Qoǵam • 11 Jeltoqsan, 2019

Agrarlyq grantpen JOO-da oqyǵan túlekter aýylda 3 jyl jumys isteıtin bolady

25 retkórsetildi

Aýyl jastaryna arnalǵan kvota boıynsha agrarlyq joǵary oqý oryndaryn bitirgen túlekter 2020 jyldan bastap aýyldyq jerlerde 3 jyl jumys isteýge mindetti bolady. Bul týraly Aýyl sharýashylyǵy mınıstrliginiń baspasóz qyzmeti habarlady. 

Aýyl sharýashylyǵy mınıstrligi sala mamandaryn daıarlaýǵa qatysty ulttyq zańnamaǵa birqatar túzetýler engizdi. Aǵymdaǵy jyldyń 28 qazanynda Memleket basshysy tıisti zańǵa qol qoıdy.

«Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zańy aıasynda «Bilim týraly» Zańnyń 47-babyna ózgeris engizildi.

Jańa zań boıynsha aýyldyq kvotamen aýyl sharýashylyǵy mamandyqtarynda oqyǵan JOO-nyń túlekteri aýyldyq jerlerde keminde 3 jyl jumys isteıdi.

Zańnamany ózgertý, shyn máninde, memleket esebinen joǵary nemese joǵary oqý ornynan keıingi bilim alǵan aýyl jastaryn agrarlyq beıindegi uıymdarda kepildi túrde jumysqa ornalasýyna múmkindik beredi.

QR AShM bul shara aýyl sharýashylyǵy taýaryn óndirýshilerdiń kásibı kadrlarǵa degen suranysyn arttyrýǵa múmkindik beredi dep sanaıdy. Jańashyldyq jastardy jumyspen qamtamasyz etý máselelerin sheshedi. Sondaı-aq aýyldyq jerde «aýyl sharýashylyǵy mamandyǵy» boıynsha múlde jumys isteýdi josparlamaǵan talapkerlerdiń «aýyldyq kvotamen» memlekettik grantqa túsýine jol bermeıdi. 

Buǵan deıin habarlaǵanymyzdaı, «QR keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» zańy aıasynda QR Bilim jáne ǵylym mınıstrliginiń joǵary jáne orta arnaýly oqý oryndaryndaǵy aýyl sharýashylyǵy mamandyqtary boıynsha mamandar daıarlaýǵa arnalǵan memlekettik bilim berý tapsyrystarynyń kólemin anyqtaý, olardy bólý men ornalastyrý Aýyl sharýashylyǵy mınıstrliginiń quzyretine berilgen bolatyn.
Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar