Rýhanııat • 11 Jeltoqsan, 2019

Bıbigúl Tólegenovanyń shákirti ustazynyń qurmetine kesh ótkizdi

133 retkórsetildi

Atyraýda QR Eńbek sińirgen qaıratkeri, Dına Nurpeıisova atyndaǵy akademııalyq halyq aspaptar orkestriniń ánshisi Marjan Tórehanovanyń shyǵarmashylyq keshi boldy.  Bul týraly О́ńirlik kommýnıkasııalar qyzmeti habarlady.

Romanstardy sheber oryndaýshy, biregeı daýys ıesi Marjan Tórehanova shyǵarmashylyq keshin Qazaqstannyń halyq ártisi, sahna hanshaıymy Bıbigúl Tólegenovanyń 90 jyldyǵyna arnady.

Klassıkalyq mýzyka keshine Atyraý oblysynyń ákimi Nurlan Noǵaev, zııaly qaýym ókilderi men álemdik opera klassıkasy týyndylary men halyq ánderin súıip tyńdaýshylar keldi.

Qurmanǵazy atyndaǵy mádenıet saraıynyń sahnasynda ıtalıandyq kompozıtor Djoakkıno Rossını men alǵashqy qazaq operasynyń avtory Evgenıı Brýsılovskııdiń shyǵarmalary, qazaq, orys halyq ánderi, Vena operettasynyń kompozıtory Frans Legardyń shyǵarmalary oryndaldy. Qazaqtyń uly ánshisi Bıbigúl Tólegenova sharaǵa qatysa almaǵanymen atyraýlyqtarǵa arnaıy beınejoldaý arqyly tilegin jetkizdi.

Mundaı kásibı ánshi Atyraýda ǵana emes, batys óńirinde joq. Bul sózdi shákirtim bolǵandyqtan aıtyp otyrǵan joqpyn, shyny sol. Onyń daýysyna kóptegen elderdiń sahnasynda qoshemet kórsetildi. Menen keıin «Bulbul» ánin sheber oryndady. Bul oǵan tabıǵat bergen úlken talant. Búginde shákirtteri izin jalǵap, mýzykalyq konservatorııada bilim alyp, elge tanylyp júr,- dedi Bıbigúl Tólegenova.

go

Marjan Tórehanovanyń shyǵarmashylyq keshin uıymdastyrýshylarǵa oblys ákimi alǵys aıtty.

- Bizge osyndaı keremet kesh syılaǵandarǵa rızashylyǵymyzdy bildiremiz. Akademııalyq halyq aspaptary orkestrine, dırıjerler men jetekshilerine. Kórermen ǵajaıyp áser aldy degen oıdamyn. Bıbigúl Tólegenovanyń shákirtteri elimizdiń túkpir-túkpirinde bar. Bul úlken eńbek. Marjanǵa tabys, talantty da talapty shákirtter tileımin,-dep atap ótti Nurlan Noǵaev.

 qzó

 

Atyraý

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar