ini

Qoǵam • Búgin, 07:30

Ysqaq qajy áýlıe

Rýhanııat • Búgin, 07:25

Qaban, Táńki jáne Bydyq

Rýhanııat • Búgin, 07:23

Qaıyq kútken kún

Rýhanııat • Búgin, 07:21

«Ultqa qyzmet etý – minezden»

Saıasat • Búgin, 07:16

Talantty jastarǵa berilgen múmkindik

Qoǵam • Búgin, 07:13

Sheteldik kólikter tirkelýi tıis

Qoǵam • Búgin, 07:05

Mal eksportyna nege tyıym salyndy?

Ekonomıka • Búgin, 07:00

Uqsas jańalyqtar