Qoǵam • 11 Jeltoqsan, 2019

Almaty oblysynda jasóspirimder arasyndaǵy sýısıd azaımaı tur

44 retkórsetildi

О́kinishke qaraı, Almaty oblysynda bıyl jasóspirimder arasynda ózine-ózi qol jumsaý oqıǵasy azaımady.

О́tken on aı ishinde 33 bala sýısıdke oqtalyp, onyń jıyrma ekisiniń qyrshynynan qıylǵany jaıynda derek bar. Al burnaǵy jyly 15-17 jas aralyǵyndaǵy órenderdiń ólimge moıynsuný deregi qyryqtyń ústinde bolǵan eken.

Sýısıdke ıtermelegen sebepter de ár alýan. Mamandar adamnyń ózine qol salýyn júıke júıesiniń syr berýi men áleýmettik, qarjylyq, otbasylyq qıyndyqtardyń sheshimin taba almaý sııaqty jaǵdaılarǵa silteıdi. Al balalar arasyndaǵy oqıǵalar ata-ana arasyndaǵy kıkiljiń, balalardyń ózara kıkiljińi, muǵalimder tarapynan aıtylǵan eskertpelerden keıin oryn alady eken.

Dál osy jerde mektep muǵalimderi tarapynan qyspaq kórip, ózine qol jumsaǵan derekke nazar aýdarý qajet sııaqty. Máselen, jyl basynda oblystyń Talǵar aýdanynda 9-synyp oqýshysy sabaqtan keıin ózine qol jumsap, ómirimen qosh aıtysqan edi. О́kinishtisi, mektepte bolǵan kıkiljińnen keıin úıine kelgen oqýshy qoraǵa kirip, asylyp qalypty.

«Ulym sol kúni sabaqtan kóńilsiz keldi. Sebebin suraǵanda, 7 synyptyń oqýshysymen tóbeleskenin bildim. Osy oqıǵany kórgen mekteptiń geografııa pániniń muǵalimi ony búkil mektep oqýshylarynyń kózinshe jazalap, namysyn tıetin sóz aıtqan. Muny tómengi synypta oqıtyn qyzym aıtyp keldi. Men ulym sabasyna túskesin sóılesýdi oılap, isti ýshyqtyrmadym. Ol qorany tazalaýǵa shyǵyp ketken. Artynan barǵanymyzda asylyp qalypty. Janushyryp dáriger shaqyrdyq, kómektse almadyq, - degen edi sol kezde qan jutqan ana jýrnalısterge.

Aıtpaqshy, aımaqta balalar arasyndaǵy quqyqbuzýshylyq ta kóbeıip tur. Munyń bir sebebin quzyrly oryndar mektep ınspektorlarynyń jetispeýshiliginen izdeıdi. Qazir aımaqtaǵy 760 bilim berý mekemesinde bar bolǵany 182 polısııa ýákili jumys isteıdi eken.

 

 

Almaty oblysy

 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar