Aımaqtar • 11 Jeltoqsan, 2019

Atyraý qalasynyń ákimi mektep oqýshylarynyń qaýipsizdigin qamtamasyz etýdi tapsyrdy

42 retkórsetildi

Álımuhammed  Quttymuratuly kámeletke tolmaǵandar arasyndaǵy quqyq buzýshylyqtyń aldyn alý jáne mektep oqýshylarynyń qaýipsizdigi jónindegi vedomstvoaralyq komıssııa otyrysyn ótkizdi. Bul týraly Atyraý oblysynyń О́ńirlik kommýnıkasııalar qyzmeti habarlady.

Atyraý qalalyq ishki ister departamenti basshysynyń mindetin atqarýshy Erlan Bıgambaevtyń málimdemesine sáıkes, kámeletke tolmaǵandarmen  2018 jyly  99 qylmys tirkelse,  2019 jyly 26 qylmys tirkelip, kórsetkish 73,7 paıyzǵa tómendegen.

Mundaı zań buzýshylyqtardyń aldyn alý maqsatynda  ýchaskelik polısııa qyzmetkerleri  mektep basshylyǵymen, ata-analarmen kezdesýler ótkizip, birqatar sharalar uıymdastyrǵan.

Máselen, «Jasóspirim», «Túngi qala», «Demalys», «Qaıyrshy» sekildi profılaktıkalyq sharalary kámeletke tolmaǵandar arasynda quqyq buzýshylyqtyń azaıýyna yqpalyn tıgizýde.

- Sondaı-aq jasóspirimderdiń zań buzýshylyqtaryn azaıtý úshin, qala aralyq tártipten bólek, kommýnaldyq qyzmetter tarapynan da  máselelerdi sheshý qajet. Mysaly, mektep  aınalasy beınekameralarmen tolyq jabdyqtalýy kerek, bilim berý uıymdarynyń aýmaǵynda kóshe jaryǵy ornatylýy tıis, balalar qarańǵyda qaraýsyz qalmaýy kerek.  Qaladaǵy qaraýsyz qalǵan ǵımarattar men jertólege kirgizbeýdi qatań qadaǵalap,  mektep ınspektorlarynyń sanyn kóbeıtý qajet, - dedi Erlan Bıgambaev.

Qalalyq bilim bóliminiń basshysy Farýza Shangereevanyń aıtýynsha, qazirgi tańda Atyraý qalasynda 59 mektep pen 46 balabaqsha bar. Olardyń barlyǵy múmkindiginshe beınekameralarmen jabdyqtalǵan.

- Biz mektep oqýshylarynyń qaýipsizdigin qamtamasyz etý úshin lısenzııalanǵan kúzet kompanııasymen kelisimshart jasaý múmkindigin qarastyrýdy usynamyz.  О́rt qaýipsizdiginiń aldyn alý maqsatynda  qalanyń barlyq mektepteri men balabaqshalaryna biryńǵaı dıspetcherlik baqylaý ornatý máselesi qarastyrylýda, - dedi Farýza Shangereeva.

Jıyn sońynda Atyraý qalasynyń ákimi Álımuhammed Quttymuratuly atalǵan  máselelerdi jýyq arada sheshýdi tapsyrdy.

- Eń aldymen, mektep ınspektorlarynyń sanyn kóbeıtip, barynsha qaýipsizdikti qamtamasyz etý qajet, - dep qorytyndylady Álımuhammed Quttymuratuly.

 

 

Atyraý

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar