Qoǵam • 11 Jeltoqsan, 2019

Túrkistan adaldyq mekenine aınalady

40 retkórsetildi

Túrkistannyń rýhanı negiz­derin eskere otyryp, qoǵam arasynda adaldyq jáne parasattylyq qundylyqtarynyń negizderin nasıhattaý maqsatynda búginde Sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń bastamasymen birqatar tyń ıdeıalar qolǵa alyndy. Sonyń biri retinde «9 jeltoqsan – Halyqaralyq sybaılas jemqorlyqqa qarsy kúres» kúnine oraı Túrkistanda alǵash ret halyqaralyq deńgeıde ótken forýmdy atar edik.

Jemqorlyqtyń jolyn kesý­degi úzdik tájirıbelerdiń tıimdi joldaryn qarastyrý jáne onyń aldyn alýdyń utymdy tásilderin ortaǵa salý maqsatyndaǵy fo­rým­ǵa memlekettik qyzmet sala­syndaǵy Astana hab basqarý­shy komıtetiniń tóraǵasy Á.Báı­menov, Respýblıkalyq arnaıy monıtorıngtik top basshysy A.Soloveva, IIM Qoǵamdyq keńesiniń tóraǵasy M.Qoǵamov, Keńes Odaǵynyń batyry N.Kre­menısh, «Eriktiler lıgasy» qo­ǵamdyq qorynyń tóraıymy A.Ernııazova, Respýblıkalyq «Adaldyq alańy» jobalyq keńse jetekshisi M.Qarǵabaı, Ázerbaıjan Respýblıkasynyń Memlekettik emtıhan ortalyǵy tóraǵasynyń orynbasary B.Halılov, Túrkııa Respýblıkasy Marmara (Ystanbul) ýnıver­sıtetiniń professory I.Attıla, Nıý-Iork (AQSh) polısııasynyń úzdik qyzmetkeri D.Nııazov, ha­lyq­aralyq sarapshylar, ǵa­lym­dar men quqyq qorǵaý or­gan­darynyń ardagerleri, or­talyq jáne jergilikti atqa­rýshy organdardyń laýazymdy tul­ǵalary qatysty. Jıynda oblys ákiminiń orynbasary U.Tájibaev Elbasynyń tarıhı sheshimimen oblys bolyp qurylǵan Túrkistan jerin jemqorlyqtan tazartyp, adaldyqtyń mekenine aınaldyrýda halyqaralyq forýmnyń qosar úlesi zor ekenin atap ótip, óziniń paıymdy oı-pikirin bildirdi. Al Álıhan Báımenov jemqorlyqqa qarsy kúresti agenttiktiń, pro­kýratýranyń nemese sottyń ju­mysy dep qaramaý kerektigin, bul búkil halyqtyq is ekendigin jáne batpandap kirgen dertti shyǵarý úshin árbir azamat, sonyń ishinde árbir basshy tazalyqtyń, adaldyqtyń úlgisin kórsetýi tıis ekendigin tilge tıek etti. Sondaı-aq forýmǵa AQSh-tan arnaıy kelgen Nıý-Iork polısııa departamentiniń úzdik qyzmetkeri D.Nııazov Túrkistannyń bola­shaǵy jarqyn ári keleshegi kemel bolaryna senim bildirip, otan­dyq polısııanyń shtat sanyn ońtaılandyrý arqyly eńbek ónimdiliginiń sapasyn arttyrýǵa bolatyndyǵyn jetkizdi.

Sybaılas jemqorlyq – el ekonomıkasynyń kemeldenýine ke­dergi keltirip, memlekettiń mejeli maqsatqa jetýine tusaý bolatyn qaýipti kesel. Jeń ushy­nan jalǵasqan jemqorlyq kez kelgen qýatty eldiń áleýetin qul­dyratyp, halyqtyń bılik ınstıtýttaryna degen senimine sel­keýlik túsiredi. Básekelestik qabi­letin báseńdetip, memlekettiń órkenıet kóshine ilesýine orasan zor nuqsan keltiredi. Qoǵamdyq in­detpen búkil álem bolyp kú­resý maqsatynda Birikken Ult­tar Uıymynyń uıǵarýymen 9 jeltoqsan – Halyqaralyq sybaılas jemqorlyqqa qarsy kúres kúni bolyp belgilenip, búgingi kúni kóleńkeli qylmystyń jolyn kesýde jalpy qoǵamǵa tán ortaq bas­tamalar júzege asyrylyp keledi.

Taǵylymdy tarıhqa toly rý­hanı meken Túrkistan óńi­rinde alǵash ret ótkizilgen táji­rıbe almasý jıynynyń ózin­dik ereksheligi de sybaılas jem­qorlyqsyz adal qoǵamdy qalyp­tastyrý. Mundaı ıgi bastamaǵa qurylǵan halyqaralyq forým­nyń túrki jurtynyń asyl besigi – Túrkistan qalasynda ótýine barlyq rýhanı negizder bar. Bul forým aldaǵy ýaqytta da óz jalǵasyn taýyp, sheteldik sarap­shylardyń belsene qatysýymen turaqty túrde ótkizilip turatyn bolady. Osy oraıda IIM Qo­ǵam­dyq keńesiniń tóraǵasy M.Qo­ǵamov mundaı halyqaralyq fo­rýmdy kem degende eki jylda bir ret Túrkistanda ótkizý qajet degen usynysyn jetkizdi.

Qoǵam indetimen qarqyndy kúresýdiń jolyn qaýzaǵan fo­rým sońynda Sybaılas jem­qorlyqqa qarsy is-qımyl agent­tigi Túrkistan oblysy boıyn­sha departamenti qyzmet­ker­leriniń jáne departament qam­qorlyǵyndaǵy Arys qala­syn­daǵy «T.Tájibaev atyndaǵy otbasy úlgisindegi balalar aýyly» tárbıelenýshileriniń qaty­sýymen túsirilgen «1424» kórkem fılmi alǵash ret kórsetilip, qatysýshylarǵa tereń oı saldy. Halyqaralyq forým tarıhı ólkeni jemqorlyq keselinen aryltyp, órkenıet oshaǵy men adaldyq mekenine aınaldyrýǵa birden-bir negizgi qadam bolmaq.

 

Hakım KО́ShQALIEV,

Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń basshysy, 3-synypty memlekettik ádilet keńesshisi

 

Sońǵy jańalyqtar

Sheteldik kólikti tirkeý kerek

Saıasat • Búgin, 07:25

Jańa ekonomıkalyq baǵyt qajet

Prezıdent • Búgin, 07:18

Sıfrlandyrý qadamdary artyp keledi

Tehnologııa • Keshe

Almaty mańynda jer silkindi

Qazaqstan • Keshe

Elbasy Túrkııa halqyna kóńil aıtty

Qazaqstan • 25 Qańtar, 2020

Elektiń sory – alty valentti hrom

Ekologııa • 25 Qańtar, 2020

BQO polısııasy 440 otbasyn tekserdi

Aımaqtar • 25 Qańtar, 2020

Elimizdiń birneshe óńirinde tas joldar jabyq

Qazaqstan • 25 Qańtar, 2020

Túrkııada jer silkinisi boldy

Álem • 25 Qańtar, 2020

Qyzylorda: Qazalydaǵy qonys toı

Aımaqtar • 25 Qańtar, 2020

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Uqsas jańalyqtar